Methyu 10:2 - Kriol Baibul

² Wal iya na ola neim blanga detlot 12 wekinmen weya Jisas bin meigim olabat speshalwan mishanri blanga im. Olabat neim Saiman Pida en im braja Endru, en det dubala san neim Jeims en Jon blanga det olmen neim Sebadi,

Methyu 10:2 Iomraidhean Croise

Methyu 17:1

Bambai na wanwiktaim Jisas bin deigim im thribala wekinmen neim Pida, Jeims en Jon. Deibin go ontop langa wan haibala hil, en deya na deibin jidan miselp, en detlot thribala wekinmen bin lukinatbat Jisas tjeinj.

Methyu 20:20

Brom deya det waif blanga det olmen neim Sebadi bin kaman langa Jisas garram im dubala san neim Jeims en Jon. Imbin nildan lida langa Jisas blanga askimbat im blanga samting,

Methyu 26:37

Wal Jisas bin deigim Pida en det dubala san blanga Sebadi, en deibin go lilbit longwei, en Jisas bin stat filim miselp nogudbinji na, en imbin brabli apset,

Methyu 4:18

Brom deya Jisas bin go wokabat wansaid langa Leik Gelali, en deya na imbin luk dubala braja gija neim Saiman Pida en Endru. Dubala bin gajimbat fish garram fishnet, dumaji dubala bin fishamen.

Methyu 4:21

Brom deya Jisas bin kipgon, en bambai imbin faindim dubala braja gija neim Jeims en Jon. Dubala bin deya insaid langa bout meigimbat ola fishnet redi blanga fishing, en dubala dedi neim Sebadi bin deya langa det bout du. Wal Jisas bin jingat langa dubala blanga bulurrum im,

Mak Bin Dalim Ola Stori Blanga Jisas 1:29

Wal Jisas bin gowei brom det Juwish Miting Pleis garram det fobala wekinmen blanga im neim Saiman, Endru, Jeims en Jon. Deibin go langa det kemp blanga Saiman en Endru,

Mak Bin Dalim Ola Stori Blanga Jisas 13:3

Brom deya Jisas en im wekinmen olabat bin go langa det hil gulum Olib, en deibin jidanbat deya, en deibin lukinatbat det Serramoni Pleis brom det hil na. Wal det fobala wekinmen blanga Jisas neim Pida, Jeims, Jon en Endru bin kaman miselp, en deibin askimbat Jisas blanga detlot ston,

Mak Bin Dalim Ola Stori Blanga Jisas 6:30

Bambai na ol detlot speshalwan mishanri blanga Jisas bin kambek langa im, en deibin dalim im blanga ol detlot ting weya olabat bin dumbat en blanga ebrijing weya olabat bin titjimbat langa detlot pipul ebriweya weya deibin go.

Luk Bin Dalim Ola Stori Blanga Jisas Langa Wan Jintail Men 11:49

“Wal God bin sabi yumob grengrenfatha olabat garra kilimbat ded detlot speshalwan mesinja blanga im, dumaji longtaim langa oltestaman imbin tok, ‘Ai garra jandim ol detlot speshalwan mesinja en speshalwan mishanri langa detlot pipul, en detlot pipul garra kilim sambala ded en gibit sambala adtaim.’

Luk Bin Dalim Ola Stori Blanga Jisas Langa Wan Jintail Men 22:14

Wal wen det rait taim bin kaman blanga abum det Pasoba sapa, Jisas en detlot speshalwan mishanri olabat bin go langa det haus, en imbin jidan langa det rum garram ol detlot,

Luk Bin Dalim Ola Stori Blanga Jisas Langa Wan Jintail Men 22:8

Wal Jisas bin dalim det dubala wekinmen blanga im neim Pida en Jon blanga go lida en meigim ebrijing redi blanga det Pasoba sapa blanga olabat.

Luk Bin Dalim Ola Stori Blanga Jisas Langa Wan Jintail Men 5:10

En det dubala meit blanga Saiman neim Jeims en Jon det dubala san blanga Sebadi, bin tok lagijat seimwei du. Wal Jisas bin dalim Saiman, “Yu nomo bradin. Brom tudei na yumob garra libum dijan fishingbat. Yumob kaan gajimbat fish. Yumob garra gajimbat pipul, dumaji yumob garra wek blanga God en meigimbat pipul sabi im.”

Luk Bin Dalim Ola Stori Blanga Jisas Langa Wan Jintail Men 9:10

Bambai na wen detlot twelbala speshalwan mishanri blanga Jisas bin kambek langa im, deibin dalim im blanga ol detlot ting weya deibin dumbat, en afta imbin wandi go garram olabat langa det taun gulum Bethsaida.

