Methyu 10:18 - Kriol Baibul

¹⁸ Lagijat na dei garra dum langa yumob, dumaji yumob bilib langa mi. En yumob garra dalimbat det gudnyus langa olabat en langa ola Jintail pipul du.

Methyu 10:18 Iomraidhean Croise

Ola Saam 119:46

Ai garra dalim ola bigwan bos detlot lowa blanga yu, en ai kaan sheim blanga tharran.

Methyu 10:17

Yumob garra wotjim miselp, dumaji sambala men garra grebum yumob en dei garra beldimbat yumob langa olabat miting pleis, en dei garra deigim yumob langa kot en meigim yumob jandap lida langa ola haibala men en gabman bos.

Methyu 10:19

Bat yumob kaan wori blanga wanim yumob garra tok, dumaji det Holi Spirit brom yumob Dedi langa hebin garra dalim yumob wanim blanga tok.

Methyu 8:4

en Jisas bin dalim im, “Yu nomo dalim enibodi. Yu go streit langa det serramonimen en shoum miselp langa im. Yu garra larram im luk yu basdam, en afta yu garra abum det serramoni weya God bin gibit langa Mosis blanga meigim yuselp fri wulijim ola pipul garra sabi yu gudwan.” Lagijat na Jisas bin tok.

Mak Bin Dalim Ola Stori Blanga Jisas 13:9

“Wal yumob garra wotjim miselp, dumaji dei garra grebum yumob en deigim yumob langa kot, en dei garra beldimbat yumob langa ola Juwish Miting Pleis, en dei garra meigim yumob jandap lida langa ola haibala men en gabman bos. Dei garra dum lagijat langa yumob, dumaji yumob bilib langa mi, en yumob garra dalimbat olabat det gudnyus,

Sekan Timathi 1:8

Wal yu kaan sheim blanga dalimbat enibodi det gudnyus blanga Jisas Krais det Bos blanga yunmi, en yu kaan sheim blanga mi du weya mi jidan prisana iya langa dijan jeil, dumaji aibin dalimbat det gudnyus blanga Jisas Krais, en blanga tharran na mi jidan prisana. Wal yu kaan sheim blanga diskain trabul weya mi garram, dumaji yu garra abum trabul brom dalimbat det gudnyus du. En nomeda yu abum det trabul, bat stil God garra meigim yu strongbala blanga album yu go thru langa det trabul.

Rebaleishan 1:9

Wal mi na, Jon, mi braja blanga yumob. Wi ol meit gija langa olkain trabul weya kaman langa wi, dumaji wi bilib langa Jisas Krais. Nomeda trabul kaman langa wi, bat stil wi garra go thru langa detlot trabul en nomo slekap, dumaji Jisas Krais im Bos blanga wi. Wal mi jidan prisana iya langa dijan lilwan ailin gulum Petmos. Deibin pudum mi iya, dumaji aibin oldei tokabat God wed en dalimbat ola pipul det gudnyus blanga Jisas Krais.

Rebaleishan 11:7

Wal wen det dubala witnis garra binij dalimbat det wed blanga God, wanbala najakain enimul garra kamat brom det dipwan hol blanga fait langa dubala, en im garra bidim dubala. Im garra binijimap dubala,

Rebaleishan 6:9

Brom deya det yangwan ship bin deigimat det namba 5 bush gam brom det rolapwan peipa, en aibin luk wan teibul blanga ofring. Andanith langa det teibul aibin luk ola spirit blanga detlot pipul hubin gitkil, dumaji deibin spredimat det gudnyus blanga God. Deibin sabi dei garra gitkil. Bat dei nomo bin slekap. Deibin kipgon dalimbat ebribodi det gudnyus blanga God, en blanga tharran na detlot pipul bin binijimap olabat.