Methyu 12:25 - Kriol Baibul

²⁵ Wal Jisas bin sabi wanim detlot serramonimen bin jinggabat, en imbin dalim olabat, “Wanim yumob reken? If ola pipul langa wan traib kadimat miselp en faitfait gija, wal detlot pipul blanga det traib garra binijimap olabat ronwan traib gin. En if ola pipul langa wan taun o langa wan femili kadimat miselp en faitfait gija, wal detlot pipul garra binijimap miselp gin.

Methyu 12:25 Iomraidhean Croise

Fes Kings 16:21

Wal detlot Isreil pipul bin kadimat miselp na. Sambala pipul bin wandim meigim Taibni det san blanga Ginath jidan king, en detlot najalot pipul bin wandim Omri blanga jidan king.

Ola Saam 139:2

Yu sabi ebrijing. Wen mi jidan en wen mi jandap, yu sabi. Nomeda yu longwei, bat stil yu sabi wanim mi jinggabat.

Aisaiya 9:21

Det dubala klen blanga Ifreiyim en Manesa, nomo bin laigim gija en olabat bin fait gija. Afta tharran deibin ol majurrumap miselp blanga go en fait langa Juda pipul. Wal YAWEI im stil wail langa olabat en im garra kipgon panishimbat olabat.

Jeramaiya 17:10

Bat oni mi na YAWEI sabi. Ai gin luk insaid langa ebribodi, nomeda hu im. Ai luk ebribodi seimwei en gibit ebribodi feyago blanga ebrijing dei dum.” Lagijat na YAWEI bin tok.

Eimos 4:13

Aibin tok na, “God na bin meigim ola bigwan hil en imbin meigim ola win du. Im na shoum ola pipul wanim im jinggabat. Im tjeinjim deitaim en meigim naitaim. Im pudum im fut ontop langa ola haibala pleis langa dijan graun. Im neim YAWEI det Boswan God.” Lagijat na aibin tok.

Methyu 9:4

Wal Jisas bin sabi wanim detlot lowamen bin jinggabat, en imbin tok langa olabat, “Wotfo yumob jinggabat detkain ting?

Mak Bin Dalim Ola Stori Blanga Jisas 2:8

Wal streidawei Jisas bin sabi wanim detlot lowamen bin jinggabat, en imbin dalim olabat, “Wotfo yumob jinggabat lagijat?

Jon Bin Dalim Det Gudnyus Blanga Jisas Det San Blanga God 21:17

Wanmo igin Jisas bin askim Pida, “Yu laigim mi?” Wal Pida bin nogudbinji na, dumaji Jisas bin askim im thritaim, en imbin dalim im, “Bos, yu sabi ebrijing. En yu sabi mi laigim yu.” Wal Jisas bin dalim im, “Wal yu lukaftumbat ola ship main.

Galeishans 5:15

Wal yumob garra wotjim miselp, dumaji if yumob kipgon ardimbat miselp en meigimbat trabul jis laik ola wailwan enimul weya dei baidimbat miselp en binijimap miselp, wal yumob garra binijimap miselp du.

Hibrus 4:13

Wi kaan blandim enijing brom God. Im luk ebrijing, dumaji ebrijing jidan opin langa im, en langa im na wi garra onap en dalim miselp.

Rebaleishan 16:19

En det taun gulum Bebalon bin split thribalawei, en ola najalot taun langa ebri kantri bin buldan. God bin jinggabat det bigwan taun, en imbin meigim brabli nogudwan trabul blanga det pleis. Imbin gibit ol detlot pipul langa det taun detmatj trabul, dumaji imbin brabli wail langa olabat.

Rebaleishan 2:23

Bat ai garra kilim ded ol detlot pipul hu bulurrum det wei blanga det wuman. En afta ola tjetjmob garra sabi nobodi sabi wotkain enibodi insaid. Oni mi na ai sabi. Mi oldei lukinat insaid langa ebribodi hat en main, en ai sabi wanim ebribodi jinggabat blanga dumbat, en ai sabi wanim ebribodi wandi dumbat. En ai garra peiyimbek ebribodi blanga ola enijing weya dei dumbat.