Methyu 13:11 - Kriol Baibul

¹¹ Wal Jisas bin tok, “God bin meigim yumob sabi im na det brabli haibalawan Bos, bat detlot najalot pipul kaan sabi.

Methyu 13:11 Iomraidhean Croise

Ola Saam 25:14

Ol detlot pipul hu dum ebrijing weya God wandim olabat blanga dum, wal im gudfren blanga olabat. Im kaan nokambek im strongwan pramis langa olabat.

Aisaiya 29:10

Dumaji YAWEI det trubala God na bin meigim yumob jidan jis laik yumob silipiwan. Yumob speshalwan mesinja garra lafta abum gudwan ai, bat YAWEI bin gaburrumap yumob ai.

Aisaiya 29:11

Wal dijan mesij blanga im, im jis laiga leda weya deibin jadimap garram det bushgam. Sambala pipul garra tok, ‘Melabat kaan ridim dijan, dumaji im nomo opinwan.’

Aisaiya 35:8

“En brabli gudbala roud garra jidan deya, en dei garra gulum det roud Seikridwan Roud Blanga God. Oni pipul blanga God garra wok langa det roud. Detlot pipul hu nomo bin laigim weshipbat langa God kaan wok langa det roud, en nomo eni nogudbala pipul kaan wok langa det roud du.

Methyu 13:10

Afta na ola wekinmen blanga Jisas bin kaman langa im, en deibin askim im, “Wotfo yu oldei tok langa ola pipul garram detkain stori?”

Methyu 16:17

Wal Jisas bin tok, “Yubin tok trubala wed, Saiman. En ai sabi yu san blanga det olmen neim Jon. Bat nomo eni men bin dalim yu det trubala wed. Main Dedi langa hebin bin dalim yu. En yu garra gudbinji, dumaji imbin dalim yu.

Methyu 19:11

Wal Jisas bin tok, “Trubala tharran yumob tok. Sambala men kaan merrit, dumaji deibin kadim olabat jis laik dei kadim boiwan buligi. En sambala men bin bon lagijat. Bat dijan wed im nomo blanga ebribodi. Im oni blanga detlot men weya God bin pikimat olabat. Detlot men na kaan merrit, dumaji dei garra jinggabat wanwei en wek blanga God. En if dijan wed im blanga yu, wal yu garra duwit.”

Methyu 20:23

Wal Jisas bin tok, “Trubala yunbala garra go thru langa trabul jis laik ai garra go thru langa trabul. Bat ai nomo garram det rait blanga dalim yunbala blanga jidan langa main raidensaid en lefthensaid. Oni main Dedi garram det rait blanga pikimat hu garra jidan langa det dubala pleis.”

Mak Bin Dalim Ola Stori Blanga Jisas 10:40

Bat ai nomo garram det rait blanga dalim yunbala blanga jidan langa main raidensaid en lefthensaid. Oni God garram det rait blanga pikimat hu garra jidan langa det dubala pleis.”

Mak Bin Dalim Ola Stori Blanga Jisas 4:11

Wal Jisas bin dalim olabat, “God garra meigim yumob sabi det Nyubalawei blanga kaman langa im. Bat detlot najalot pipul kaan sabi.

Luk Bin Dalim Ola Stori Blanga Jisas Langa Wan Jintail Men 8:10

en Jisas bin dalim olabat, “God garra meigim yumob sabi det nyubalawei blanga kaman langa im. Bat detlot najalot pipul kaan sabi. En ai garra oldei tok langa olabat garram detkain stori, dumaji dei garra irrim det trubala wed. Bat dei kaan sabi det wed. En dei garra lukabat det wei langa God. Bat dei kaan faindim det wei.

Jon Bin Dalim Det Gudnyus Blanga Jisas Det San Blanga God 6:65

Wal Jisas bin kipgon tok langa detlot pipul, “Trubala ai dalim yumob. Sambala pipul brom yumob kaan bilib langa mi. En blanga tharran na aibin dalim yumob nobodi kaan kaman langa mi. Oni detlot pipul weya main Dedi bin gibit olabat det pawa garra kaman langa mi.”

Jon Bin Dalim Det Gudnyus Blanga Jisas Det San Blanga God 7:17

en ol detlot pipul hu wandi dum wanim God wandim olabat blanga dum garra sabi brom weya det wed bin kaman. Dei garra sabi det wed bin kaman brom God. Nomo main ronwan wed.

Eks Hau Det Gudnyus Blanga Jisas Krais Bin Spredat Ebriweya 16:14

Wal wan wuman deya bin neim Lidiya. Imbin kaman brom det taun gulum Thaiyataira, en imbin oldei meigimbat det brabli pepul matiriyal weya ola Roman bos bin oldei baiyim garram loda mani. Wal Lidiya bin oldei weship God. Bat im nomo bin sabi Jisas Krais, en wen imbin irrim det gudnyus weya Pol bin dalimbat olabat, Jisas Krais det Boswan bin meigim im jinggabat en bilib langa im.

Romans 11:25

Wal main braja en sista olabat, ai wandim yumob garra sabi det plen blanga God weya imbin holdimbek en nomo oldei shoum langa enibodi. Bat imbin shoum wi det plen na, en yumob garra sabi det plen wulijim yumob kaan reken miselp haibala. Wal iya na det plen blanga God. Imbin meigim detlot Isreil pipul jidan admen. Bat im kaan meigim olabat jidan lagijat olagijawan. Dei garra jidan admen raidap ol detlot Jintail pipul hu garra bilib langa Jisas Krais bin kaman langa im.

