Methyu 1:6 - Kriol Baibul

⁶ Jesi bin dedi blanga King Deibid. Wal Deibid bin dedi blanga Salaman, en det mami blanga Salaman bin merrit langa Yuraiya bifo imbin merrit langa Deibid.

Methyu 1:6 Iomraidhean Croise

Sekan Semyul 11:3

Wal King Deibid bin jandim im mesinja blanga faindat hu det gel, en det mesinja bin faindat det gel bin neim Bethsheba, en im dedi bin neim Eliyam. En imbin faindat det gel bin merrit langa wan Hitait men neim Yuraiya.

Sekan Semyul 23:1

Wal Jeikob det grengrenfatha blanga ola Isreil pipul bin oldei bulurrum YAWEI det trubala God. En YAWEI na bin pikimat Deibid det san blanga Jesi blanga jidan king blanga detlot pipul. Imbin meigim Deibid brabli haibala, en King Deibid bin oldei faindim brabli gudwan song blanga gibit langa ola Isreil pipul. Wal dijan na det laswan wed weya King Deibid bin gibit langa ola Isreil pipul.

Sekan Semyul 23:39

en Yuraiya brom det traib gulum Hitait. Wal det namba blanga ola nambawan solja weya King Deibid bin abum bin 37.

Fes Kings 15:5

Deibid bin oldei dum wanim YAWEI bin oldei dalim im blanga dum en imbin oldei teiknodis langa im. Bat oni det wan taim Deibid nomo bin teiknodis langa YAWEI en tharran bin wen imbin dum det nogudbala ting langa Yuraiya det Hitait men.

Fes Kranakuls 14:4

Wal iya na ola neim blanga detlot bigininimob weya imbin abum langa Jerusalem, Shamuwa, Shobab, Neithan, Salaman, Aiba, Ilaishuwa, Elpelet, Noga, Nefeg, Jeifiya, Ilaishama, Beliyada en Elifalet.

Fes Kranakuls 28:5

Wal imbin gibit mi loda san na, en brom detlot imbin pikimat Salaman blanga jidan king blanga ola Isreil pipul hu jidan blanga YAWEI.

Fes Kranakuls 3:5

en imbin abum mowa san deya, en deibin neim Shimiya, Shobab, Neithan en Salaman. En det mami blanga olabat bin Bethsheba, en imbin doda blanga Amiyel. En Deibid bin abum naja nainbala mowa san, en deibin neim Aiba, Ilaishuwa, Elpelet, Noga, Nefeg, Jeifiya, Ilaishama, Eliyada en Elifalet. En King Deibid bin abum mowa san igin brom im najalot waif. Imbin abum wanbala doda du en imbin neim Teima.

Ola Saam 72:20

Dijan na det laswanpat blanga ola preya weya Deibid det san blanga Jesi bin prei.

Aisaiya 11:1

Wal aibin kipgon tok, “Jis laik wen sambodi kadimdan tri en detlot bushis kamat brom det draiwan wadi, wal wandei sambodi garra jidan king brom King Deibid femili lain.

Methyu 1:5

Selman bin dedi blanga Bowes, en det mami blanga Bowes bin neim Reiheb. Bowes bin dedi blanga Obed, en Obed bin dedi blanga Jesi.

Romans 8:3

Wal det lowa weya God bin gibit langa Mosis nomo bin abum det pawa blanga bidim det nogudbalawei, dumaji det filing blanga wi bin wikwan. Bat God bin jandim im ronwan San blanga bidim det nogudbalawei. Imbin kaman garram det seimkain filing jis laik wi garram, en thru im na God bin bidim det nogudbalawei insaid langa wi.

Ruth 4:22

en Obed bin dedi blanga Jesi, en Jesi bin dedi blanga King Deibid. Binij na.

Fes Semyul 16:1

Bambai na YAWEI det trubala God bin dalim Semyul, “Wotfo yu oldei sori blanga King Sol? Aibin tenawei brom im, en ai kaan larram im jidan king blanga ola Isreil pipul. Wal yu gajim det botul garram oliboil, en yu go langa det men neim Jesi deya langa det taun gulum Bethlahem, dumaji aibin pikimat wanbala san blanga im blanga jidan king.” Lagijat na God bin tok.

Fes Semyul 17:12

Wal ebri ailibala en ebri aftanun det bigwan Filastain men neim Galaiyath bin oldei jandapbat deya en jinginatbat langa ola Isreil solja. Imbin dumbat lagijat fo 40 dei. Wal thribala Isreil solja deya bin bigwan san blanga det olmen neim Jesi. Det olmen bin brom det femili gulum Efrath deya langa Bethlahem, en imbin abum eitbala san.

Fes Semyul 17:58

en King Sol bin tok, “Yangmen, hu yu dedi?” Wal Deibid bin tok, “Main dedi im det wekinmen blanga yu neim Jesi, en im jidan deya langa Bethlahem.”

Fes Semyul 22:8

en maitbi blanga tharran na yumob meigimbat plen blanga trikimbat mi. Wotfo yumob nomo bin dalim mi main san Jonathan bin meigim pramis garram Deibid. Yumob nomo bin jinggabat mi. Yumob nomo bin dalim mi main san bin meigim plen garram Deibid blanga weidabat det rait taim blanga kilim mi ded.” Lagijat na King Sol bin tok.