Methyu 11:25 - Kriol Baibul

²⁵ Afta na Jisas bin prei langa God, “Dedi, yu na Bos langa hebin en langa ola kantri iya langa graun, en ai gibit yu theingks, dumaji loda ting deya yu nomo bin shoum langa detlot pipul hu reken miselp klebabala. Yubin shoum ol detlot ting blanga yu langa detlot pipul hu nomo reken miselp klebabala, jis laik ola bigininimob.

Methyu 11:25 Iomraidhean Croise

Jenasis 14:19

en imbin dalim Eibram, “Det brabli haibala God hubin meigim ola kantri en skai, im na gudbinji langa yu.

Jenasis 14:22

Bat Eibram bin tok, “Nomo. Ai kaan kipum enijing lagijat, dumaji aibin meigim pramis langa YAWEI det brabli haibala God hubin meigim ola kantri en skai.

Sekan Kings 19:15

En King Hesakaiya bin prei langa im, “YAWEI, yu na det trubala God blanga ola Isreil pipul. Yu na jidan ontop langa det Seikridwan Boks weya det dubala einjul jandap wansaid wansaid. Oni yu na God en yu jidan bos blanga ebri kantri langa dijan wel. Yu na bin meigim dijan graun en det skai.

Fes Kranakuls 29:13

Wal dedi God melabat gibit yu theingks, en melabat oldei preisimbat yu haibala neim.

Job Wotfo Gudbala Pipul Abum Trabul? 37:24

Wal wi bradin langa God, dumaji im nomo teiknodis langa detlot hu oldei jidan praudbalawei en reken dei sabi ebrijing.” Lagijat na Ilaihu bin tok.

Ola Saam 8:2

Ola beibi en lilwan biginini sing en preisimbat yu. Yubin meigim seifwan pleis blanga yuselp dumaji yu garram enami. Yu garra binijimap ol yu enami olabat, en detlot pipul hu wandi peiyimbek yu.

Aisaiya 5:21

“Wal yumob garra abum bigbala trabul na! Dumaji yumob reken miselp brabli klebawan, bat najing.

Aisaiya 66:1

Wal YAWEI bin tok, “Wal ai jidan langa hebin en ai pudum main fut langa dijan graun. Wotkainaba haus yu garra bildimap blanga main blanga jidan?

Denyul 2:23

Yu brabli haibala, en yu na God blanga main grengrenfathamob. Yubin gibit mi gudbala main en meigim mi strongbala. Yubin ensim main preya, en bin shoum melabat wanim blanga dalim det king. Ai preisim yu brabliwei en gibit yu theingks.” Lagijat na Denyul bin preisim God.

Denyul 4:35

Im oldei lukinat ola pipul langa dijan wel. Olabat najing. Im jidan bos langa ola einjul langa top en langa ola pipul langa dijan wel. Nobodi kaan go oba langa im, en nobodi kaan tok, ‘Wotfo yu dum lagijat?’

Methyu 16:17

Wal Jisas bin tok, “Yubin tok trubala wed, Saiman. En ai sabi yu san blanga det olmen neim Jon. Bat nomo eni men bin dalim yu det trubala wed. Main Dedi langa hebin bin dalim yu. En yu garra gudbinji, dumaji imbin dalim yu.

Methyu 21:16

en deibin tok, “Yu irrim wanim detlot biginini toktok? Im nogud tharran.” Wal Jisas bin dalim olabat, “Yuwai, mi irrim olabat. Bat maitbi yumob nomo bin ridim det oltestaman weya im tok, ‘God, yubin meigim ola biginini blanga preisim yu, en yubin meigim ola lilwan beibi blanga preisim yu du.’ ”

Luk Bin Dalim Ola Stori Blanga Jisas Langa Wan Jintail Men 22:42

Imbin tok, “Dedi, if yu wandim, yu gin deigidawei dijan trabul brom mi. Bat yu kaan dum wanim mi wandim. Yu garra dum wanim yu wandim.”

Luk Bin Dalim Ola Stori Blanga Jisas Langa Wan Jintail Men 23:34

Afta na Jisas bin tok langa God, “Dedi, yu larramgo ol dislot pipul blanga dijan nogudbala ting weya deibin dum, dumaji olabat nomo sabi wanim olabat dumbat.” Brom deya detlot solja bin gembul blanga det klos blanga Jisas.

Jon Bin Dalim Det Gudnyus Blanga Jisas Det San Blanga God 11:41

Wen Jisas bin tok lagijat, detlot pipul bin deigidawei det ston brom det dowa, en Jisas bin lukap langa top, en imbin tok langa God, “Dedi, ai gibit yu theingks, dumaji yu irrim mi.

Jon Bin Dalim Det Gudnyus Blanga Jisas Det San Blanga God 12:27

“Wal ai dalim yumob. Mi brabli nogudbinji na, dumaji det taim bin kaman blanga mi blanga dai. En wanim ai garra tok? Ai garra dalim main Dedi nomo blanga larram mi dai? Nomo. Ai kaan dalim main Dedi nomo blanga larram mi dai, dumaji blanga tharran na aibin kaman. En ai garra go thru langa det trabul.” Lagijat na Jisas bin tok. Afta na Jisas bin tok langa im Dedi,

Jon Bin Dalim Det Gudnyus Blanga Jisas Det San Blanga God 12:28

“Dedi, yu shoum ola pipul yu brabli haibala, en det neim blanga yu im brabli haibala du.” Wal wen Jisas bin tok lagijat, streidawei God bin tok brom hebin, “Aibin shoum ola pipul mi haibala olredi, en ai garra shoum olabat igin mi brabli haibala.”

Eks Hau Det Gudnyus Blanga Jisas Krais Bin Spredat Ebriweya 17:24

Det drimin weya yumob nomo sabi, im na God, en oni im na bin meigim dijan wel en ebrijing iya, en oni im na Bos blanga top en blanga dijan graun. Im nomo jidan langa haus weya men bin bildimap,

Fes Karinthiyans 2:10

Bat God bin shoum wi det plen blanga im garram im Holi Spirit. Wal yumob jinggabat na. Nobodi sabi wanim enibodi jinggabat langa im main. Oni det spirit blanga im sabi wanim im jinggabat. En im seimwei blanga God. Oni det Holi Spirit blanga im sabi wanim im jinggabat. Oni im na sabi det plen blanga God.

Sekan Karinthiyans 3:14

Yu si? Imbin jis laik sambodi bin jadimap det main blanga detlot Isreil pipul. En tudei wen dei irrim det olbala lowa, dei stil jadimap olabat main. Oni wanwei dei gin opinim olabat main en sabi God. Dei garra joinimap miselp langa Jisas Krais det Bos blanga wi.

Fes Semyul 2:18

Wal det lilboi Semyul bin kipgon wek blanga YAWEI, en imbin oldei werrimon speshalwan klos gulum ifad.