Methyu 12:46 - Kriol Baibul

⁴⁶ Wal wen Jisas bin stil toktok langa detlot pipul, im mami en im braja olabat bin kaman deya, en deibin jandap atsaid, en deibin wandi tok langa im.

Methyu 12:46 Iomraidhean Croise

Methyu 1:18

Wal det yanggel neim Meri bin pramis langa Josef. Bat bifo dubala bin merrit, det Holi Spirit bin gibit im beibi.

Methyu 12:47

Wal loda pipul bin deya insaid garram Jisas, en sambodi bin dalim im, “Yu mami en yu braja olabat deya atsaid lukabat yu.”

Methyu 13:55

Im san blanga det kapinta, indit? Im det san blanga det wuman neim Meri, indit? En im det braja blanga detlot fobala men neim Jeims en Josef en Judas en Saiman, indit?

Methyu 2:11

Wal wen detlot klebabalamen bin kamat langa det haus weya det lilboi bin jidan, deibin gowin insaid, en deibin faindim det lilboi garram im mami, en deibin nildan langa det lilboi, en deibin weship im, en deibin gibit im ebrijing. Gol en dubala gudsmelwan medisin deibin gibit im.

Methyu 2:20

Det einjul bin tok, “Yu gidap na, en yu gajim det lilboi en im mami, en yu deigimbek dubala langa yumob ron kantri, dumaji detlot pipul hubin wandi kilim det lilboi bin ol dai na.”

Mak Bin Dalim Ola Stori Blanga Jisas 2:21

“Yumob jinggabat na. Yu kaan mindimap olwan klos garram nyuwan reig, dumaji wen yu washim det nyuwan reig, im garra godan lilwan, en im garra breigim det olwan klos mowa.

Mak Bin Dalim Ola Stori Blanga Jisas 6:3

Wi sabi im det kapinta, det san blanga Meri. Wi sabi im braja blanga Jeims en Josef en Judas en Saiman. En im sista olabat iya garram wi.” Lagijat na deibin tok, en dei nomo bin teiknodis langa im na.

Luk Bin Dalim Ola Stori Blanga Jisas Langa Wan Jintail Men 1:43

“Wal yubin meigim mi brabli gudbinji wen yu kaman iya, dumaji yu na mami blanga det brabli haibala Bos.

Luk Bin Dalim Ola Stori Blanga Jisas Langa Wan Jintail Men 2:33

Wal wen det mami en dedi blanga det lilboi Jisas bin lisin det olmen tok lagijat blanga det lilboi, dubala bin brabli hatjamp.

Luk Bin Dalim Ola Stori Blanga Jisas Langa Wan Jintail Men 2:34

Brom deya det olmen bin gibit gudbala wed blanga det lilboi mami en dedi, en afta imbin tok langa det lilboi mami, “God bin jandim dijan lilboi blanga album loda Isreil pipul en blanga binijimap loda Isreil pipul du. Im garra shoum ola pipul wotkain God.

Luk Bin Dalim Ola Stori Blanga Jisas Langa Wan Jintail Men 2:48

Wal im mami en dedi bin hatjamp du, en im mami bin dalim im, “Main boi, wotfo yubin lagijat langa minbala yu dedi? Minbala bin lukabat yu ebriweya, dumaji minbala bin wori blanga yu brabli.”

Luk Bin Dalim Ola Stori Blanga Jisas Langa Wan Jintail Men 2:51

Wal Jisas bin gobek garram dubala langa olabat kemp deya langa Nesareth, en imbin oldei lisin langa dubala, en imbin growap, en imbin brabli klebawan, en God bin brabli gudbinji blanga im, en ola pipul bin laigim im du. Bat im mami bin oldei jinggabat wanim bin hepin deya langa Jerusalem.

Luk Bin Dalim Ola Stori Blanga Jisas Langa Wan Jintail Men 8:10

en Jisas bin dalim olabat, “God garra meigim yumob sabi det nyubalawei blanga kaman langa im. Bat detlot najalot pipul kaan sabi. En ai garra oldei tok langa olabat garram detkain stori, dumaji dei garra irrim det trubala wed. Bat dei kaan sabi det wed. En dei garra lukabat det wei langa God. Bat dei kaan faindim det wei.

Jon Bin Dalim Det Gudnyus Blanga Jisas Det San Blanga God 19:25

Wal fobala gel bin jandapbat deya gulijap langa det kros weya Jisas bin heinginap. Im mami, en im mami sista, en Meri det waif blanga wan men neim Klopas, en Meri Megdalin.

Jon Bin Dalim Det Gudnyus Blanga Jisas Det San Blanga God 2:1

Bambai na tudeistaim deibin abum padi langa det taun gulum Keina deya langa det kantri gulum Gelali, dumaji dubala sambodi garra merrit. Wal det mami blanga Jisas bin deya langa det padi,

Jon Bin Dalim Det Gudnyus Blanga Jisas Det San Blanga God 2:12

Wal afta na Jisas bin go garram im mami en im braja olabat en im wekinmen olabat langa det taun gulum Kapeniyam, en deibin jidan deya lilwail.

Jon Bin Dalim Det Gudnyus Blanga Jisas Det San Blanga God 2:5

Wal nomeda Jisas bin tok lagijat, bat stil im mami bin go langa detlot wekinmen blanga det padi, en imbin dalim olabat, “Yumob garra dum wanim im dalim yumob blanga dum.”

Jon Bin Dalim Det Gudnyus Blanga Jisas Det San Blanga God 7:10

Wal detlot braja blanga Jisas bin go langa Jerusalem blanga det serramoni, en Jisas en im wekinmen olabat bin go biyain langa olabat. Bat Jisas nomo bin shoum miselp langa enibodi, dumaji imbin blandim miselp.

Jon Bin Dalim Det Gudnyus Blanga Jisas Det San Blanga God 7:5

Lagijat na detlot braja blanga Jisas bin tok langa im, dumaji dei nomo bin bilib langa im.

Eks Hau Det Gudnyus Blanga Jisas Krais Bin Spredat Ebriweya 1:14

Wal ol detlot men na bin oldei majurrap garram Meri det mami blanga Jisas en garram im braja olabat en garram detlot najalot gel hubin bulurrum Jisas. Olabat na bin oldei majurrumap miselp ebridei blanga prei.

Galeishans 1:19

en ai nomo bin luk ol detlot najalot speshalwan mishanri. Aibin luk oni Jeims det braja blanga Jisas Krais det Bos blanga wi.