Methyu 13:57 - Kriol Baibul

⁵⁷ Lagijat na im ron kantrimen olabat bin tok, en deibin gibit im bekboun. Wal Jisas bin dalim olabat, “Pipul ebriweya oldei shoum rispek langa speshalwan mesinja blanga God. Bat nomo detlot pipul langa im ron taun. Ola femili en rileishan blanga im kaan teiknodis langa im en rispek langa im.”

Methyu 13:57 Iomraidhean Croise

Aisaiya 49:7

Wal YAWEI bin tok, “Ol yumob Isreil pipul, mi na YAWEI det brabli holiwan God, en oni mi na wanbala hu gin album yumob. Yumob jidan prisana blanga detlot boswan brom najawan kantri, en olabat oldei tridimbat yumob rafwei en dumbat nogudbala ting langa yumob. Wal dijan na main pramis. Detlot king en ola boswan garra shoum rispek langa yumob, en olabat garra nildan lida langa yumob fut. Yumob garra trastim oni langa mi, dumaji oni mi na YAWEI det brabli holiwan God hubin seibum yumob. Aibin pikimat yumob en yumob na main ronwan pipul olabat.”

Aisaiya 53:3

Nomo enibodi bin laigim im, en melabat bin gibit bekboun langa im. Imbin abum loda trabul en pein langa im laif. Nobodi nomo bin wandim luk langa im. Melabat nomo bin rispek langa im, en melabat bin tok, ‘Im nomo enijing. Im najing.’

Aisaiya 8:14

Yu ran langa mi na blanga lukaftumbat yu. Mi jis laik det ston weya garra meigim detlot Juda en Isreil pipul buldan en breigim olabat bon. Mi jis laik det trep weya garra gajimbat detlot pipul brom Jerusalem. Olabat garra jidan prisana en detlot enami garra deigidawei olabat.’ Lagijat na YAWEI bin tok.”

Methyu 11:6

If enibodi hu bulurrum main wei en nomo gibit bekboun langa mi wal larram im jidan brabli gudbinji.” Lagijat na Jisas bin tok.

Methyu 13:58

Afta na Jisas nomo bin dum eni klebabala ting deya, dumaji detlot pipul nomo bin bilib langa im.

Mak Bin Dalim Ola Stori Blanga Jisas 6:1

Afta na Jisas bin gowei brom det pleis garram im wekinmen olabat, en deibin gobek langa im ron kantri langa Nesareth weya imbin growap,

Mak Bin Dalim Ola Stori Blanga Jisas 6:14

Wal det nyus blanga Jisas bin spredat ebriweya, en King Herod bin irrim det nyus. Wal sambala pipul bin tok, “Jisas garram pawa blanga dumbat olkain klebabala ting, dumaji im na det Jon Beptis. King Herod bin kilim im ded. Bat imbin gidap laibala.”

Mak Bin Dalim Ola Stori Blanga Jisas 6:3

Wi sabi im det kapinta, det san blanga Meri. Wi sabi im braja blanga Jeims en Josef en Judas en Saiman. En im sista olabat iya garram wi.” Lagijat na deibin tok, en dei nomo bin teiknodis langa im na.

Mak Bin Dalim Ola Stori Blanga Jisas 6:4

Wal Jisas bin dalim olabat, “Pipul ebriweya oldei shoum rispek langa ola speshalwan mesinja blanga God. Bat detlot pipul langa olabat ron taun kaan rispek olabat. Olabat ron femili en rileishan kaan teiknodis langa olabat en rispek olabat.” Lagijat na Jisas bin tok.

Luk Bin Dalim Ola Stori Blanga Jisas Langa Wan Jintail Men 4:24

Bat ai kaan dum, dumaji ola pipul kaan shoum rispek en teiknodis langa eni speshalwan mesinja langa im ron taun.

Luk Bin Dalim Ola Stori Blanga Jisas Langa Wan Jintail Men 7:23

Ebribodi hu bilib langa mi brabliwei garra jidan brabli gudbinjiwei.” Lagijat na Jisas bin tok langa det dubala wekinmen blanga Jon.

Jon Bin Dalim Det Gudnyus Blanga Jisas Det San Blanga God 4:44

en imbin dalim im wekinmen olabat, “Pipul nomo oldei teiknodis langa speshalwan mesinja blanga God langa im ron kantri.”

Jon Bin Dalim Det Gudnyus Blanga Jisas Det San Blanga God 6:42

en deibin tok miselp, “Im det san blanga Josef neim Jisas, indit? Wi sabi im dedi en mami. Wal im kaan tok imbin kamdan brom hebin.”

Jon Bin Dalim Det Gudnyus Blanga Jisas Det San Blanga God 6:61

Wal nobodi bin dalim Jisas detlot pipul bin toktokbat blanga det wed. Bat imbin sabi, en imbin dalim olabat, “Maitbi det wed weya aibin tok garra meigim yumob wandi gowei brom mi.