Methyu 10:5 - Kriol Baibul

^5-6 Wal Jisas bin majurrumap detlot 12 wekinmen, en imbin dalim olabat, “Yumob garra go ebriweya langa dijan kantri blanga ola Isreil pipul. Bat yumob kaan go langa det kantri gulum Sameriya en langa detlot najalot kantri. Yumob garra go langa ol detlot Isreil pipul hu nomo sabi God brabliwei,

Methyu 10:5 Iomraidhean Croise

Methyu 22:3

Det king bin askim sambala pipul blanga kaman langa det padi, en wen imbin taim blanga det padi, imbin jandim im wekinmen olabat blanga go en dalim olabat blanga kaman. Bat dei nomo bin wandi go langa det padi.

Methyu 4:15

“Det kantri blanga Sebyulan en det kantri blanga Neftali dubala jidan langa midul langa det Jodan Riba sanraiswei en det solwoda sangodanwei, en det mein roud im go thru Gelali weya loda Jintail pipul oldei jidan.

Mak Bin Dalim Ola Stori Blanga Jisas 6:7

Bambai na Jisas bin tok langa detlot twelbala wekinmen blanga im. Imbin tok, “Yumob garra go ebriweya dubala gija blanga titjimbat ola najalot pipul, en ai gibit yumob pawa blanga andimwei nogudbala spirit.

Luk Bin Dalim Ola Stori Blanga Jisas Langa Wan Jintail Men 10:1

Brom deya Jisas bin pikimat 72 men blanga go dubala gija, lida langa im ebriweya langa ol detlot taun weya imbin wandi go,

Luk Bin Dalim Ola Stori Blanga Jisas Langa Wan Jintail Men 10:33

“Bambai na wan men bin brom det kantri gulum Sameriya bin wokwok langa det seimwan roud. Im nomo bin kantrimen blanga det hafdedwan men seimwei laik det naja dubala. Bat wen imbin luk det men leidanbat deya, imbin fil sori blanga im,

Luk Bin Dalim Ola Stori Blanga Jisas Langa Wan Jintail Men 9:1

Bambai na Jisas bin jingat langa det twelbala wekinmen blanga im, en imbin tok, “Ai gibit yumob pawa blanga andimwei nogudbala spirit en blanga meigim sikbala pipul gudbala.

Luk Bin Dalim Ola Stori Blanga Jisas Langa Wan Jintail Men 9:2

En yumob garra go ebriweya na en dalimbat ola najalot pipul blanga bulurrum det nyubalawei blanga God.

Jon Bin Dalim Det Gudnyus Blanga Jisas Det San Blanga God 17:18

“Ai garra jandim detlot wekinmen main ebriweya langa dijan wel jis laik yubin jandim mi langa dijan wel.

Jon Bin Dalim Det Gudnyus Blanga Jisas Det San Blanga God 20:21

en wanmo Jisas bin dalim olabat, “Yumob garra jidan gudbinjiwei na. En ai jandim yumob blanga dum det wek jis laik main Dedi bin jandim mi blanga dum det wek.”

Jon Bin Dalim Det Gudnyus Blanga Jisas Det San Blanga God 4:20

Wal ola grengrenfatha blanga melabat bin oldei weship God iya langa dijan hil. Bat yumob Juwish pipul oldei tok wi garra weship God oni langa Jerusalem.”

Jon Bin Dalim Det Gudnyus Blanga Jisas Det San Blanga God 4:5

en deya na deibin kamat langa wan taun gulum Saika. Det taun nomo bin longwei brom det pedik weya Jeikob bin baiyim longtaim blanga im san Josef,

Jon Bin Dalim Det Gudnyus Blanga Jisas Det San Blanga God 4:9

Wal det gel bin tok, “Mi Sameriya gel, en yu Juwish men. Wal wotfo yu askim mi blanga woda?” Lagijat na det gel bin tok, dumaji ola Juwish pipul nomo oldei wandi joinin langa detlot pipul brom det kantri Sameriya.

Jon Bin Dalim Det Gudnyus Blanga Jisas Det San Blanga God 7:35

Wal wen Jisas bin tok lagijat, detlot pipul bin tok miselp, “Weya im garra go weya wi kaan faindim im? Wotfo imbin tok lagijat? Maitbi im garra go en titjimbat ol detlot Grik pipul deya langa detlot longweiwan kantri weya detlot najalot Juwish pipul jidan, dumaji imbin tok wi garra lukabat im. Bat wi kaan faindim im. En imbin tok wi kaan go langa det pleis weya im garra jidan.” Lagijat na detlot pipul bin tok.

Jon Bin Dalim Det Gudnyus Blanga Jisas Det San Blanga God 8:48

Wal wen Jisas bin tok lagijat, detlot pipul bin dalim im, “Trubala melabat bin tok yu brabli granggibala jis laik detlot pipul brom det kantri gulum Sameriya, en yu garram nogudbala spirit insaid langa yu du.”

Eks Hau Det Gudnyus Blanga Jisas Krais Bin Spredat Ebriweya 1:8

Bat ai dalim yumob. Wen im jandim det Holi Spirit langa yumob, det Holi Spirit garra gibit yumob pawa, en yumob garra dalimbat ola pipul ebriweya blanga mi. Yumob garra dalimbat ola pipul iya langa dijan taun Jerusalem en langa dijan kantri Judiya en langa det kantri gulum Sameriya en langa ebri kantri.”

Eks Hau Det Gudnyus Blanga Jisas Krais Bin Spredat Ebriweya 10:45

en det Holi Spirit bin meigim olabat tok garram olkain langgus, en deibin preisimbat God du. Wal detlot Juwish bilibamob hubin kaman brom Jopa garram Pida bin ol hatjamp wen deibin luk wanim bin hepin, dumaji God bin gibit im Holi Spirit langa detlot Jintail pipul. Wal Pida bin dalim detlot Juwish bilibamob.

Eks Hau Det Gudnyus Blanga Jisas Krais Bin Spredat Ebriweya 8:1

En det men neim Sol bin gudbinji weya deibin kilim im ded. Wal streidawei afta wen Stibin bin dai, ol detlot bilibamob deya langa Jerusalem bin stat abumbat brabli adtaim, dumaji Sol bin trai en stapam olabat blanga kipgon bulurrumbat Jisas. Imbin oldei go langa ebri haus blanga lukabat enibodi hubin bulurrum Jisas, en wen imbin faindim enibodi, imbin oldei grebum im en pudum im langa jeil. Lagijat na imbin oldei dum, dumaji imbin wandi stapam det tjetj langa Jerusalem. Wal ol detlot bilibamob bin ranawei ebriweya langa det dubala kantri gulum Judiya en Sameriya. Bat detlot speshalwan mishanri bin stap deya gin langa Jerusalem, en sambala men hubin bilib langa God bin kaman en gaburrumap det bodi blanga Stibin, en deibin ol krai blanga im detmatj.

Fes Thesaloniyans 2:16

en deibin trai en stapam melabat brom dalimbat det Gudnyus langa ola Jintail pipul. Dei nomo bin wandim melabat blanga dalim olabat det gudnyus weya garra seibum olabat. Wal detlot Juwish pipul bin kipgon dumbat det nogudbala ting raidap God bin nokap langa olabat, en imbin gitwail langa olabat brabliwei na.