Methyu 14:19 - Kriol Baibul

¹⁹ En imbin dalim ola pipul blanga jidan langa det grinwan gras deya, en imbin gajim detlot daga en det dubala fish, en imbin lukap langa top, en imbin gibit theingks langa God, en afta imbin breigim detlot daga en fish, en imbin gibit langa im wekinmen olabat, en deibin gibitat det daga en fish langa detlot pipul.

Methyu 14:19 Iomraidhean Croise

Methyu 14:18

Wal Jisas bin tok, “Wal yumob bringimap detlot daga en fish langa mi.”

Mak Bin Dalim Ola Stori Blanga Jisas 6:39

Wal Jisas bin dalim im wekinmen olabat blanga kadimat detlot pipul en meigim olabat jidan langa lilwanlilwan grup ebriweya langa det grinwan gras,

Mak Bin Dalim Ola Stori Blanga Jisas 6:41

En wen deibin jidan lagijat, Jisas bin gajim detlot daga en det dubala fish, en imbin lukap langa top, en imbin gibit theingks langa God, en afta imbin breigim detlot daga, en imbin gibit langa im wekinmen blanga gibitat langa detlot pipul. En seimwei igin imbin dum langa det dubala fish.

Mak Bin Dalim Ola Stori Blanga Jisas 7:34

en imbin lukap langa top, en imbin fil sori blanga det men, en imbin tok langa det men na. Garram im ron langgus imbin tok, “Opinap na.”

Luk Bin Dalim Ola Stori Blanga Jisas Langa Wan Jintail Men 22:17

Brom deya Jisas bin gajim wanbala kap, en imbin gibit theingks langa God, en afta imbin dalim detlot speshalwan mishanri, “Yumob ol dringgim dijan.

Luk Bin Dalim Ola Stori Blanga Jisas Langa Wan Jintail Men 22:19

Brom deya Jisas bin gajim wanbala damba, en imbin gibit theingks langa God, en afta imbin breigim det damba, en imbin gibit det damba langa detlot speshalwan mishanri, en imbin tok, “Dijan na main ronwan bodi weya ai garra gibit blanga yumob. Wal yumob dagat dijan daga blanga jinggabat mi.”

Luk Bin Dalim Ola Stori Blanga Jisas Langa Wan Jintail Men 24:30

en wen deibin jidan blanga abum daga, Jisas bin gajim det damba, en imbin gibit theingks langa God, en afta imbin breigim det damba, en imbin gibit langa dubala.

Luk Bin Dalim Ola Stori Blanga Jisas Langa Wan Jintail Men 9:14

Lagijat na hatjampwei deibin tok langa Jisas, dumaji 5,000 men bin deya. Wal Jisas bin dalim im wekinmen olabat blanga kadimatbat detlot pipul en meigim olabat jidan garram 50 pipul langa ebri grup,

Jon Bin Dalim Det Gudnyus Blanga Jisas Det San Blanga God 11:41

Wen Jisas bin tok lagijat, detlot pipul bin deigidawei det ston brom det dowa, en Jisas bin lukap langa top, en imbin tok langa God, “Dedi, ai gibit yu theingks, dumaji yu irrim mi.

Eks Hau Det Gudnyus Blanga Jisas Krais Bin Spredat Ebriweya 27:35

Wal wen Pol bin binij toktok, imbin gajim damba, en imbin gibit theingks langa God deya lida langa ol detlot men, en imbin breigim det damba, en imbin stat dagat,

Romans 14:6

En wen enibodi reken eni dei im haibala, im meigim det dei haibala blanga Jisas Krais det Bos blanga wi. En wen enibodi dagat enikain daga, im jinggabat Jisas Krais det Bos blanga wi wen im dagat enikain daga lagijat, dumaji im gibit theingks langa God blanga detlot daga. En wen enibodi nomo oldei dagat bif, im jinggabat Jisas Krais det Bos blanga wi wen im nomo dagat bif, en im gibit theingks langa God blanga detlot daga weya im oldei dagat.

Fes Karinthiyans 10:16

Wen wi abum det kamyunyan sebis, wi gibit theingks langa God blanga det speshalwan kap, en wen wi dringgim det wain brom det speshalwan kap, wi joinimap miselp langa det blad blanga Jisas Krais. En wen wi dagat det daga weya wi breigim langa det sebis, wi joinimap miselp langa det bodi blanga Jisas Krais.

Fes Karinthiyans 10:31

Wal ai dalim yumob. Nomeda yumob dagat o dringgim o dumbat enijing, bat stil yumob garra dum ebrijing blanga shoum rispek langa God, dumaji yumob nomo wandi dum enijing weya garra stapam Juwish pipul o Jintail pipul o Kristjan pipul blanga bilib langa Jisas Krais.

Fes Karinthiyans 11:24

en imbin gibit theingks langa God, en imbin breigim det daga, en imbin tok, “Dijan na main ronwan bodi weya ai gibit blanga yumob. Wal yumob garra dagat dijan daga blanga jinggabat mi.”

Kaloshans 3:17

en enijing yumob tok en dum, yumob garra dum brabli trubalawei, dumaji yumob bulurrum Jisas Krais det Bos blanga wi, en thru im na yumob garra oldei gibit theingks langa God det Dedi blanga wi.

Fes Semyul 9:13

Wen yunbala gowin langa det taun, yunbala garra faindim im deya bifo im gowap blanga dagat det ofring daga. Detlot pipul weya imbin pikimat kaan dagat det daga raidap im kamat deya, dumaji im garra gibit theingks blanga det ofring basdam, en afta detlot pipul garra dagat det daga. En if yunbala go kwikbala, wal yunbala garra faindim im bifo im go blanga det serramoni.” Lagijat na detlot gel bin tok.