Methyu 10:3 - Kriol Baibul

³ en Filip, Bathalamyu, Tamas en det men hubin oldei gajimbat ola teks mani neim Methyu, en Jeims det san blanga det olmen neim Elfiyas, en Thediyas en

Methyu 10:3 Iomraidhean Croise

Methyu 18:17

En if im stil kaan lisin langa yu, wal yu garra go en dalim ola pipul langa tjetj. En if im stil kaan lisin, wal yu garra tridim im jis laik im nomo yu kantrimen o jis laik im nogudbala men.

Methyu 27:56

En det mami blanga Jeims en Josef neim Meri, en det najawan wuman neim Meri Megdalin, en det waif blanga Sebadi, det thribala wuman na bin deya du lukinatbat Jisas wen imbin dai.

Methyu 9:9

Afta na Jisas bin gowei brom det pleis, en wen imbin wokwok, imbin luk wan men bin jidanbat langa det haus weya imbin oldei gajimbat ola teks mani blanga gabman. Det men bin neim Methyu, en Jisas bin dalim im, “Yu bulurrum mi.” En Methyu bin gidap, en imbin bulurrum Jisas.

Mak Bin Dalim Ola Stori Blanga Jisas 15:40

Wal sambala gel bin deya du wotjimbat brom lilbit longwei. Meri Megdalin en det mami blanga Jeims en Josef neim Meri en det najawan gel neim Salomi, deibin ol jandapbat deya wen Jisas bin dai.

Mak Bin Dalim Ola Stori Blanga Jisas 2:14

en wen imbin wokwok, imbin luk wan men neim Libai det san blanga Elfiyas bin jidanbat langa det haus weya imbin oldei gajimbat det teks mani blanga gabman. Wal Jisas bin go langa Libai, en imbin tok, “Yu bulurrum mi.” En Libai bin gidap, en imbin bulurrum Jisas.

Luk Bin Dalim Ola Stori Blanga Jisas Langa Wan Jintail Men 18:10

Langa detlot pipul na Jisas bin tok, “Wantaim dubala men bin go langa det Serramoni Pleis blanga ola Juwish pipul blanga prei. Det feswan men bin serramonimen gulum Ferasi, en det sekanwan men bin oldei gajimbat teks mani brom ola pipul blanga det gabman.

Luk Bin Dalim Ola Stori Blanga Jisas Langa Wan Jintail Men 18:11

“Wal det serramonimen bin go, en imbin jandap miselp, en imbin prei lagijat. Imbin tok, ‘God, ai gibit theingks langa yu, dumaji mi nomo wulijim det nogudwan men deya hu oldei gajimbat teks mani blanga det gabman. En ai gibit theingks langa yu, dumaji mi nomo gridiwan. Mi nomo stilimbat enijing. Mi nomo silip garram najamen waif. Mi nomo nogudbala wulijim ola najalot pipul.

Luk Bin Dalim Ola Stori Blanga Jisas Langa Wan Jintail Men 18:13

“Bat det sekanwan men bin jandap lilbit longwei, en imbin sheim blanga lukap langa hebin, en imbin hitim miselp, dumaji imbin sori blanga im nogudbalawei, en imbin tok, ‘God, yu sori langa mi, dumaji mi nogudbala.’ ”

Luk Bin Dalim Ola Stori Blanga Jisas Langa Wan Jintail Men 19:2

Wal wan boswan men bin deya hubin oldei gajimbat teks mani brom ola pipul blanga det gabman. Imbin neim Sekiyas, en imbin ritjmen du,

Luk Bin Dalim Ola Stori Blanga Jisas Langa Wan Jintail Men 5:27

Afta na Jisas bin gowei brom det haus, en imbin luk wan men neim Libai bin jidanbat deya langa det haus weya imbin oldei gajimbat mani blanga det gabman, en Jisas bin dalim im, “Yu bulurrum mi.”

Jon Bin Dalim Det Gudnyus Blanga Jisas Det San Blanga God 1:48

Wal Nathenyul bin askim Jisas na, “Hau yu sabi mi?” En Jisas bin tok, “Aibin luk yu deya wansaid langa det figtri bifo Filip bin jingat langa yu.”

