Methyu 14:25 - Kriol Baibul

²⁵ Ailibala na bifo sangidap Jisas bin go langa im wekinmen olabat. Imbin bulurrum olabat biyain, en imbin wokwok ontop langa woda,

Methyu 14:25 Iomraidhean Croise

Job Wotfo Gudbala Pipul Abum Trabul? 9:8

Oni God na bin meigim ebrijing langa skai, en wok ontop langa det rafwan solwoda.

Ola Saam 104:3

en yubin bildimap yu kemp ontopwei langa ola woda. Ola klaud jidan jis laiga hos en bagi blanga yu, en det win deigimbat yu weya yu wandi go.

Methyu 24:43

If det boswan blanga det haus sabi wotaim sambodi garra kaman blanga stilim enijing brom im haus, wal det boswan kaan silip en larram det sambodi stilim det ting.

Mak Bin Dalim Ola Stori Blanga Jisas 13:35

Im maitbi garra kambek sangodan o midulnait o longwei deilait o ailibala gin. En im lagijat du blanga yumob. Yumob garra wotjimbat, dumaji yumob nomo sabi wotaim det boswan blanga yumob garra kambek.

Mak Bin Dalim Ola Stori Blanga Jisas 6:48

Bambai na Jisas bin luk detlot wekinmen blanga im bin adwek pedulumbat det bout, dumaji det win bin blowim langa olabatwei. Wal wen imbin longwei deilait bifo det san bin gidap, Jisas bin wok ontop langa det woda. Imbin wandi gopas langa im wekinmen olabat.

Luk Bin Dalim Ola Stori Blanga Jisas Langa Wan Jintail Men 12:38

Nomeda im kambek midulnait o maitbi gulijap deilait, bat stil detlot wekinmen garra gudbinji if im faindim olabat redi blanga im.

Jon Bin Dalim Det Gudnyus Blanga Jisas Det San Blanga God 6:19

en detlot wekinmen bin adwek pedulumbat det bout, en wen deibin go lilbit longwei gulijap 6 kilomita, deibin luk Jisas wokwok ontop langa woda kaminap langa olabatwei. Wal wen deibin luk Jisas wokwok ontop langa det woda, deibin brabli bradin.

Rebaleishan 10:2

en langa im bingga imbin abum lilwan rolapwan peipa. Bat det peipa bin opinwan. Wal det einjul bin pudum im raidensaid fut ontop langa solwoda en im lefthensaid fut ontop langa graun,

Rebaleishan 10:5

Brom deya det einjul weya aibin luk jandap langa solwoda en langa graun bin lidimap im raidensaid bingga langa top,

Rebaleishan 10:8

Brom deya aibin lisin sambodi bin tok langa mi brom top igin, “Yu go en pulumat det lilwan opinwan peipa brom det bingga blanga det einjul hu jandap langa solwoda en langa graun.”