Methyu 1:8 - Kriol Baibul

⁸ Jehosafet bin dedi blanga Jehoram, en Jehoram bin dedi blanga Yusaiya.

Methyu 1:8 Iomraidhean Croise

Fes Kings 15:24

King Asa bin dai en deibin berrim im bodi wansaid langa im femilimob greib deya langa Jerusalem, en im san Jehosafet bin jidan det nyuwan king.

Sekan Kings 14:21

Afta na ola pipul brom Juda bin meigim im san Yusaiya jidan det nyuwan king en imbin oni 16 yiya ol.

Sekan Kings 3:1

Wal Jehosafet bin jidan king blanga Juda blanga 18 yiya en langa det namba 18 yiya Joram det san blanga Eiheb bin jidan det nyuwan king blanga Isreil. Joram bin jidan boswan langa Sameriya blanga 12 yiya.

Sekan Kings 8:16

Wal langa det namba 5 yiya wen Joram hubin det san blanga Eiheb bin jidan det king blanga Isreil, Jehoram det san blanga Jehosafet bin jidan det nyuwan king blanga Juda.

Sekan Kranakuls 21:1

Wal King Jehosafet bin dai en deibin berrim im bodi deya langa det greibyad blanga ola king langa Jerusalem, det taun blanga Deibid. En im san Jehoram bin jidan det nyuwan king.

Methyu 1:7

Salaman bin dedi blanga Reiyabowam, en Reiyabowam bin dedi blanga Abaija. Abaija bin dedi blanga Eisa, en Eisa bin dedi blanga Jehosafet.

Methyu 1:9

Yusaiya bin dedi blanga Jotham, en Jotham bin dedi blanga Eihes, en Eihes bin dedi blanga Hesakaiya.