Methyu 15:22 - Kriol Baibul

²² Wal wan olgamen brom det traib gulum Keinanait bin oldei jidan langa det kantri, en imbin kaman langa Jisas, en imbin jingat langa im, “Grengrensan blanga Deibid! Bos, yu album mi, dumaji dibuldibul jidan insaid langa main doda en imbin meigimbat main doda brabli nogud.”

Methyu 15:22 Iomraidhean Croise

Ola Saam 4:1

Ensim mi wen mi jingat langa yu, God, dumaji yu na oldei dum ebrijing raitwei. Ai garram detmatj trabul en mi filim miselp wikwan. Album mi en deigimat mi brom dijan trabul. Yu kain langa mi en irrim main preya.

Ola Saam 45:12

Detlot pipul brom det kantri gulum Taya garra bringim ola presen langa yu, en ola ritjwan pipul garra trai blanga meigim yu dum gudbala ting langa olabat.

Ola Saam 6:2

Yu jidan kain langa mi, YAWEI, dumaji mi wikwan. Meigim mi gudwan igin, YAWEI, dumaji main bodi ardimbat mi.

Isikiyel 3:6

If ai jandim yu langa bigismob pipul hu oldei tok najawan rafwan langgus weya yu kaan andasten, olabat gin teiknodis en lisin langa yu.

Methyu 1:1

Orait, dijan stori im blanga Jisas Krais det grengrensan blanga det Juwish king neim Deibid hubin grengrensan blanga Eibrahem. Wal iya ola neim blanga Jisas grengrenfatha olabat. Im stat brom Eibrahem.

Methyu 15:23

Wal Jisas nomo bin tok enijing langa det olgamen, en ola wekinmen blanga im bin kaman langa im, en deibin tok, “Yu album det olgamen en jandimwei im, dumaji im kipgon jingginatbat langa wi.”

Methyu 17:15

en imbin tok, “Bos, yu sori langa main san, dumaji im brabli sikbala, en im oldei deigimbat fit. Wen im deigim fit, im oldei buldan langa faiya, en im oldei buldan langa woda du.

Methyu 4:24

Wal pipul ebriweya langa det kantri gulum Siriya bin irrim wanim Jisas bin dumbat, en deibin bringimap loda sikbala pipul en leimbala pipul en sambala pipul hubin oldei deigim fit en sambala pipul hubin abum dibuldibul insaid langa olabat. Ol detkain pipul na deibin bringimap langa Jisas, en imbin meigim olabat holot gudbala.

Methyu 9:27

Afta na Jisas bin gowei brom det pleis, en wen imbin wokwok langa roud, dubala blainwan men bin bulurrum im biyain, en dubala bin jingat langa im, “Grengrensan blanga Deibid! Yu sori langa minbala en meigim minbala gudbala!”

Luk Bin Dalim Ola Stori Blanga Jisas Langa Wan Jintail Men 17:13

en deibin jingat langa im, “Jisas! Bos! Yu sori langa melabat!”

Luk Bin Dalim Ola Stori Blanga Jisas Langa Wan Jintail Men 18:13

“Bat det sekanwan men bin jandap lilbit longwei, en imbin sheim blanga lukap langa hebin, en imbin hitim miselp, dumaji imbin sori blanga im nogudbalawei, en imbin tok, ‘God, yu sori langa mi, dumaji mi nogudbala.’ ”

Luk Bin Dalim Ola Stori Blanga Jisas Langa Wan Jintail Men 6:18

En deibin ol kaman blanga irrim Jisas toktok det gudnyus, en blanga askim im blanga meigim olabat gudbala brom olabat siknis. En sambala pipul hubin abum nogudwan spirit insaid langa olabat bin kaman langa Jisas, en imbin meigim olabat gudbala du.