Methyu 12:10 - Kriol Baibul

¹⁰ en imbin luk wan men deya garram wan kripulwan bingga. Wal sambala serramonimen deya bin wandi faindim folt langa Jisas, en deibin askim im, “Wanim yu reken det lowa blanga wi tok? Wen im Sebathdei enibodi lau dum detkain wek weya im meigim sikbala pipul gudbala?”

Methyu 12:10 Iomraidhean Croise

Aisaiya 32:6

Ola medwan pipul oldei tok nogudbalawei. Olabat oldei meigimbat plen blanga dumbat nogudbala ting, en dalimbat laiya langa YAWEI, en olabat garra libum detlot pipul hu nomo garram eni daga o woda. Olabat garra jidan hanggriwan en thestibala.

Aisaiya 59:13

Melabat bin gibit yu bekboun, en melabat nomo bin laigim bulurrumbat yu. Blanga melabat hat, im oldei dalim melabat blanga kipgon dumbat nogudbala ting en melabat oldei dalimbat laiya. En melabat bin oldei dum krulbala ting langa najalot pipul, en melabat bin gibit bekboun langa yu.

Aisaiya 59:4

“En yumob nomo gibit feyago langa najalot pipul, en yumob oldei dalimbat laiya langa det kothaus. Yumob oldei dumbat nogudbala ting en meigimbat trabul.

Sekaraiya 11:17

Im brabli nogud blanga det nogudwan bos hu nomo lukaftumbat im pipul olabat, en im jis libum olabat. Ola solja garra kaman en beldim im, en libum im wikwan garram breikinwan am. Im garra jidan blain langa im raidensaid ai, en im kaan sabi wanim blanga dum mowa na.”

Methyu 12:2

Wal sambala serramonimen gulum Ferasi bin luk olabat, en deibin tok langa Jisas, “Wotfo yu wekinmen olabat breigim det lowa blanga wi? Wen im Sebathdei, nobodi nomo lau wek en gajimbat det sid daga.”

Methyu 19:3

Wal sambala serramonimen gulum Ferasi bin kaman langa Jisas, en deibin askim im kwestjan blanga trai en trikim im, “If eni men nomo wandim im waif, im lau blanga andimwei im?”

Mak Bin Dalim Ola Stori Blanga Jisas 3:2

Wal sambala pipul langa det Miting Pleis bin wandi faindim folt langa Jisas, en deibin lukinat langa im brabliwei if im garra meigim det men garram kripulwan bingga gudbala langa Sebathdei.

Luk Bin Dalim Ola Stori Blanga Jisas Langa Wan Jintail Men 11:54

en deibin oldei askimbat im olkain ting, dumaji deibin wandi trikim im en irrim im tok rongwei.

Luk Bin Dalim Ola Stori Blanga Jisas Langa Wan Jintail Men 13:14

Wal det boswan blanga det Juwish Miting Pleis bin gitwail, dumaji Jisas bin meigim det gel gudbala wen imbin Sebathdei. En det boswan bin dalim ola pipul, “Wi garram 6 dei blanga dum wek. En ola sikbala pipul garra kaman langa det 6 dei na. Dei kaan kaman langa Sebathdei.”

Luk Bin Dalim Ola Stori Blanga Jisas Langa Wan Jintail Men 20:22

“Wal yu dalim melabat na. Yu reken im rait det haibala gabman bos gin meigim melabat peiyim teks mani? Melabat garra peiyim det mani o najing?”

Luk Bin Dalim Ola Stori Blanga Jisas Langa Wan Jintail Men 23:14

en imbin tok, “Yumob bin bringimap Jisas langa mi, en yumob bin dalim mi imbin trai en meigim ola pipul dum rong. En aibin tok langa Jisas rait iya langa yumob ai, en ai kaan faindim eni rong langa im.

Luk Bin Dalim Ola Stori Blanga Jisas Langa Wan Jintail Men 23:2

en deibin meigimap yan, en deibin dalim Pailat, “Melabat bin luk dijan men bin trai en meigim rong langa ola pipul. Imbin dalim olabat nomo blanga gibit det teks mani langa det king blanga dijan kantri, en imbin dalim olabat im na garra jidan king, en imbin gulum miselp det Masaiya.”

Jon Bin Dalim Det Gudnyus Blanga Jisas Det San Blanga God 5:10

En wen detlot Juwish serramonimen bin luk det men garrimapbat im sweig, deibin dalim im, “Dijan im Sebathdei, en yu nomo lau garrimap yu sweig.”

Jon Bin Dalim Det Gudnyus Blanga Jisas Det San Blanga God 5:3

en loda sikwan pipul bin oldei leidanbat andanith. Sambala bin blainwan, en sambala bin leimbala, en sambala nomo bin oldei mubaran.

Jon Bin Dalim Det Gudnyus Blanga Jisas Det San Blanga God 8:6

Lagijat na deibin askimbat Jisas blanga trikim im, dumaji deibin wandi faindim folt langa im. Wal Jisas bin jukdan, en imbin raidimdan samting langa graun garram im bingga,

Jon Bin Dalim Det Gudnyus Blanga Jisas Det San Blanga God 9:16

Wal sambala serramonimen bin tok, “Det men hubin meigim yu gudwan nomo bin kaman brom God, dumaji im nomo bin kipum det lowa blanga det Sebathdei.” Bat najalot serramonimen bin tok, “Det men bin kaman brom God, dumaji enibodi hu dumbat nogudbala ting kaan dumbat detkain klebabala ting.” Wal ol detlot serramonimen nomo bin agri gija, en deibin stat agamin gija, en deibin kadimat miselp.