Fes Karinthiyans 13:2

En if mi garram det pawa blanga dalimbat wed brom God en blanga sabi ola enijing blanga im, en if mi bilib brabli strongbalawei wulijim ai gin dalim ston blanga shifdim miselp en im duwit langa mi, wal im gudwan ting tharran. Bat if ai nomo laigim pipul brabliwei, wal mi nomo enijing.

Fes Karinthiyans 15:51

Wal yumob irrim mi na, dumaji ai garra dalim yumob samting weya nobodi bin sabi bifo. Wi kaan ol dai, dumaji wen det laswan wisul garra jingat, God garra tjeinjim wi kwikbalawei jis laik wen yu jadimap en opinim yu ai kwikbalawei, dumaji wen det wisul garra jingat, God garra meigim ola dedbala Kristjan pipul gidap laibala brom dedbala,

Fes Karinthiyans 2:14

Wal ai dalim yumob. Ol detlot pipul hu nomo garram det Holi Spirit kaan sabi det trubala wed weya kaman brom det Holi Spirit, dumaji det trubala wed nomo garram mining langa olabat, en dei kaan gajimap det mining, dumaji nobodi kaan sabi detlot wed wen im nomo garram det Holi Spirit.

Fes Karinthiyans 2:7

en det wed na dalim wi blanga det plen blanga God. Imbin meigim det plen bifo imbin meigim ebrijing, en imbin meigim det plen dumaji imbin wandim wi garra sabi im thru langa im san Jisas Krais. Bat nobodi bin sabi det plen blanga God weya im garra meigim wi jidan garram det brabli shainiwan lait blanga im, dumaji imbin oldei blandimbat.

Fes Karinthiyans 4:1

Wal wen yumob jinggabat mi en Apalas en Pida, yumob kaan jinggabat melabat jidan haibala men. Yumob garra jinggabat melabat wekinmen blanga Jisas Krais, en yumob garra jinggabat melabat jidan bos blanga detlot wed blanga God weya imbin oldei blandimbat bifo.

Fes Karinthiyans 4:7

En yumob kaan meigim miselp haibala langa enibodi du, dumaji ebrijing weya yumob garram, God bin gibit yumob. En if God bin gibit yumob, wal wotfo yumob reken miselp?

Ifishans 1:18

Mi oldei askim im blanga meigim yumob sabi wanim im oldei dumbat blanga wi, dumaji ai wandim yumob garra sabi wotfo imbin pikimat yumob, en ai wandim yumob garra sabi ola brabli gudwan prais weya im garra gibit langa im ronwan pipul olabat,

Ifishans 1:9

en imbin dum wanim imbin wandi dum, en imbin shoum wi det plen blanga im weya imbin jinggabat blanga dum garram Jisas Krais. Nobodi nomo bin sabi det plen bifo. Bat wi sabi na.

Ifishans 5:32

en det wed im garram speshalwan mining. Im tok blanga Jisas Krais en ola bilibamob,

Ifishans 6:19

En yumob garra prei blanga mi du, en askim God blanga dalim mi hau blanga tok langa pipul wen mi abum tjens. En yumob garra askim im blanga meigim mi tok strongbalawei en meigim ola pipul sabi brabliwei det gudnyus en det plen blanga God.

Kaloshans 2:2

Mi oldei adwek blanga meigim yumob jidan strongbala en blanga meigim yumob wandi kipgon bulurrumbat det trubala wed. En mi oldei adwek blanga joinimap yumob en meigim yumob laigim gija en jidan wanbala. En mi oldei adwek blanga meigim yumob sabi brabliwei det plen blanga God weya nobodi bin sabi bifo. Det plen na im Jisas Krais. En wen yumob sabi det plen brabliwei, wal yumob garra jidan brabli gudbinjiwei,

Fes Timathi 3:16

Trubala ai dalim yu. God bin shoum wi brabli bigbala ting iya. Nobodi bin sabi dijan ting bifo. Bat wi sabi na hau blanga jidan trubalawei blanga God. Yu sabi wanim mi toktok? Imbin kaman garram bodi laik wi, en det Holi Spirit bin shoum wi trubala im det San blanga God, en ola einjul bin luk langa im, en loda pipul bin spredimatbat det wed blanga im langa ebri kantri, en pipul brom ebri kantri bin bilib langa im, en God bin deigimbek im langa hebin.

Fes Timathi 3:9

Dei garra kipgon bilib brabliwei langa ol detlot trubala wed weya God bin shoum wi, en seimtaim dei garra meiksho dei garram det brabli gudwan filing.

Jeims 1:5

En wen yumob nomo sabi wanim yumob garra du, wal yumob garra askim God blanga shoum yumob, dumaji im na gin shoum yumob en meigim yumob sabi. Im kaan gitwail langa yumob wen yumob askim im. Im oldei shoum ebribodi wen dei askim im, dumaji im nomo gridiwan en im nomo wandi kipum det ensa brom yumob.

Fes Jon 2:20

Bat yumob jidan trubalawei, dumaji Jisas Krais bin gibit yumob det Holi Spirit, en im na meigim yumob sabi det trubala wed.

Fes Jon 2:27

Bat Jisas Krais bin gibit yumob im Holi Spirit, en det Holi Spirit jidan insaid langa yumob, en blanga tharran na yumob kaan wandim enibodi blanga titjimbat yumob, dumaji det Holi Spirit na titjimbat yumob blanga ebrijing, en ebrijing weya im lenimbat yumob im trubala. Im nomo lenimbat yumob laiyawan wed. Yumob sabi na? Yumob garra oldei duwit wanim det Holi Spirit lenimbat yumob, en if yumob duwit langa im, wal yumob garra kipgon jidan joinap garram Jisas Krais.