Methyu 15:30 - Kriol Baibul

³⁰ Loda pipul bin kaman langa im, en deibin bringimap loda leimbala pipul en blainwan pipul en kripulwan pipul en pipul hu kaan toktok en olkain sikbala pipul. Deibin pudum olabat lida langa Jisas, en imbin meigim olabat gudbala.

Methyu 15:30 Iomraidhean Croise

Ola Saam 103:3

Wen mi dum nogud ting, im oldei larramgo mi fri. Wen mi git sik, im oldei meigim mi gudwan igin.

Mak Bin Dalim Ola Stori Blanga Jisas 9:43

If det bingga blanga yu oldei meigim yu dum nogudbala ting en deigidawei yu brom main wei, wal mobeda yu libum det nogudbala ting jis laik yu kadimof det bingga. Im nogud blanga yu if yu jidan langa det olagijawan helfaiya garram dubala bingga. Mobeda yu jidan garram det olagijawan laif garram wanbala bingga.

Luk Bin Dalim Ola Stori Blanga Jisas Langa Wan Jintail Men 14:13

Nomo. Wen yu abum padi, yu garra go en askim ola powan en kripulwan en leimwan en blainwan pipul blanga kaman en dagat langa yu kemp,

Eks Hau Det Gudnyus Blanga Jisas Krais Bin Spredat Ebriweya 2:22

“Wal main kantrimen olabat, yumob irrim mi na. God bin pikimat det men neim Jisas hubin growap langa det taun gulum Nesareth, en imbin shoum yumob imbin pikimat im, dumaji Jisas bin dumbat olkain speshalwan ting garram pawa brom God. En yumob sabi, dumaji imbin hepin iya na langa yumob.