Methyu 11:3 - Kriol Baibul

³ en wen deibin kaman langa Jisas, deibin tok, “Yu dalim melabat. Yu na det Speshalwan Men weya Jon Beptis bin tok garra kaman? O maitbi melabat garra weit blanga najawan men?”

Methyu 11:3 Iomraidhean Croise

Jenasis 12:3

En if enibodi tridim yu nogudbalawei, wal ai garra peiyimbek im nogudbalawei. En if enibodi gudbala langa yu, wal ai garra peiyimbek im gudbalawei. En garram yu na ai garra meigim ola traib langa ebri kantri brabli gudbinji.” Lagijat na God bin tok.

Jenasis 3:15

En ai garra meigim yunbala det wuman heidim gija. Det biginini blanga det wuman en det biginini blanga yu garra jidan enami gija. En det biginini blanga im garra smeshimap yu hed, en yu garra baidim im fut.”

Jenasis 49:10

Yu garra jidan bigbala bos, en ola biginini blanga yu garra jidan bigbala bos biyain langa yu du. En ola najalot pipul garra lukbek langa yu, en dei garra lisin langa yu du.

Ola Saam 118:26

YAWEI, jidan kainbala langa det king hu kaman langa yu neim. Melabat preisim yu brom det Serramoni Pleis blanga yu.

Aisaiya 7:14

Bat YAWEI, im garra stil shoumbat yumob det gudbala ting. Wal wan singulwan yanggel garra jidan femiliwei, en im garra abum san, en im garra gulum im neim Imenyuwel.

Hoseiya 3:5

Bambai dei garra tenim miselp en kambek langa YAWEI det trubala God blanga olabat, en dei garra bulurrum det king hu garra kamat brom det femili lain blanga King Deibid. Det taim garra kaman weya detlot Isreil pipul garra kaman bradinbalawei langa YAWEI, en dei garra abumbat ola gudbala ting weya im wandi gibit olabat.

Obadaiya 1:21

en ol detlot men brom Jerusalem deya ontop langa det hil gulum Saiyan garra win, en dei garra go en fait langa detlot Idam pipul, en dei garra binijimap ol detlot pipul en jidan bos blanga det hil kantri blanga Isau. En mi na YAWEI garra jidan king.” Lagijat na God bin tok. Binij na.

Maika 5:2

Wal YAWEI det trubala God bin kipgon tok na, “Bethlahem Efratha, nomeda yu det lilwan taun langa ola najalot taun deya langa Juda, bat stil brom yu na ai garra meigim kamat det boswan main jis laiga gel weya im abum beibi, en det beibi weya yu garra abum bin jidan laibala basdam bifo enijing bin jidan, en im garra jidan king blanga ola Isreil pipul.” Lagijat na YAWEI bin tok.

Hegai 2:7

en ai garra bidim ola pipul langa ebri kantri, en ai garra pulumat olabat ola brabli gudbala ting en meigim olabat bringimap detlot enijing iya,

Sekaraiya 9:9

YAWEI bin kipgon tok, “Yumob pipul blanga Jerusalem! Jingat brabli gudbinjiwei yumob pipul blanga Saiyan! Luk yumob king im kaminap langa yumob. Im strongbala en imbin bidim ol im enami olabat. Im kaman langa yumob raidimbat dongki, ontop langa yangwan dongki, nomo praudbalawei.

Melakai 3:1

YAWEI det boswan God bin tok, “Yumob irrim mi. Ai garra jandim main mesinja lida langa mi blanga meigim det roud redi blanga mi. Det bos yumob lukabat garra kaman kwikbala langa im Serramoni Pleis. Det mesinja weya aibin pramis langa main pipul en tharran weya yumob wandimbat, trubala im garra kaman.

Melakai 4:2

Bat yumob pipul hu rispek mi, wal ai kaan dum lagijat langa yumob. Langa det dei ai garra seibum yumob strongbalawei jis laik det san weya im shain strongbalawei. Ai garra meigim yumob gudbinji en strongbala, jis laik detlot enimul weya dei jamparan gudbinjiwei.

