Methyu 10:16 - Kriol Baibul

¹⁶ “Yumob irrim mi na. Ai garra jandim yumob langa deinjawan pleis. Im jis laik weya ship go langa det pleis weya ola wailwan dog jidan. Wal yumob garra wotjim miselp jis laiga klebabala sneik. Bat yumob kaan jidan jigibala. Yumob garra jidan kwaitbalawan jis laik det bard gulum dab.

Methyu 10:16 Iomraidhean Croise

Jenasis 3:1

Wal wen YAWEI det trubala God bin meigim ola enimul, wanbala deya bin brabli trikiwan. Imbin brabli klebawan langa ola najalot enimul. Tharran na im det sneik. Wal bambai na det sneik bin go langa det wuman, en imbin tok, “Yu reken God bin dalim yunbala nomo blanga abum daga brom eni tri langa dijan gadin?”

Jenasis 3:13

Wal YAWEI bin askim det wuman na, “Wotfo yubin dum lagijat?” Wal det wuman bin pudum bleim langa det sneik. Imbin tok, “Det sneik bin temtim mi blanga dagat det daga.”

Niyamaiya 4:13

Blanga tharran na aibin pudum ola femili mijamet garram olabat spiya en bigwan naif biyain langa ola lowan en opinwan pleis blanga det wol weya dei nomo bin binij bildimapbat.

Jeramaiya 40:16

Bat Gedalaiya bin dalim Jonanan, “Yu nomo dum tharran. Wanim yubin toktokbat blanga Ishmeil im nomo trubala.”

Hoseiya 7:11

Ol detlot Isreil pipul bin go en askim ola Ijip pipul blanga album olabat, en afta deibin go en askim ola Asiriya pipul blanga album olabat du. Olabat jidan jis laiga lilwan bard weya im flaiflai eniwei, dumaji dei go eniwei lukabat sambodi blanga album olabat. Bat dei nomo kaman langa mi.

Methyu 24:25

“Wal yumob garra wotjim miselp, dumaji mi dalimbat yumob ebrijing bifo det taim garra kaman.

Methyu 24:45

“Yumob jinggabat na. Wotkain wekinmen im gudwan en klebawan? Wen det bos blanga det haus gowei, im pikimat wanbala wekinmen blanga jidan bos langa ola najalot wekinmen en blanga lukaftum olabat,

Methyu 25:2

Wal faibala gel bin siliwan, en faibala gel bin klebabalawan.

Methyu 25:4

Detlot klebabalawan gel bin deigim blendibala speyawan oil blanga olabat lemp.

Methyu 25:9

Wal detlot klebabalawan gel bin tok, ‘Nomo. Melabat nomo garra naf blanga gibit langa yumob. Yumob go langa shop en baiyim yumob ron oil.’

Luk Bin Dalim Ola Stori Blanga Jisas Langa Wan Jintail Men 10:3

En yumob garra go en dalimbat olabat du. “Wal ai garra jandim yumob langa deinjawan pleis. Im jis laik weya lilwan kidikidi go langa det pleis weya ola wailwan dog jidanbat.

Eks Hau Det Gudnyus Blanga Jisas Krais Bin Spredat Ebriweya 20:29

en ai sabi afta wen ai gowei, sambala nogudbala pipul garra kaman, en dei garra deigidawei sambala bilibamob brom yumob.

Fes Karinthiyans 14:20

Wal main braja en sista olabat, yumob kaan kipgon jinggabat langa yumob main seimwei laiga lilwan biginini. Yumob garra growap en yusum yumob main gudbalawei seimwei laik big pipul. Bat langa ola nogudbala ting, yumob garra jidan jis laiga lilwan beibi weya nomo sabi hau blanga dumbat nogudbala ting.

Sekan Karinthiyans 1:12

Wal melabat brabli gudbinji, dumaji det filing blanga melabat shoum melabat trubala melabat bin oldei jidan gudbalawei jis laik weya God bin wandim melabat blanga jidan. En det filing blanga melabat shoum melabat trubala melabat bin oldei tridim yumob brabli gudbalawei jis laik weya God bin wandim melabat blanga dum. Melabat nomo bin trikim yumob en dum nogudbala ting langa yumob. Yumob sabi? Melabat nomo bulurrum det wei blanga dijan wel hau pipul oldei jinggabat. Melabat oldei bulurrum det wei blanga God weya im oldei brabli kainbala langa melabat.

Sekan Karinthiyans 11:14

Wal wi kaan hatjamp blanga tharran, dumaji Seitin du gin tenim miselp en meigim miselp luk jis laiga einjul.

Sekan Karinthiyans 11:3

Yumob sabi? Seitin bin trikim det gel neim Ib garram laiyawan wed, en imbin deigidawei im. En mi bradin maitbi im garra meigim yumob jinggabat rongwei en deigidawei yumob en meigim yumob nomo laigim Jisas Krais en nomo bulurrum im.

Sekan Karinthiyans 8:20

Wal loda pipul bin gibit bigmob mani blanga dijan ofring, en melabat garra hendulum det mani brabli gudbalawei, dumaji melabat nomo wandim enibodi garra agamin blanga det mani,

Falipiyans 2:15

Yumob garra dum ebrijing gudbalawei en meigim miselp jidan nomo garram enijing rong. Yumob garra jidan brabli gudbala pipul blanga God, dumaji dijan wel weya wi jidan im garram olkain nogudbala pipul hu oldei dumbat nogudbala ting, en yumob garra jidan jis laiga lait blanga olabat. Yumob garra jidan jis laik ola sta weya shain langa skai,

Kaloshans 1:9

Wal brom det taim weya minbala bin irrim det wed blanga yumob raidap tudei minbala bin oldei prei blanga yumob, en minbala oldei askimbat God blanga meigim det Holi Spirit blanga im shoum yumob wanim im wandim yumob blanga dum, en minbala oldei askim im blanga meigim yumob sabi wanim im wandim brabliwei.

Kaloshans 4:5

En yumob garra oldei jinggabat brabliwei hau yumob oldei tridimbat detlot pipul hu nomo bilib. Yumob nomo wandi weistimbat taim, dumaji yumob garra tok gudbalawei langa detkain pipul blanga meigim olabat jinggabat Jisas Krais, en yumob garra sabi hau blanga gibit olabat det raitwan ensa wen dei askimbat yumob kwestjan.

Fes Thesaloniyans 2:10

Wal yumob witnis blanga melabat jis laik God im witnis blanga melabat weya melabat bin jidan gudbalawei garram yumob hu bilib langa im. Melabat bin jidan raitwei nomo garram enijing rong,

Fes Thesaloniyans 5:22

Bat if det wed im nogudwan, wal yumob kaan teiknodis en duwit langa det wed.