Methyu 11:28 - Kriol Baibul

²⁸ “If enibodi garram loda wori, en im nokap brom det wori jis laiga men weya im garrimap hebiwan loud, wal im garra kaman langa mi, en ai garra deigidawei det wori, en meigim im jidan gudwei.

Methyu 11:28 Iomraidhean Croise

Job Wotfo Gudbala Pipul Abum Trabul? 14:1

“Ola pipul hu jidan laibala garram shotwan laif en dei jidan brabli soriwan.

Job Wotfo Gudbala Pipul Abum Trabul? 5:7

Wen pipul bon, trabul garra kaman langa olabat. Im jis laik det spak weya kamat brom det bush faiya en gowap langa skai.

Ola Saam 116:7

Main hat jidan kwaitbalawei, dumaji YAWEI bin gudbala langa mi.

Ola Saam 32:4

Yubin kipgon panishimbat mi lagijat ebridei en ebrinait. Jis laik detlot gras weya draiyap en go wikwan langa hotwethataim, wal lagijat du aibin abum pein detmatj en aibin brabli wikwan.

Ola Saam 38:4

Mi jidan giltiwan en im gaburrumap mi brabliwei, jis laik fladwoda. Im tumatj blanga mi blanga hendulum. Im jis laik det hebiwan loud weya mi garrimap.

Ola Saam 94:13

Yu larram ol detlot hu irrim yu abum spel brom ola trabul raidap det taim weya yu redi blanga binijimap detlot nogudbala pipul.

Aklisiyestis 1:14

“Wal aibin luk ebrijing weya pipul oldei dumbat langa dijan wel, en ai dalim yu, im brabli adwan blanga sabi. Wal im jis laik aibin trai dalimbat det win wujei blanga go.

Aklisiyestis 1:8

Wal ebrijing jis kipgon seimwei langa dijan wel. Wi gin tok, bat wi kaan tok ebrijing, en wi gin luk, bat wi kaan luk ebrijing, en wi gin irrim, bat wi kaan irrim ebrijing.

Aklisiyestis 4:8

Wanbala men bin oldei jidan miselp en nomo bin abum san, en im nomo bin abum braja du, najing. Wal imbin oldei wek nomo lilbit, nomo stap, bat im nomo bin sedisfaid garram ola enijing weya imbin abum. Wal im garra oldei askim miselp, “Wotfo mi oldei wekwekbat? Ai nomo garram eni femili en ai nomo jidan gudbinjiwei.” Wal ai nomo sabi wotfo im lagijat.

Aisaiya 1:4

“Wal ol yumob Isreil pipul garra ol binij du, dumaji yumob brabli nogudbala. Yumob oldei dumbat brabli nogudbala ting. Yumob brabli wikitwan en brabli nogudbala. Yumob bin libum det wei blanga God, en yumob bin gibit bekboun langa mi. Mi na YAWEI, det brabli holiwan God blanga ola Isreil pipul.

Aisaiya 11:10

Wal aibin kipgon tok, “Wal det taim im kaminap na wen wanbala biginini blanga Deibid garra jidan sain blanga ola pipul brom ebri kantri blanga kaman mijamet. Olabat garra oldei bulurrumbat wanim im oldei tok, en im ronwan kantri garra jidan brabli haibala.

Aisaiya 28:12

Imbin wandim yumob blanga jidan gudbinjiwei langa yumob ronwan kantri, bat yumob nomo lisin langa im.

Aisaiya 61:3

Imbin jandim mi blanga gibit olabat purdiflawa, dumaji olabat bin oldei jidan soribalawei. Imbin jandim mi blanga gibit olabat oliboil blanga meigim olabat jidan hepiwan, dumaji olabat bin oldei kraikraibat. Ai garra meigim olabat sing gudbinjiwei, dumaji olabat bin oldei jidan brabli nogudbinjiwei. Olabat garra jidan jis laik detlot tri weya YAWEI bin plentim wulijim olabat garra oldei preisimbat im neim.

Aisaiya 66:2

Wal mi na YAWEI det trubala God bin meigim ebrijing. Detlot pipul weya mi laigim olabat brabliwei, dei oldei jidan lobala en dei oldei jinggabat oni langa mi blanga albumbat olabat, en olabat sheik wen dei irrim mi toktokbat.