Jon Bin Dalim Det Gudnyus Blanga Jisas Det San Blanga God 12:22

Wal Filip bin go en imbin dalim Endru det najawan wekinmen blanga Jisas, en dubala mijamet bin go langa Jisas, en dubala bin dalim im detlot Grik pipul bin wandi luk langa im.

Jon Bin Dalim Det Gudnyus Blanga Jisas Det San Blanga God 13:23

Wal det wekinmen weya Jisas bin laigim brabliwei bin deya wansaid langa im,

Jon Bin Dalim Det Gudnyus Blanga Jisas Det San Blanga God 20:2

Wal streidawei Meri bin ranawei brom det keib, en imbin go en dalim Saiman Pida en det najawan wekinmen weya Jisas bin laigim brabliwei. Imbin tok, “Deibin deigidawei det bodi blanga wi Bos brom det keib, en wi nomo sabi weya deibin pudum det bodi.”

Jon Bin Dalim Det Gudnyus Blanga Jisas Det San Blanga God 21:20

Wal Pida bin tenaran, en imbin luk det najawan wekinmen weya Jisas bin laigim brabliwei. Imbin det wekinmen hubin jidan wansaid langa Jisas wen deibin abum det laswan sapa, en im na bin askim Jisas hu garra hendimoba im langa detlot pipul hu garra kilim im ded langa det kros.

Jon Bin Dalim Det Gudnyus Blanga Jisas Det San Blanga God 21:24

Wal det wekinmen na bin dalimbat ola pipul blanga detlot ting weya Jisas bin dumbat, en im na bin raidimdan ol detlot stori iya langa dijan buk, en wi holot sabi ol detlot ting weya imbin tok im trubala.

Jon Bin Dalim Det Gudnyus Blanga Jisas Det San Blanga God 6:67

Wal Jisas bin askim detlot twelbala wekinmen blanga im na, “Wotabat yumob? Yumob wandi gowei du?”

Jon Bin Dalim Det Gudnyus Blanga Jisas Det San Blanga God 6:70

Wal Jisas bin dalim detlot wekinmen blanga im, “Mi na bin pikimat yumob twelbala. Bat wanbala deya langa yumob im bulurrum det boswan dibuldibul.”

Jon Bin Dalim Det Gudnyus Blanga Jisas Det San Blanga God 6:71

Wal wen Jisas bin tok lagijat, imbin tok blanga Judas det san blanga Saiman Askeriyat, dumaji nomeda Judas bin brom det twelbala wekinmen blanga Jisas, bat stil im garra hendimoba Jisas langa detlot pipul hu garra kilim im ded bambai.

Jon Bin Dalim Det Gudnyus Blanga Jisas Det San Blanga God 6:8

Wal det najawan wekinmen blanga Jisas neim Endru det braja blanga Saiman Pida bin tok, “Wan yangboi iya im garram dubala lilwan fish en faibala lilwan damba weya deibin meigim garram det sid daga gulum bali. Bat im nomo naf blanga fidim ol dislot pipul iya.”

Eks Hau Det Gudnyus Blanga Jisas Krais Bin Spredat Ebriweya 1:13

en deibin go langa det kemp weya deibin oldei jidanbat, en deibin gowap langa det rum blanga olabat. Ol dislot men na bin deya, Pida, Jon, Jeims, Endru, Filip, Tamas, Bathalamyu, Methyu, Jeims det san blanga Elfiyas, Saiman Peitriyat, en Judas det san blanga najawan Jeims.

Eks Hau Det Gudnyus Blanga Jisas Krais Bin Spredat Ebriweya 1:26

Afta na wen deibin binij prei, deibin pudum dubala neim langa dubala lilwan ston, en wen deibin tjakam det dubala ston, det ston garram det neim blanga Mathaiyas bin kamat fes, en deibin pikimat im na blanga jidan speshalwan mishanri garram detlot najalot lebenbala speshalwan mishanri.

Eks Hau Det Gudnyus Blanga Jisas Krais Bin Spredat Ebriweya 12:2

en imbin kadimof det hed blanga Jeims det braja blanga det mishanri neim Jon.

Eks Hau Det Gudnyus Blanga Jisas Krais Bin Spredat Ebriweya 3:1

Wal wandei afta dina wen imbin taim blanga go langa det Serramoni Pleis blanga prei, det dubala mishanri neim Pida en Jon bin go du.

Fes Karinthiyans 15:7

En afta wen imbin shoum miselp langa detlot bigismob pipul, imbin shoum miselp langa im braja Jeims, en afta imbin shoum miselp langa ola najalot speshalwan mishanri blanga im.

