Methyu 1:10 - Kriol Baibul

¹⁰ Hesakaiya bin dedi blanga Manesa, en Manesa bin dedi blanga Eman, en Eman bin dedi blanga Josaiya.

Methyu 1:10 Iomraidhean Croise

Fes Kings 13:2

Wal YAWEI bin dalim det speshalwan mesinja blanga tok nogudbala wed langa det teibul blanga ofring. Imbin tok, “Teibul blanga ofring! Teibul blanga ofring! YAWEI tok langa yu, ‘Det femili blanga Deibid garra abum san neim Josaiya. En im garra kilim ded ol detlot serramonimen hu jidan wekinmen blanga dumbat sekrifais ontop langa yu, en im garra barnim olabat boun deya ontop langa yu igin.’ Lagijat na YAWEI bin tok.”

Sekan Kranakuls 32:33

Wen King Hesakaiya bin dai deibin berrim im bodi langa det pleis weya dei berrim ola king. En ebribodi deya langa Juda en Jerusalem bin preisim im brabliwei. Im san Manesa bin jidan det nyuwan king na.

Methyu 1:11

Josaiya bin dedi blanga Jehoiyakin en im braja olabat.

Methyu 1:9

Yusaiya bin dedi blanga Jotham, en Jotham bin dedi blanga Eihes, en Eihes bin dedi blanga Hesakaiya.