Methyu 11:1 - Kriol Baibul

¹ Brom deya wen Jisas bin binij dalimbat detlot wed langa im wekinmen olabat, deibin gowei brom det pleis, en Jisas bin go en dalimbat det gudnyus langa ola najalot taun deya langa Gelali. Deya na imbin titjimbat ola pipul.

Methyu 11:1 Iomraidhean Croise

Methyu 28:20

Yumob garra shoumbat olabat blanga dum ebrijing weya aibin shoumbat yumob. En ai kaan libum yumob. Nomeda wujei yumob go, bat stil mi garra oldei jidan deya garram yumob olataim.” Lagijat na Jisas bin tok. Binij na.

Methyu 4:23

Brom deya Jisas bin go ebriweya langa Gelali, en imbin meigim olkain sikbala pipul gudbala, en imbin tok langa ola pipul langa ola Juwish Miting Pleis langa det kantri, en imbin dalimbat olabat det gudnyus blanga God weya imbin meigim wei blanga olabat blanga kaman langa im.

Methyu 7:28

Lagijat na Jisas bin tok langa ol detlot pipul, en wen imbin binij dalimbat stori langa olabat, deibin ol jidan brabli kwaitbala, dumaji imbin titjimbat olabat difrinwei brom ol detlot lowamen.

Methyu 9:35

Brom deya Jisas bin goran langa ola taun langa det kantri, en imbin meigim olkain sikbala pipul gudbala, en imbin tok langa ola pipul langa ola Juwish Miting Pleis langa det kantri, en imbin dalimbat olabat det gudnyus blanga God weya imbin meigim wei blanga olabat blanga kaman langa im.

Mak Bin Dalim Ola Stori Blanga Jisas 6:12

Wal detlot wekinmen bin go ebriweya, en deibin dalimbat ola pipul blanga tenim miselp brom ola nogudbalawei blanga olabat,

Luk Bin Dalim Ola Stori Blanga Jisas Langa Wan Jintail Men 23:5

Bat detlot pipul bin kipgon tok strongbalawei langa Pailat, “Wal imbin oldei toktok en trai en meigim trabul blanga ola pipul ebriweya langa dijan kantri Judiya. Imbin trai en meigim trabul langa Gelali basdam, en imbin kaman iya blanga meigim trabul langa melabat kantri na.”

Luk Bin Dalim Ola Stori Blanga Jisas Langa Wan Jintail Men 8:1

Bambai na Jisas bin go ebriweya langa ola taun en ola najalot lilwan pleis, en imbin dalimbat ola pipul det gudnyus blanga God weya imbin meigim wei blanga olabat blanga kaman langa im. Imbin go garram det twelbala wekinmen blanga im,

Jon Bin Dalim Det Gudnyus Blanga Jisas Det San Blanga God 15:10

Ai nomo bin stapam main Dedi brom laigimbat mi, dumaji aibin oldei duwit langa detlot wed weya imbin gibit mi. En im seimwei du langa yumob. If yumob duwit langa main wed olabat, wal yumob kaan stapam mi brom laigimbat yumob.

Jon Bin Dalim Det Gudnyus Blanga Jisas Det San Blanga God 15:14

En if yumob dum wanim aibin dalim yumob blanga dum, wal yumob na main fren olabat.

Eks Hau Det Gudnyus Blanga Jisas Krais Bin Spredat Ebriweya 1:2

Wal bifo Jisas bin dai, imbin pikimat twelbala speshalwan mishanri blanga jidan mishanri blanga im, en afta wen imbin gidap brom dedbala, imbin shoum miselp 40 deis langa detlot lebenbala speshalwan mishanri, en olabat ol witnis trubala im laibala, dumaji deibin luk im lodataim bifo imbin gowap langa hebin. Wal wen deibin oldei luk langa im, imbin oldei dalimbat olabat blanga God en hau im garra jidan Bos blanga olabat. Garram det pawa blanga det Holi Spirit imbin oldei titjimbat olabat.

Eks Hau Det Gudnyus Blanga Jisas Krais Bin Spredat Ebriweya 10:38

En yumob sabi det stori blanga Jisas hubin kaman brom Nesareth. God bin gibit im det Holi Spirit en pawa, en imbin go ebriweya dumbat gudbala ting, en imbin oldei andimwei dibuldibul brom insaid langa pipul en meigim olabat gudbala, dumaji God bin oldei deya garram im.

Eks Hau Det Gudnyus Blanga Jisas Krais Bin Spredat Ebriweya 10:42

en imbin dalim melabat blanga dalimbat det gudnyus langa ola pipul, en imbin dalim melabat blanga dalim ebribodi, ‘God bin pikimat Jisas Krais blanga jadjim ola laibala pipul en ola dedbala pipul du.’

Fes Thesaloniyans 4:2

Wal yumob sabi melabat nomo bin tok langa yumob brom melabat ron mawus. Jisas Krais det Bos blanga wi bin dalim melabat wanim blanga tok langa yumob. En lagijat na melabat bin tok.

Sekan Thesaloniyans 3:10

En wen melabat bin deya garram yumob, melabat bin oldei tok, “If enibodi nomo wek, wal im kaan abum eni daga.”

Sekan Thesaloniyans 3:6

Wal main braja en sista olabat, Jisas Krais det Bos blanga wi bin meigim melabat bos blanga yumob. En melabat dalim yumob nomo blanga joinin langa eni Kristjan pipul hu oldei jidan leisibala. Yumob kaan joinin langa detlot pipul hu nomo duwit langa det wed weya melabat bin gibit olabat.

Fes Timathi 6:14

Yu garra bulurrum dijan wed brabliwei raidap det dei weya Jisas Krais det Bos blanga wi garra kambek.