Methyu 12:40 - Kriol Baibul

⁴⁰ Det mesinja bin jidan langa det fish binji thribala dei en thribala nait. Wal mi na det Speshalwan Men weya God bin jandim, en ai garra jidan thribala dei en thribala nait insaid langa graun seimwei laik Jona bin jidan insaid langa det fish binji.

Methyu 12:40 Iomraidhean Croise

Sekan Kings 14:25

Imbin fait en imbin gajimbek ola pleis weya bin jidan blanga Isreil basdam. Brom Heimath langa nowathwei raidap langa det Dedsi sauthwei. Dumaji YAWEI bin meigim pramis langa det speshalwan mesinja blanga im neim Jona hubin det san blanga Ematai brom Gethefa.

Ola Saam 63:9

Detlot hu oldei trai blanga kilim mi ded garra godan langa det pleis weya ola dedwan pipul jidan.

Jona 1:17

Wal YAWEI bin jandim bigwan fish blanga julurum Jona, en Jona bin jidan insaid langa det fish binji fo 3 dei en 3 nait.

Methyu 12:8

Yumob sabi? Mi na det Speshalwan Men weya God bin jandim, en mi Bos blanga det Sebathdei.” Lagijat na Jisas bin tok.

Methyu 16:21

Brom det taim na Jisas bin stat dalimbat im wekinmen olabat streidat blanga imselp weya im garra dai, “Ai garra go langa Jerusalem, en ai garra abum loda trabul brom ola boswan olmen en ola haibala serramonimen en ola lowamen, en dei garra kilim mi ded. Bat thrideistaim ai garra gidap laibala.”

Methyu 17:23

en dei garra gibit mi langa detlot men hu garra kilim mi ded. Bat thrideistaim ai garra gidap laibala brom dedbala.” Wal wen im wekinmen olabat bin irrim im tok im garra dai, deibin ol nogudbinji brabli.

Methyu 27:40

“Hoi! Yubin tok yu garra meigim det Serramoni Pleis buldan, en yubin tok thrideistaim yu garra bildimbek igin. Wal if yu det San blanga God, yu kamdan brom det kros en seibum miselp!”

Methyu 28:6

Bat im nomo iya. Imbin gidap brom dedbala. Imbin dalim yunbala im garra gidap lagijat na bifo imbin dai. Wal yunbala kaman iya en luk wujei imbin leidan.”

Methyu 8:20

Wal Jisas bin dalim det lowamen, “Detlot wail dog gulum foks garram hol weya dei oldei silip, en ola bard garram olabat nes weya dei oldei silip du. Bat nomeda mi det Speshalwan Men, bat stil ai nomo garram eniweya blanga silip en abum spel.”

Jon Bin Dalim Det Gudnyus Blanga Jisas Det San Blanga God 2:19

Wal Jisas bin ensim olabat, “If yumob breigimdan dijan haus en meigim buldan, wal thrideistaim ai garra bildimap dijan haus igin.”