Methyu 12:20 - Kriol Baibul

²⁰ Nomo. Im garra kain langa detlot pipul hu nomo strongbala, en im garra album detlot pipul hu nomo garram enibodi blanga lukaftumbat olabat. Im garra kipgon nomo nokap raidap im garra win en pipul garra sabi det raitwei en abumbat feyago

Methyu 12:20 Iomraidhean Croise

Sekan Kings 18:21

Yu reken Ijip pipul garra album yu? Bat olabat jis laik det wokinstik weya dei meigim brom det gras weya gro wansaid langa woda. En wen yu yusum det wokinstik im breikhaf en im bugum yu bingga. Det king blanga Ijip im lagijat na wen enibodi go langa im blanga album olabat.

Ola Saam 147:3

Detlot pipul hu jidan brabli nogudbinji, im meigim olabat jidan gudbinji igin, en im taiyimap olabat sowa garram bendij.

Ola Saam 51:17

Main God, wen mi sori en meigim miselp lobala, det taim na yu kaan andimwei mi. Wen mi brabli sori en nomo jidan praudbala, tharran na det gudwan sekrifais blanga yu blanga jidan gudbinji garram mi igin.

Aisaiya 40:11

YAWEI im oldei lukaftumbat im pipul olabat, jis laik det stakmen wen im oldei lukaftumbat detlot ship blanga im. Im oldei garrimap detlot lilwan ship langa im bingga, en im oldei lidimbat detlot mamiwan ship gudwei.

Aisaiya 57:15

“Mi na det holiwan God, en ai jidan langa hebin olagijawan. Nomeda ai jidan iya langa top langa dijan holiwan pleis, mi iya du blanga album detlot pipul hu oldei jidan lobala, en hu oldei trastimbat oni langa mi.

Isikiyel 34:16

Ai garra lukabat detlot ship weya bin gitbush, en bringimbek detlot hubin gowei, en taiyimap olabat sowa garram bendij wen olabat bin oldei ardimbat, en ai garra maindimbat detlot weya bin jidan brabli wikwan. Bat ai garra binijimap detlot hu jidan brabli fetwan en brabli strongbala, dumaji ai oldei dum ebrijing raitwei.”

Labidakas 10:20

Wal wen Mosis bin irrim dijan imbin sedisfaid na.

Methyu 11:28

“If enibodi garram loda wori, en im nokap brom det wori jis laiga men weya im garrimap hebiwan loud, wal im garra kaman langa mi, en ai garra deigidawei det wori, en meigim im jidan gudwei.

Methyu 11:7

Wal detlot wekinmen bin gobek langa Jon Beptis na, en afta Jisas bin stat askimbat ol detlot pipul deya blanga Jon Beptis, “Wen yumob bin go langa Jon Beptis deya langa det bush kantri, wanim yumob bin reken yumob garra luk? Yumob bin reken yumob garra go en luk oni langa gras deya?

Luk Bin Dalim Ola Stori Blanga Jisas Langa Wan Jintail Men 4:18

Imbin tok, “Det spirit blanga God im jidan garram mi, dumaji imbin pikimat mi blanga dalimbat det gudnyus langa ola powan pipul. Imbin jandim mi blanga dalim ola prisana God garra larramgo olabat fri, en imbin jandim mi blanga dalim ola blainwan pipul God garra meigim olabat luk gudwei, en imbin jandim mi blanga dalim ol detlot pipul hu oldei abumbat trabul God garra meigim olabat jidan gudbalawei.

Sekan Karinthiyans 2:14

Wal nomeda wi abum loda wori, bat stil wi garra gibit theingks langa God, dumaji imbin joinimap wi langa Jisas Krais, en im oldei meigim wi win garram im, en God oldei yusum wi blanga meigim det gudnyus blanga Jisas Krais go ebriweya, en wen wi spredimat det gudnyus, wi jis laiga gudsmel, en det gudnyus im jis laiga gudsmelwan medisin.

Sekan Karinthiyans 2:7

En yumob garra larramgo im fri en meigim im gudbinji na, dumaji yumob nomo wandi meigim im nogudbinji detmatj bambai im gowei brom Jisas Krais det Bos blanga wi.

Rebaleishan 6:2

Wal aibin luk wanbala waitwan hos bin kamat na. Imbin abum raida langa im bekboun, en det raida bin abum bo en erro langa im bingga. Sambodi bin gibit im speshalwan het, en imbin gowei na blanga fait langa ola bedfren, en imbin sabi im garra win.