Methyu 1:12 - Kriol Baibul

¹² Wal det taim na wen Jehoiyakin en im braja olabat bin jidan laibala, det king blanga det kantri gulum Bebalon bin deigidawei ola Juwish pipul brom olabat ron kantri, en imbin meigim olabat jidan prisana langa im kantri. Wal Jehoiyakin bin dedi blanga Shiyaltiyel, en Shiyaltiyel bin dedi blanga Serababal.

Methyu 1:12 Iomraidhean Croise

Sekan Kings 24:14

King Nebakanesa bin deigimwei bigmob pipul prisana langa im ronwan kantri en imbin deigim ola san en doda blanga det king en ola boswan lidamob en ol detlot pipul hubin sabi hau blanga meigim difrindifrin ting, bat oni ola powan pipul imbin libum langa Juda.

Sekan Kings 25:27

Wal langa det yiya wen Ibalmeradak bin jidan det nyuwan king blanga Bebalon, imbin kain langa King Jehoiyakin blanga Juda en imbin larramgo im brom det jeil. Dijan na bin langa det namba 27 dei blanga det namba 12 manth langa det namba 37 yiya brom det taim wen King Nebakanesa bin pudum im langa det jeil.

Fes Kranakuls 3:17

Dijan na ola femili lain blanga King Jehoiyakin hu detlot Bebalon pipul bin deigimwei prisana. Jehoiyakin bin abum sebenbala san neim Shiyaltiyel,

Esra 3:2

En Joshuwa, det san blanga Jehosadek, en ol detlot serramonimen blanga im, en Serababal, det san blanga Shiyaltiyel, garram im femili olabat, bin bildimap det teibul blanga ofring blanga barnim ola sekrifais serramoni blanga det trubala God blanga ola Isreil pipul, jis laik im tok langa det lowa blanga Mosis det men blanga God.

Esra 5:2

Wal wen Serababal det san blanga Shiyaltiyel en Joshuwa det san blanga Jehosadek bin irrim det wed brom det dubala speshalwan mesinja, dubala bin stat bildimapbat igin det Serramoni Pleis garram ola najalot pipul, en det dubala speshalwan mesinja bin album olabat du.

Niyamaiya 12:1

Wal dislot na ola serramonimen en ola Libaimen hubin kambek garram Serababal det san blanga Shiyaltiyel en Joshuwa det haibala serramonimen brom det kantri weya deibin jidan prisana. Ola serramonimen bin Seraiya, Jeramaiya, Esra, Amaraiya, Melak, Hetash, Shekanaiya, Reiyam, Meremoth, Ido, Ginathoi, Abaija, Mijamin, Meidaiya, Bilga, Shemaiya, Joiyarib, Jedaiya, Salu, Emak, Hilkaiya en Jedaiya. Dislot men bin jidan bos blanga ola serramonimen langa det taim wen Joshuwa bin jidan det haibala serramonimen.

Jeramaiya 22:24

Wal YAWEI bin tok langa King Jehoiyakin, hubin det san blanga King Jehoiyakim brom Juda. Imbin tok, “Trubala ai dalim yu. Nomeda if yubin det speshalwan ring weya mi oldei werrimon langa main bingga blanga shoum mi na det king, ai garra stil deigimat det ring en gibit langa yu enami.

Jeramaiya 22:28

Aibin tok, “King Jehoiyakin jidan jis laik det breikinwan botul weya olabat tjakidawei, en nobodi nomo wandim yusum im enimo. Blanga tharran na, im en im bigininimob garra go langa najawan pleis langa det kantri weya olabat nomo sabi.

Jeramaiya 22:30

‘Dijan men im garra abum panishmen en lujim im bigininimob, en im kaan neba jidan gudwei. Im kaan abum eni biginini hu garra jidan king langa Juda.’ Lagijat na YAWEI bin tok.”

Hegai 1:1

Wal YAWEI det trubala God bin gibit wed langa dubala men neim Serababal en Joshuwa. Det men Serababal bin bos blanga Juda, en im dedi bin neim Shiyaltiyel. Det men Joshuwa bin det boswan haibala serramonimen, en im dedi bin neim Jehosadek. Wal God bin gibit det wed langa dubala thru langa det speshalwan mesinja blanga im neim Hegai, God bin gibit im det wed langa det namba 2 yiya wen Daraiyas bin jidan king langa det kantri gulum Pesha. Langa det feswan dei blanga det namba 6 manth det wed bin kamat langa Hegai.

Hegai 1:12

Wal wen Serababal en Joshuwa en ol detlot pipul hubin kambek garram dubala brom Bebalon bin ol irrim det wed weya Hegai det speshalwan mesinja bin dalim olabat, deibin ol duwit langa im, dumaji YAWEI det trubala God blanga olabat bin jandim im langa olabat garram det wed, en deibin dum wanim God bin wandim olabat blanga dum, dumaji deibin ol bradin langa im.

Hegai 1:14

Afta na YAWEI bin meigim Serababal en Joshuwa en ol detlot pipul brabli strongbala blanga wek langa det Serramoni Pleis blanga im, en langa det namba 24 dei blanga det namba 6 manth deibin stat bildimap det Serramoni Pleis blanga YAWEI det haibala boswan God blanga olabat.

Hegai 2:23

“Wal Serababal, yu na main wekinmen, en langa det taim na ai garra gajim yu en meigim yu jidan bos blanga ol detlot pipul main, en ai garra gibit yu pawa, dumaji aibin pikimat yu na.” Lagijat na YAWEI bin tok. Binij na.

Methyu 1:11

Josaiya bin dedi blanga Jehoiyakin en im braja olabat.

Methyu 1:13

Serababal bin dedi blanga Ebaiyad, en Ebaiyad bin dedi blanga Eliyakim, en Eliyakim bin dedi blanga Eisowa.

Methyu 1:17

Wal ol detlot grengrenfathamob blanga Jisas, 14 dedi bin bulurrum miselp brom Eibrahem raidap langa Deibid, en 14 dedi bin bulurrum miselp brom Deibid raidap det taim wen olabat bin gowei prisana langa Bebalon, en 14 dedi bin bulurrum miselp brom det prisanataim raidap det taim wen Jisas Krais bin bon.

Luk Bin Dalim Ola Stori Blanga Jisas Langa Wan Jintail Men 3:27

en Joda bin san blanga Jowenan, en Jowenan bin san blanga Risa, en Risa bin san blanga Serababal, en Serababal bin san blanga Shiyaltiyel, en Shiyaltiyel bin san blanga Nerai,