Nambas 24:17

Tudei na ai gin luk det taim weya garra kaman bambai, en ai gin luk detlot Isreil pipul. Wanbala king jis laiga braitwan sta garra bon brom detlot Isreil pipul. Jis laik det brabli braitwan sta, im garra kaman brom Isreil. Im garra kilim detlot lida brom Moweb, en im garra bidim ola pipul blanga Seth.

Methyu 11:10

Langa oltestaman God bin tok, ‘Ai garra jandim main mesinja lida langa det Boswan blanga meigim det roud redi blanga im.’ Wal det oltestaman im tok blanga Jon Beptis.

Methyu 11:4

Wal Jisas bin tok, “Yumob gobek en dalim Jon wanim yumob bin luk en wanim yumob bin lisin.

Methyu 21:5

Imbin tok, “Olabat! Yumob garra jingat langa ola pipul deya langa det taun gulum Saiyan. Yumob garra tok, ‘Yumob luk! Det king blanga yumob im kaminap na. Imbin meigim miselp lobala, en im raidimbat lilwan dongki.’ ”

Methyu 21:9

Afta na sambala pipul bin go lida langa Jisas, en sambala pipul bin bulurrum im biyain, en deibin ol jinginat adbala, “Melabat preisim dijan grengrensan blanga King Deibid! Melabat askim God blanga album im en meigim im brabli gudbinji, dumaji God bin jandim im. Melabat preisim God! Aleiluya!”

Mak Bin Dalim Ola Stori Blanga Jisas 11:9

Brom deya sambala pipul bin go lida langa Jisas, en sambala pipul bin bulurrum biyain, en deibin ol jinginat adbala, “Melabat preisim God, en melabat askim im blanga album dijan iya king en meigim im brabli gudbinji, dumaji God bin jandim im.

Luk Bin Dalim Ola Stori Blanga Jisas Langa Wan Jintail Men 19:38

Deibin tok, “Melabat askim God blanga jidan kainbala langa dijan king hu kaman langa im neim. God im brabli haibala, en ebribodi garra jidan gudbalawei langa hebin.”

Jon Bin Dalim Det Gudnyus Blanga Jisas Det San Blanga God 11:27

Matha bin tok, “Yuwai, Bos. Ai bilib yu na det Boswan gulum Masaiya det San blanga God hu garra kaman langa dijan wel.”

Jon Bin Dalim Det Gudnyus Blanga Jisas Det San Blanga God 12:13

en deibin go blanga midim im langa roud, en deibin jinginatbat, “Melabat preisimbat God, en melabat askim im blanga album dijan iya king blanga ola Isreil pipul en blanga meigim im brabli gudbinji, dumaji God na bin jandim im.”

Jon Bin Dalim Det Gudnyus Blanga Jisas Det San Blanga God 16:14

en im garra shoum yumob mi brabli haibala, dumaji im garra dalim yumob wanim mi tok.

Jon Bin Dalim Det Gudnyus Blanga Jisas Det San Blanga God 4:21

Wal Jisas bin tok, “Gel, trubala ai dalim yu. Det taim garra kaman weya ola pipul kaan weship wi Dedi langa dijan hil en langa Jerusalem.

Jon Bin Dalim Det Gudnyus Blanga Jisas Det San Blanga God 6:14

Wal wen detlot pipul bin luk det speshalwan klebabala ting weya Jisas bin dum, deibin tok, “Trubala dijan na det speshalwan mesinja weya God bin tok im garra jandim langa dijan kantri.”

Jon Bin Dalim Det Gudnyus Blanga Jisas Det San Blanga God 7:31

Wal loda pipul deya langa det Serramoni Pleis bin bilib langa Jisas, en deibin tok, “Im na det Boswan gulum Masaiya, dumaji nobodi kaan dum klebabala ting seimwei laik im dumbat.”

Hibrus 10:37

Wi sabi tharran, dumaji speshalwan mesinja im tok, “Nomo longtaim na det Boswan hu garra kambek garra kaman dregli,