Methyu 15:4 - Kriol Baibul

⁴ Det lowa blanga God im tok, ‘Yumob garra rispek en teiknodis langa yumob mami en dedi dubala.’ En im tok, ‘If enibodi mokimbat im mami en dedi, dei garra kilim im ded.’

Methyu 15:4 Iomraidhean Croise

Eksadas 20:12

“Yumob garra rispek en teiknodis langa yumob dedi en mami wulijim yumob garra jidan longtaim langa det kantri weya ai garra gibit langa yumob.

Eksadas 21:17

If enibodi tok nogudwei en sweya langa im dedi o im mami, wal im garra dai.

Prabebs 20:20

Enibodi hu tok brabli nogudbalawei langa im dedi en mami garra binij jis laik lemp wen im stap barnbarn.

Prabebs 23:22

Yumob garra lisin langa yumob dedi en yumob nomo fogedabat yumob mami wen im olgamen.

Prabebs 30:17

If yu meigimbat fan blanga yu dedi, en if yu nomo abum rispek blanga yu mami, detlot kro garra deigimat yu dubala ai en detlot igulok garra kaman en dagadagatbat yu bodi.

Aisaiya 8:20

“If enibodi nomo teiknodis langa det wed dei kaan jidan laibala blanga luk det deilait.

Labidakas 19:3

Yumob garra rispek yumob mami en dedi, en langa det namba 7 dei yumob garra abum spel, dumaji mi na YAWEI det trubala God blanga yumob.

Labidakas 20:9

“Enibodi hu tok brabli nogudbalawei en sweya langa im dedi en mami en meigim im nogudbinji, yumob garra kilim im ded, dumaji imbin dum nogudbala ting en tharran im ronwan folt. Im garra lafta dai.

Methyu 15:3

Wal Jisas bin tok, “Wal ai garra askim yumob kwestjan basdam. Wotfo yumob oldei tjakidawei det lowa blanga God en bulurrum yumob grengrenfatha lowa?

Methyu 15:5

Bat yumob oldei titjimbat ola pipul nomo blanga bulurrum det wed blanga God. Yumob oldei dalim ola pipul wen dei abum enijing, dei gin tok langa olabat mami en dedi lagijat, ‘Ai kaan gibit yunbala dijan ting, dumaji im blanga God.’

Methyu 19:19

Yu garra rispek en teiknodis langa yu dedi en mami. En yu garra laigim ola najalot pipul jis laik yu laigim miselp.”

Methyu 4:10

Wal Jisas bin tok, “Yu gowei brom mi, Seitin. Ai kaan dum wanim yu wandim, dumaji im tok langa oltestaman, ‘Yu garra weship langa God, dumaji oni im na Bos, en yu garra wek blanga im.’ ”

Romans 3:31

Wal wanim yumob reken? Wen enibodi bilib langa Jisas Krais, im tjakidawei det olbala lowa? Nomo. Im shoum wi wotfo God bin gibit wi det lowa.

Ifishans 6:1

Wal ola bigininimob garra duwit langa olabat mami en dedi, dumaji olabat blanga Jisas Krais det Bos blanga wi, en im rait ting blanga duwit langa mami en dedi, dumaji langa oltestaman im tok, “Yu garra lukbek langa yu dedi en mami.”

Dyudaranami 27:16

“ ‘Wal YAWEI garra panishim enibodi hu nomo rispek en teiknodis langa im dedi o mami.’ “En ola pipul garra tok, ‘Yuwai! Trubala dijan im tok!’

Dyudaranami 5:16

“ ‘Yumob garra rispek en teiknodis langa yumob dedi en mami. Mi na YAWEI det trubala God blanga yumob en yumob garra dum wulijim ebrijing gin jidan gudwan blanga yumob en yumob gin jidan longtaim langa det kantri weya ai garra gibit langa yumob.