Methyu 12:43 - Kriol Baibul

⁴³ “Wal yumob jinggabat na. Wen enibodi andimwei nogudwan spirit brom insaid langa sambodi, det nogudwan spirit garra go ebriweya lukabat pleis blanga jidan. En if det nogudwan spirit kaan faindim pleis blanga jidan, im dalim miselp.

Methyu 12:43 Iomraidhean Croise

Job Wotfo Gudbala Pipul Abum Trabul? 1:7

Wal YAWEI bin askim im, “Wanim yubin dumbat?” Wal det nogudwan einjul bin tok, “Aibin go ebriweya langa dijan wel.”

Job Wotfo Gudbala Pipul Abum Trabul? 2:2

En YAWEI bin askim im, “Wanim yubin dumbat?” Wal det nogudwan einjul bin tok langa YAWEI, “Aibin go ebriweya langa dijan wel.”

Ola Saam 63:1

God, yu na main God, en mi wandim yu brabliwei. Holot main filing wandim yu. Main spirit jidan wikwan en mi thestiwan blanga yu, jis laik drai en rabishwan kantri weya wandim woda.

Aisaiya 41:18

Ai garra meigim detlot riba randan garram woda langa ola draiwan hil kantri. Ai garra meigim detlot lilwan krik en ebri beli jidan garram woda. Ola draiwan kantri garra jidan garram woda, en olabat garra jidan wulijim bigwan bilibong.

Methyu 12:44

Im tok, ‘Ai garra gobek langa det sambodi en jidan langa det seimwan pleis weya aibin jidan basdam.’ En wen det nogudwan spirit gobek langa det pleis, if im faindim det pleis brabli klinwan en taidiwan nomo garram enijing deya, wal im gowei,

Methyu 8:29

Wal wen det dubala men bin luk Jisas, dubala bin jingat adbala, “Minbala sabi yu det San blanga det brabli haibala God. Wal wanim yu wandim brom minbala? Maitbi yubin kaman blanga panishim minbala bifo det rait taim garra kaman.” Lagijat na dubala bin tok, dumaji bigmob dibuldibul bin jidan insaid langa dubala.

Eks Hau Det Gudnyus Blanga Jisas Krais Bin Spredat Ebriweya 8:13

en det men neim Saiman bin bilib langa Jisas Krais du, en afta wen Filip bin beptaisim im, imbin oldei go garram Filip olataim, en imbin oldei hatjamp wen imbin luk ola speshalwan ting weya Filip bin oldei dumbat.

Fes Pida 5:8

Wal yumob garra jinggabat gudbalawei en wotjim miselp, dumaji det boswan dibuldibul na det enami blanga yumob, en im oldei go ebriweya jis laiga hanggriwan laiyan weya im go lukabat daga blanga dagat, dumaji im oldei lukabat enibodi blanga deigidawei im brom God.