Methyu 1:3 - Kriol Baibul

³ en Juda bin dedi blanga Peres en Sera, en det mami blanga Peres en Sera bin neim Teima. Peres bin dedi blanga Hesran, en Hesran bin dedi blanga Rem.

Methyu 1:3 Iomraidhean Croise

Jenasis 38:11

Afta na Juda bin dalim Teima det lambarra blanga im, “Yu gobek langa yu dedi kemp en jidan deya raidap main boi Shela growap bigwan. Bambai yunbala garra merrit.” Lagijat na Juda bin tok, dumaji imbin bradin Shela mait dai seimwei laik det naja dubala san blanga im bin dai. Wal det gel bin lisin langa Juda, en imbin gobek langa im dedi kemp.

Jenasis 38:6

Bambai na detlot lilboi bin ol growap, en Juda bin faindim waif blanga det feswan san blanga im. Det gel bin neim Teima.

Jenasis 46:12

Jeikob bin deigim Juda det najawan san blanga im garram im thribala boi neim Shela, Peres en Sera. Det dubala eldiswan boi blanga im neim Yura en Onan bin dai langa det kantri Keinan basdam. Peres bin abum dubala boi neim Hesran en Heimul, en Jeikob bin deigim det dubala grensan blanga Juda du.

Fes Kranakuls 4:1

Wal Juda bin abum faibala san neim Peres, Hesran, Kamai, Huwa, en Shobal.

Methyu 1:2

Eibrahem bin dedi blanga Aisik, en Aisik bin dedi blanga Jeikob, en Jeikob bin dedi blanga Juda,

Methyu 1:4

Rem bin dedi blanga Aminadeb, en Aminadeb bin dedi blanga Neishan, en Neishan bin dedi blanga Selman.

Luk Bin Dalim Ola Stori Blanga Jisas Langa Wan Jintail Men 3:33

en Neishan bin san blanga Aminadeb, en Aminadeb bin san blanga Edmin, en Edmin bin san blanga Anai, en Anai bin san blanga Hesran, en Hesran bin san blanga Peres, en Peres bin san blanga Juda,