Methyu 10:27 - Kriol Baibul

²⁷ en ebrijing ai dalim yumob naitaim kwaitbalawei, yumob garra dalimbat ola pipul deitaim adbalawei. En ebrijing ai dalim yumob insaid langa haus, yumob garra dalimbat ola pipul atsaid langa det haus.

Methyu 10:27 Iomraidhean Croise

Aisaiya 22:1

Wal aibin kipgon tok, “Wal dijan na det mesij blanga Jerusalem. Wanim bin hepin iya? Wotfo yumob abumbat padi ontop langa det fletwan ruf langa yumob haus?

Methyu 24:17

If enibodi jidanbat atsaid langa im haus, wal im kaan gowin insaid langa det haus blanga gajim enijing blanga im. Im garra ranawei streidawei brom deya gin.

Luk Bin Dalim Ola Stori Blanga Jisas Langa Wan Jintail Men 12:3

En enijing yumob tok snikinwei naitaim garra kamat langa opin, en ebribodi garra irrim wanim yubin tok, en enijing yumob tok kwaitwei insaid langa haus garra kamat laudwan atsaid brom det haus.

Luk Bin Dalim Ola Stori Blanga Jisas Langa Wan Jintail Men 8:10

en Jisas bin dalim olabat, “God garra meigim yumob sabi det nyubalawei blanga kaman langa im. Bat detlot najalot pipul kaan sabi. En ai garra oldei tok langa olabat garram detkain stori, dumaji dei garra irrim det trubala wed. Bat dei kaan sabi det wed. En dei garra lukabat det wei langa God. Bat dei kaan faindim det wei.

Jon Bin Dalim Det Gudnyus Blanga Jisas Det San Blanga God 16:1

Wal Jisas bin kipgon tok, “Wal aibin dalim yumob tharran wulijim yumob kaan tenawei brom mi weya yumob bilib langa mi, dumaji dei garra andimwei yumob brom ola Juwish Miting Pleis,

Jon Bin Dalim Det Gudnyus Blanga Jisas Det San Blanga God 16:13

Bat wen det Holi Spirit weya oldei dalim yumob det trubala wed garra kaman, im garra meigim yumob sabi ebrijing. Bat im kaan dalim yumob im ronwan wed. Im garra dalim yumob wanim im irrimbat brom mi, en im garra dalim yumob blanga detlot ting weya garra hepin bambai,

Jon Bin Dalim Det Gudnyus Blanga Jisas Det San Blanga God 16:25

Jisas bin kipgon tok, “Aibin yusum olkain stori blanga dalim yumob ol dislot ting. Bat det taim garra kaman wen ai kaan yusum olkain stori blanga tok langa yumob. Ai garra jis dalim yumob streidat blanga main Dedi.

Jon Bin Dalim Det Gudnyus Blanga Jisas Det San Blanga God 16:29

Wal wen Jisas bin tok lagijat langa im wekinmen olabat, deibin dalim im, “Melabat sabi na yu sabi ebrijing, dumaji nobodi bin askim yu enijing. Bat stil yubin sabi wanim melabat bin jinggabat, en yubin tok streidat langa melabat. En tharran na meigim melabat bilib yubin kaman brom God.”

Eks Hau Det Gudnyus Blanga Jisas Krais Bin Spredat Ebriweya 17:17

Wal imbin go langa det Juwish Miting Pleis, en imbin tok langa detlot Juwish pipul en langa detlot Jintail pipul hubin weship God. Ebridei imbin oldei go langa midul langa det taun weya ola pipul bin oldei hipap, en imbin oldei tok langa enibodi.

Eks Hau Det Gudnyus Blanga Jisas Krais Bin Spredat Ebriweya 5:20

“Yumob gobek langa det Serramoni Pleis, en deya na yumob garra dalimbat ola pipul det gudnyus blanga det nyubalawei blanga laif.”

Eks Hau Det Gudnyus Blanga Jisas Krais Bin Spredat Ebriweya 5:28

“Melabat bin gibit yumob woning, en melabat bin dalim yumob nomo blanga tok langa enibodi blanga det men neim Jisas. Bat yumob nomo bin duwit langa melabat. Yumob bin kipgon spredimatbat det stori ebriweya langa dijan taun, en yumob bin kipgon pudum det bleim langa melabat blanga det men weya imbin dai.”

Sekan Karinthiyans 3:12

Wal wen melabat oldei dalimbat pipul blanga det gudnyus blanga Jisas Krais, melabat oldei tok strongbalawei nomo garram sheim, dumaji melabat sabi det nyubala lowa jidan olagijawan.