Methyu 13:36 - Kriol Baibul

³⁶ Wal Jisas bin gowei brom ol detlot pipul na, en imbin gowin insaid langa wan haus, en ola wekinmen blanga im bin kaman langa im, en deibin askim im, “Yu dalim melabat wanim yubin tokinabat garram det stori blanga detlot rabishwan gras.”

Methyu 13:36 Iomraidhean Croise

Methyu 13:1

Brom deya det seimdei Jisas bin gobek langa Leik Gelali blanga titjimbat ola pipul.

Methyu 13:11

Wal Jisas bin tok, “God bin meigim yumob sabi im na det brabli haibalawan Bos, bat detlot najalot pipul kaan sabi.

Methyu 13:18

“Wal yumob irrim mi na, dumaji ai garra dalim yumob det mining blanga det stori blanga detlot sid.

Methyu 13:25

en afta wen ebribodi bin silip, sambodi bin kaman en imbin tjakam loda rabishwan gras sid langa det gadin.

Methyu 14:22

Brom deya Jisas bin dalim im wekinmen olabat blanga gowin langa det bout en go najasaid langa Leik Gelali, en imbin stap biyain blanga jandimwei ol detlot pipul hubin deya garram olabat.

Methyu 15:39

Afta na Jisas bin jandimwei detlot pipul, en imbin gowin langa bout garram im wekinmen olabat, en deibin go langa det kantri gulum Magadan.

Methyu 9:28

Bambai na Jisas bin go insaid langa haus, en det dubala blainwan men bin bulurrum im insaid du, en Jisas bin askim dubala na, “Yunbala reken ai gin meigim yunbala gudbala?” En dubala bin tok, “Yuwai, bos! Yu gin meigim minbala gudbala!”

Mak Bin Dalim Ola Stori Blanga Jisas 4:34

Im nomo bin oldei tok langa olabat eniwei. Imbin oldei yusum detkain stori na. Bat wen imbin jidan miselp garram im wekinmen olabat, imbin oldei dalimbat olabat wanim detlot stori bin tok.

Mak Bin Dalim Ola Stori Blanga Jisas 6:45

Wal wen ol detlot pipul bin binij dagadagat det daga, streidawei Jisas bin meigim im wekinmen olabat gowin langa det bout, en imbin dalim olabat blanga go lida langa det pleis gulum Bethsaida najasaid langa det bigwan woda. Afta na Jisas bin jandimwei detlot pipul,

Mak Bin Dalim Ola Stori Blanga Jisas 7:17

Afta wen imbin tok lagijat, Jisas bin libum detlot pipul, en imbin gowin langa haus, en detlot wekinmen blanga im bin askim im blanga dalim olabat wanim imbin toktok,

Mak Bin Dalim Ola Stori Blanga Jisas 8:9

En det namba blanga detlot pipul bin 4,000. Afta na Jisas bin jandimwei detlot pipul,