Jeramaiya 31:25

Ai garra meigim strongbala detlot hu nokap en jidan wikwan. En ol detlot hu oldei jidanbat wikwan en hanggriwan ai garra meigim olabat bulap binji garram loda daga,

Jeramaiya 35:16

Blanga Jonadeb bigininimob, deibin duwit langa det lowa weya olabat grengrenfatha bin gibit langa olabat, bat ol yumob pipul nomo bin duwit langa mi.

Jeramaiya 6:16

Wal YAWEI bin tok langa im pipul olabat na, “Ol yumob pipul jandap weya det dubala roud krosim gija. Yumob askim wujan det gudwan roud blanga YAWEI. If yumob wok langa det gudwan roud, yumob garra jidanbat gudbinjiwei. “Bat yumob bin tok, ‘Najing! Melabat kaan duwit!’

Methyu 11:29

Yu kaman en bulurrum mi, dumaji det wei blanga mi im nomo adwan, en mi brabli kainbalawan en nomo meigim miselp haibala.

Methyu 23:4

Yumob sabi? Dei oldei meigim det lowa brabli adbala blanga ola pipul blanga dum, en dei nomo dum enijing blanga album olabat.

Jon Bin Dalim Det Gudnyus Blanga Jisas Det San Blanga God 6:37

Bat ol detlot pipul weya main Dedi bin gibit langa mi garra kaman langa mi,

Jon Bin Dalim Det Gudnyus Blanga Jisas Det San Blanga God 7:37

Bambai na langa det laswan speshalwan dei blanga det serramoni, Jisas bin jandap deya langa det Serramoni Pleis, en imbin tok langa ola pipul adbala, “Ol yumob pipul hu jidan thestibala blanga God insaid langa yumob hat, yumob garra kaman langa mi en dringgim det speshalwan woda, dumaji langa oltestaman im tok, ‘If enibodi bilib langa mi, wal det woda weya gibit laif garra boilap brom insaid langa im.’ ”

Eks Hau Det Gudnyus Blanga Jisas Krais Bin Spredat Ebriweya 15:10

Wal wotfo yumob wandi testimbat God? Yumob wandim detlot Jintail pipul blanga duwit langa ola lowa blanga Mosis. Bat ol wi Juwish pipul nomo bin duwit langa det lowa.

Eks Hau Det Gudnyus Blanga Jisas Krais Bin Spredat Ebriweya 20:35

En wen aibin wek adbala lagijat, aibin shoum yumob hau blanga album ola po pipul, dumaji wi garra oldei jinggabat wanim Jisas det Boswan bin tok, ‘Wen sambodi gibit yu enijing, yu garra gudbinji. Bat wen yu gibit enijing langa sambodi, yu garra gudbinji brabliwei.’ ” Lagijat na Pol bin tok langa detlot tjetj lidamob.

Galeishans 5:1

Jisas Krais bin meigim wi fri, en im wandim wi garra kipgon jidanbat fri. Wal yumob garra kipgon jidanbat fri en nomo larram enibodi taiyimap yumob igin garram det lowa en meigim yumob jidan jis laiga prisana.

Sekan Thesaloniyans 1:7

en im garra deigidawei detlot trabul brom yumob. Im garra deigidawei ola trabul brom melabat du, en im garra meigim wi jidan gudbalawei. Wal God garra deigidawei ol detlot trabul en peiyimbek detlot pipul, en im garra dum tharran, det taim na wen Jisas Krais det Bos blanga wi garra kambek garram ola brabli strongbala einjul blanga im.

Hibrus 4:1

Bat det gudbala kantri weya God bin pramis nomo bin binij. Det kantri im stil opin blanga detlot pipul hu bilib langa God brabliwei, en wi garra wotjim miselp brabliwei en meiksho wi nomo misat blanga go langa det gudbala kantri, dumaji wibin irrim det gudnyus jis laik detlot pipul bin irrim.

Rebaleishan 22:17

Det Spirit blanga God en det pramis blanga Jisas, dubala dalim Jisas, “Yu kaman na!” En ebribodi hu lisin langa dubala tok lagijat garra tok lagijat gin, “Yu kaman na!” En if enibodi thestibala, en im wandim det woda blanga laif, wal im gin gajim, dumaji det woda im friwan.