Methyu 10:19 - Kriol Baibul

^19-20 Bat yumob kaan wori blanga wanim yumob garra tok, dumaji det Holi Spirit brom yumob Dedi langa hebin garra dalim yumob wanim blanga tok.

Methyu 10:19 Iomraidhean Croise

Eksadas 4:12

Wal yu garra go, en ai garra album yu en dalim yu wanim blanga tok.”

Eksadas 4:15

Wal ai garra jandim yunbala mijamet, en yu garra dalim im wanim blanga tok, en ai garra album yunbala tok. En ai garra dalim yunbala wanim yunbala garra dum du.

Jeramaiya 1:7

Bat YAWEI bin tok langa mi, “Yu nomo tok lagijat. Mi jis laik yangboi, dumaji ai garra jandim yu deya langa detlot pipul en yu garra dalim olabat ebrijing wanim aibin dalim yu blanga tok.

Jeramaiya 1:9

Afta na YAWEI bin tatjim main mawus garram im bingga, en imbin tok langa mi, “Wal yu irrim mi. Ai gibit yu detlot wed en det pawa blanga tok langa ola pipul langa ebri kantri.

Methyu 10:18

Lagijat na dei garra dum langa yumob, dumaji yumob bilib langa mi. En yumob garra dalimbat det gudnyus langa olabat en langa ola Jintail pipul du.

Methyu 6:25

“Yumob sabi na? Yu kaan oldei wori en jinggabat weya yu garra faindim daga blanga dagadagat, en yu kaan oldei wori en jinggabat weya yu garra faindim klos blanga werrimon, dumaji God nomo bin gibit yu laif jis blanga dagat daga, en im nomo bin gibit yu bodi jis blanga werrimonbat klos.

Methyu 6:31

“Wal yu kaan wori blanga daga en dringk en klos. Yu kaan oldei jinggabat wanim yu garra dagadagat en dringgimbat en werrimbat, dumaji wen yu oldei wori blanga enijing, yu meigim detlot enijing bos blanga yu.

Methyu 6:34

“Wal yu kaan wori blanga najawan dei, dumaji wi sabi wi garra abum trabul langa det najawan dei, en yu nomo wandi weistimbat taim tudei jinggabat det trabul weya yu garra abum tumorro.

Luk Bin Dalim Ola Stori Blanga Jisas Langa Wan Jintail Men 12:11

“Wal yumob irrim mi na. Wen dei deigim yumob eniweya langa serramonimen o gabman bos blanga kotimbat yumob, wal yumob kaan wori blanga wanim yumob garra tok, dumaji wen im taim blanga yumob blanga tok, det Holi Spirit na garra dalim yumob wanim yumob garra tok.” Lagijat na Jisas bin tok langa im wekinmen olabat.

Eks Hau Det Gudnyus Blanga Jisas Krais Bin Spredat Ebriweya 6:10

Bat det Holi Spirit bin meigim Stibin tok sabibalawei, en detlot men nomo bin sabi hau dei garra tok,

Falipiyans 4:6

Wal yumob kaan wori blanga enijing, dumaji if yumob wandim enijing, yumob garra oldei prei langa God en askimbat im, en wen yumob prei, yumob garra oldei gibit theingks langa im,

Sekan Timathi 4:17

Imbin deya garram mi olataim, en imbin meigim mi jandap strongbala, en imbin meigim mi dalimbat det gudnyus brabliwei langa ol detlot Jintail pipul deya, en im nomo bin larram olabat kilim mi ded wen deibin jadjim mi.

Jeims 1:5

En wen yumob nomo sabi wanim yumob garra du, wal yumob garra askim God blanga shoum yumob, dumaji im na gin shoum yumob en meigim yumob sabi. Im kaan gitwail langa yumob wen yumob askim im. Im oldei shoum ebribodi wen dei askim im, dumaji im nomo gridiwan en im nomo wandi kipum det ensa brom yumob.