Ifishans 4:11

Wal Jisas Krais na bin gibit pawa langa im ronwan pipul olabat blanga dum im wek. Im pikimat wujan pipul im garra meigim jidan speshalwan mishanri, en wujan pipul garra jidan speshalwan mesinja, en wujan pipul garra dalimbat det Gudnyus langa ebribodi, en wujan pipul garra lukaftumbat ola Kristjan pipul en titjimbat olabat.

Hibrus 3:1

Wal main Kristjan braja en sista olabat, God bin pikimat yumob, en yumob garra oldei jinggabat Jisas, dumaji God bin jandim im langa wi, en imbin meigim im jidan Boswan haibala serramonimen blanga det nyubalawei weya wi bilib.

Fes Pida 1:1

Orait, mi na Pida, en mi speshalwan mishanri blanga Jisas Krais. En mi raidimbat dijan leda langa ol yumob Kristjan pipul hu jidan jis laiga streinja ebriweya langa detlot kantri gulum Pantas, Galeisha, Kepadoshiya, Eisha en Bithiniya. God det Dedi blanga wi bin pikimat yumob, dumaji imbin abum im ronwan plen blanga yumob, en det Holi Spirit bin kadimat yumob blanga meigim yumob jidan blanga God, dumaji God bin wandim yumob garra lisin en duwit langa Jisas Krais, en imbin wandim det blad blanga Jisas Krais garra meigim yumob klin brom yumob nogudbalawei. Wal God garra brabli kainbala langa yumob en meigim yumob jidan brabli gudbalawei.

Sekan Pida 1:1

Orait, mi na Saiman Pida, en mi wekinmen blanga Jisas Krais, en mi na speshalwan mishanri blanga im. Wal mi raidimdan dijan leda langa ol yumob pipul hu bilib langa Jisas Krais. Im na det God blanga wi hu oldei dum wanim rait en hubin seibum wi, en imbin meigim yumob bilib langa imselp seimwei laik melabat bilib langa im.

Sekan Jon 1:1

Orait, mi na det olmen Jon, en mi raidimdan dijan leda langa ol yumob Kristjan pipul weya God bin pikimat deya langa det tjetj weya yumob jidan. Wal yumob jinggabat olgamen garram loda biginini. Det tjetj blanga yumob im jis laik det olgamen na, en yumob jidan jis laik ola biginini blanga det olgamen. En ai laigim yumob brabliwei, en ol detlot pipul hu sabi det trubalawan wed blanga God laigim yumob brabliwei du.

Thed Jon 1:1

Orait, mi na det olmen Jon, en mi raidimbat dijan leda langa main gudfren neim Gaiyas. Prayer Wal main gudfren, mi laigim yu brabliwei, en ai sabi det filing insaid langa yu laif im jidan strongbala, en mi oldei askim God blanga meigim yu jidan strongbala langa yu bodi du, en mi oldei askim im blanga meigim ebrijing jidan gudwei blanga yu.

Rebaleishan 1:1

Wal dijan na stori blanga Jisas Krais wanim imbin shoum langa im wekinmen. God bin dalim Jisas blanga shoum ola Kristjan pipul wanim garra hepin bambai, en Jisas bin dalimbat dijan stori na garram im einjul. Imbin jandim det einjul langa det wekinmen blanga im neim Jon,

Rebaleishan 1:9

Wal mi na, Jon, mi braja blanga yumob. Wi ol meit gija langa olkain trabul weya kaman langa wi, dumaji wi bilib langa Jisas Krais. Nomeda trabul kaman langa wi, bat stil wi garra go thru langa detlot trabul en nomo slekap, dumaji Jisas Krais im Bos blanga wi. Wal mi jidan prisana iya langa dijan lilwan ailin gulum Petmos. Deibin pudum mi iya, dumaji aibin oldei tokabat God wed en dalimbat ola pipul det gudnyus blanga Jisas Krais.

Rebaleishan 18:20

Wal ol detlot pipul langa hebin garra jingat brabli gudbinjiwei na. Ola Kristjan pipul, ola speshalwan mishanri en ola speshalwan mesinja blanga God, ol detlot na garra brabli gudbinji, dumaji God bin panishim det nogudbala taun Bebalon na. Imbin panishim det Bebalon hubin oldei ardimbat olabat.

Rebaleishan 22:8

Wal mi na, Jon, en aibin lisin dislot wed, en aibin luk ol dislot ting. En wen aibin lisin en luk, aibin buldan langa det einjul fut blanga weship im, dumaji imbin shoum dislot ting langa mi.