Jon Bin Dalim Det Gudnyus Blanga Jisas Det San Blanga God 11:16

Wal det wekinmen blanga Jisas neim Tamas Didamas bin dalim detlot najalot wekinmen, “Kaman na. Wi garra go garram wi titja wulijim wi garra ol dai garram im.”

Jon Bin Dalim Det Gudnyus Blanga Jisas Det San Blanga God 14:22

Wal det wekinmen blanga Jisas neim Judas Thediyas bin askim Jisas, “Bos, wotfo yu garra shoum miselp langa melabat en nomo langa ebribodi langa dijan wel?”

Jon Bin Dalim Det Gudnyus Blanga Jisas Det San Blanga God 14:5

Wal det wekinmen blanga Jisas neim Tamas bin askim im, “Bos, melabat kaan sabi det wei, dumaji melabat nomo sabi weya yu garra go.”

Jon Bin Dalim Det Gudnyus Blanga Jisas Det San Blanga God 14:9

Wal Jisas bin dalim im, “Filip, brom longtaim aibin jidan garram yumob. Bat stil yu nomo sabi mi brabliwei, dumaji yubin dalim mi blanga shoum yu main Dedi. Bat ai dalim yu. Ebribodi hubin luk mi bin luk main Dedi du.

Eks Hau Det Gudnyus Blanga Jisas Krais Bin Spredat Ebriweya 1:13

en deibin go langa det kemp weya deibin oldei jidanbat, en deibin gowap langa det rum blanga olabat. Ol dislot men na bin deya, Pida, Jon, Jeims, Endru, Filip, Tamas, Bathalamyu, Methyu, Jeims det san blanga Elfiyas, Saiman Peitriyat, en Judas det san blanga najawan Jeims.

Eks Hau Det Gudnyus Blanga Jisas Krais Bin Spredat Ebriweya 12:17

en imbin gibit olabat sain garram im bingga blanga jidan kwait, en imbin dalim olabat hau det Bos bin deigimat im brom det jeil, en wen imbin binij det stori, imbin tok, “Yumob garra go en dalim dijan stori langa Jeims det braja blanga Jisas en langa ola najalot bilibamob.” En wen imbin binij tok langa olabat, imbin gowei langa najawan kantri.

Eks Hau Det Gudnyus Blanga Jisas Krais Bin Spredat Ebriweya 15:13

en wen dubala bin binij toktok, det braja blanga Jisas neim Jeims bin tok langa detlot bilibamob deya langa det miting pleis. Imbin tok, “Main braja olabat, yumob irrim mi na.

Eks Hau Det Gudnyus Blanga Jisas Krais Bin Spredat Ebriweya 21:18

Neksdei melabat bin go langa Jeims, en ola tjetj lidamob bin deya du.

Galeishans 1:19

en ai nomo bin luk ol detlot najalot speshalwan mishanri. Aibin luk oni Jeims det braja blanga Jisas Krais det Bos blanga wi.

Galeishans 2:9

Wal ola pipul bin reken det thribala men neim Jeims en Pida en Jon bin jidan boswan haibala lida. Wen det thribala men bin sabi det trubala God bin gibit mi det speshalwan wek, wal deibin sheikhen langa minbala Banabas blanga shoum ebribodi melabat ol wanbala, en melabat bin ol agri gija blanga minbala garra wek garram ola Jintail pipul en olabat garra wek garram ola Juwish pipul.

Jeims 1:1

1 Orait, mi na Jeims, en mi wekinmen blanga God en blanga Jisas Krais det Boswan. En mi raidimbat dijan leda langa ola Kristjan pipul langa ebri kantri, en mi tok gudei langa main Kristjan braja en sista olabat.

Jud Det Leda Blanga Gibit Woning Blanga Laiyawan Titja 1:1

Orait, mi na Jud, en mi wekinmen blanga Jisas Krais, en main braja im neim Jeims. Wal mi raidimbat dijan leda langa ol yumob pipul weya God bin pikimat yumob blanga jidan Kristjan pipul. Wi Dedi God im laigim yumob brabli, en Jisas Krais im oldei maindimbat yumob,