Methyu 11:10 - Kriol Baibul

¹⁰ Langa oltestaman God bin tok, ‘Ai garra jandim main mesinja lida langa det Boswan blanga meigim det roud redi blanga im.’ Wal det oltestaman im tok blanga Jon Beptis.

Methyu 11:10 Iomraidhean Croise

Aisaiya 40:3

Sambodi im jinginatbat, “Deya langa det deset kantri yumob meigim det roud streitwan! Meigim det roud redibala blanga YAWEI det trubala God!

Melakai 3:1

YAWEI det boswan God bin tok, “Yumob irrim mi. Ai garra jandim main mesinja lida langa mi blanga meigim det roud redi blanga mi. Det bos yumob lukabat garra kaman kwikbala langa im Serramoni Pleis. Det mesinja weya aibin pramis langa main pipul en tharran weya yumob wandimbat, trubala im garra kaman.

Melakai 4:5

“Wal bifo det dei wen ola pipul garra bradin detmatj, ai garra jandim Ilaija, det speshalwan mesinja langa yumob.

Methyu 11:11

En ai dalim yumob. Jon im haibala langa ola pipul hubin bulurrum det olbala lowa blanga God. Bat ol detlot pipul hu garra irrim main wed en bulurrum det Nyubalawei garra jidan brabli haibala.

Methyu 11:3

en wen deibin kaman langa Jisas, deibin tok, “Yu dalim melabat. Yu na det Speshalwan Men weya Jon Beptis bin tok garra kaman? O maitbi melabat garra weit blanga najawan men?”

Mak Bin Dalim Ola Stori Blanga Jisas 1:2

Longtaim det speshalwan mesinja blanga God neim Aisaiya bin raidimdan langa oltestaman wanim God bin tok, “God garra jandim det mesinja blanga im lida langa det san blanga im, en det mesinja garra meigim ebrijing redi blanga det San blanga go deya.

Luk Bin Dalim Ola Stori Blanga Jisas Langa Wan Jintail Men 1:76

Wal det Holi Spirit bin meigim det olmen Sekaraiya tok langa det lilboi na, “Main lilboi, dei garra gulum yu det speshalwan mesinja blanga det brabli haibala God. God garra jandim det Boswan gulum Masaiya, en yu garra go lida langa im, en yu garra meigim det roud redi blanga im.

Jon Bin Dalim Det Gudnyus Blanga Jisas Det San Blanga God 1:23

Wal Jon bin tok, “Mi na det men jinginatbat langa deset kantri dalimbat ola pipul blanga meigim det roud redi blanga det Boswan blanga kaman.” Lagijat na Jon bin tok langa olabat garram det wed weya det speshalwan mesinja neim Aisaiya bin raidimdan langa oltestaman.