Methyu 10:8 - Kriol Baibul

⁸ Yumob garra meigim sikbala pipul gudbala, en yumob garra meigim dedbala pipul gidap laibala, en yumob garra meigim detlot pipul hu garram leprasi gudbala, en yumob garra andimwei dibuldibul brom insaid langa pipul. Yumob nomo bin pei blanga det pawa blanga dumbat ol detkain klebabala ting, en wen yumob garra dumbat detlot wek blanga ol detlot sikbala pipul, yumob kaan askimbat enibodi blanga enijing.

Methyu 10:8 Iomraidhean Croise

Aisaiya 55:1

Wal YAWEI det trubala God bin kipgon tok, “Kaman yumob hu oldei jidanbat thestibala. Yumob kaman en dringgimbat woda. Kaman yumob hu nomo garram eni mani. Yumob kaman en dagat wanim yumob wandim. Yumob gin kaman en dringgim wain en milk, en yumob kaan gibit langa mi eni mani.

Nambas 18:7

Eran, oni yu en yu san olabat na, aibin meigim yumob jidan bos blanga dum ola wek langa det teibul blanga ofring en blanga det Brabli Seikridwan Rum. Oni yumob na bos blanga ol dislot ebrijing dumaji aibin gibit langa yumob dijan speshalwan wek jis laiga presen. Enibodi ai nomo bin pikimat kaan kaman langa detlot seikridwan ting. Wal if im kaman gulijap langa det Seikridwan Pleis wal im garra dai streidawei.” Lagijat na YAWEI bin tok.

Methyu 10:1

Brom deya Jisas bin majurrumap 12 wekinmen blanga im, en imbin gibit olabat pawa blanga andimwei nogudbala spirit brom insaid langa enibodi, en imbin gibit olabat pawa blanga meigim sikbala pipul gudbala brom olkain siknis.

Methyu 10:7

en yumob garra dalimbat olabat det gudnyus weya God wandim olabat blanga kaman langa im dumaji im bos blanga olabat.

Methyu 10:9

En yumob kaan garrimapbat enijing blanga det trip du. Yumob kaan garrimapbat mani en beig o speyawan shet o but o wokinstik, dumaji wen yu albumbat pipul, dei garra lukaftumbat yu.

Mak Bin Dalim Ola Stori Blanga Jisas 16:18

en if sneik baidim olabat wen dei holdim garram olabat bingga, det sneik kaan ardim olabat, en if dei dringgim poisinbala, wal im kaan poisinim olabat, en wen dei garra pudum olabat bingga langa sikbala pipul, God garra meigim olabat gudbala.” Lagijat na Jisas bin tok.

Luk Bin Dalim Ola Stori Blanga Jisas Langa Wan Jintail Men 10:9

En yumob garra meigim ola sikbala pipul langa det taun gudbala, en yumob garra dalim ola pipul deya. Yumob garra tok, ‘God wandim yumob blanga bulurrum im brabliwei.’ Lagijat na yumob garra tok.

Eks Hau Det Gudnyus Blanga Jisas Krais Bin Spredat Ebriweya 3:6

Bat Pida bin tok, “Mi nomo garram eni mani. Bat ai garra gibit yu wanim mi garram. Langa neim blanga Jisas Krais brom Nesareth, ai dalim yu blanga gidap en wok!”

Eks Hau Det Gudnyus Blanga Jisas Krais Bin Spredat Ebriweya 4:30

en yu garra shoum yu pawa blanga meigim sikbala pipul gudbala, en yu garra meigim melabat dumbat olkain speshalwan ting garram det neim blanga Jisas det brabliwan wekinmen blanga yu.” Lagijat na detlot bilibamob bin prei.