Methyu 1:1 - Kriol Baibul

¹ Orait, dijan stori im blanga Jisas Krais det grengrensan blanga det Juwish king neim Deibid hubin grengrensan blanga Eibrahem. Wal iya ola neim blanga Jisas grengrenfatha olabat. Im stat brom Eibrahem.

Methyu 1:1 Iomraidhean Croise

Jenasis 12:3

En if enibodi tridim yu nogudbalawei, wal ai garra peiyimbek im nogudbalawei. En if enibodi gudbala langa yu, wal ai garra peiyimbek im gudbalawei. En garram yu na ai garra meigim ola traib langa ebri kantri brabli gudbinji.” Lagijat na God bin tok.

Jenasis 2:4

Yuwai. Lagijat na ebrijing bin kamat.

Jenasis 22:18

en brom yu biginini olabat ai garra meigim ola najalot traib ebriweya brabli gudbinji. Ai garra dum lagijat dumaji yubin lisin langa mi en yubin dum wanim aibin dalim yu blanga dum.’ Lagijat na God bin tok.”

Jenasis 5:1

Wal iya na ola neim blanga ola biginini blanga Edam. Wen God bin meigim pipul, imbin meigim olabat laik imselp.

Ola Saam 132:11

Yubin meigim brabli strongwan pramis langa Deibid, en yu garra oldei kipum det pramis. “Ai garra oldei meigim wan san blanga yu femili lain jidan king.

Ola Saam 89:3

Yubin tok, “Aibin meigim strongwan pramis garram det men aibin pikimat. Aibin pramisim main wekinmen Deibid dijan.

Ola Saam 89:36

Im femili lain garra kipgon olagijawan. En ai garra oldei maindimbat det kantri weya im jidan bos wulijim det san weya im oldei shain olataim.

Aisaiya 11:1

Wal aibin kipgon tok, “Jis laik wen sambodi kadimdan tri en detlot bushis kamat brom det draiwan wadi, wal wandei sambodi garra jidan king brom King Deibid femili lain.

Aisaiya 53:8

Olabat bin gajulum im en deigim im blanga dai, dumaji nobodi bin gibit im feyago. Nobodi bin jinggabat wanim garra hepin langa im. Nobodi bin sabi imbin gibit im laif blanga det brabli nogudbalawei blanga melabat.

Jeramaiya 23:5

“Wal det taim im kaminap na, wen ai garra pikimat wanbala gudbala king brom detlot biginini blanga Deibid. Det king garra jidan brabli klebawan bos, en im garra dum ebrijing raitwei en gibit ebribodi feyago langa dijan kantri.

Jeramaiya 33:26

En lagijat na aibin dum, en ai garra kipum main strongbala pramis langa Jeikob bigininimob, en langa main wekinmen Deibid. Ai garra olweis pikimat wanbala brom Deibid femili blanga jidan king oba langa detlot bigininimob blanga Eibrahem, Aisik en Jeikob. Ai garra kain langa main pipul olabat, en ai garra meigim olabat jidan brabli gudbalawei igin.” Lagijat na YAWEI bin tok.

Eimos 9:11

YAWEI bin tok langa im pipul Isreil. Imbin tok, “Bambai det dei garra kaman wen ai garra album yumob dumaji wen yumob garra abum bigwan fait yumob garra jidan wulijim det haus weya yumob enamimob garra nokamdan. En nomeda ola enamimob garra bidim yumob, bat stil ai garra meigim yumob jidan brabli strongbala pipul igin wulijim longtaim wen Deibid bin jidan king, ola Isreil pipul bin jidan brabli strongbala pipul.

Sekaraiya 12:8

Langa det dei ai garra kipum detlot Jerusalem pipul seif. Ai garra meigim detlot brabli wikwan pipul strongbala laik Deibid bin jidan. En detlot boswan brom det femili lain blanga Deibid garra go lida langa olabat, jis laik det einjul blanga mi bin go lida langa olabat grengrenfatha olabat langa det bush kantri longtaim wen aibin lukaftum olabat.

Methyu 1:18

Wal det yanggel neim Meri bin pramis langa Josef. Bat bifo dubala bin merrit, det Holi Spirit bin gibit im beibi.

Methyu 1:2

Eibrahem bin dedi blanga Aisik, en Aisik bin dedi blanga Jeikob, en Jeikob bin dedi blanga Juda,

Methyu 15:22

Wal wan olgamen brom det traib gulum Keinanait bin oldei jidan langa det kantri, en imbin kaman langa Jisas, en imbin jingat langa im, “Grengrensan blanga Deibid! Bos, yu album mi, dumaji dibuldibul jidan insaid langa main doda en imbin meigimbat main doda brabli nogud.”

Methyu 3:16

en imbin beptaisim im, en wen Jisas bin kamat brom det woda, det skai bin opinap, en Jisas bin luk det Holi Spirit bin kamdan langa im jis laiga dab,

Methyu 9:27

Afta na Jisas bin gowei brom det pleis, en wen imbin wokwok langa roud, dubala blainwan men bin bulurrum im biyain, en dubala bin jingat langa im, “Grengrensan blanga Deibid! Yu sori langa minbala en meigim minbala gudbala!”

Luk Bin Dalim Ola Stori Blanga Jisas Langa Wan Jintail Men 1:33

en im garra lidimbat ola pipul langa Isreil olagija, en im garra jidan Bos olagijawan.”

Jon Bin Dalim Det Gudnyus Blanga Jisas Det San Blanga God 7:42

en wi sabi det Masaiya kaan kaman brom det kantri, dumaji langa oltestaman im tok, ‘Det Boswan gulum Masaiya garra jidan grengrensan blanga King Deibid, en im garra bon langa det lilwan taun gulum Bethlahem weya King Deibid bin jidan.’ ”

Eks Hau Det Gudnyus Blanga Jisas Krais Bin Spredat Ebriweya 2:30

“Yu si? Deibid bin speshalwan mesinja, en imbin sabi wanim God bin pramis langa im. God bin dalim im wanbala king garra kamat brom im femili lain,

Romans 1:3

en det gudnyus na im blanga Jisas Krais det San blanga God en det Bos blanga wi. Wal nomeda Jisas Krais bin God San, bat stil imbin kaman laik wi, en imbin kaman brom det femili lain blanga King Deibid,

Romans 4:13

Wal Eibrahem im wi dedi, en God bin pramisim Eibrahem en im femili olabat blanga gibit ola kantri langa im. Wal Eibrahem bin bulurrum det lowa blanga God. Bat God nomo bin meigim det pramis langa Eibrahem blanga tharran. Nomo. God bin meigim det pramis langa Eibrahem dumaji Eibrahem bin jidan raitwei langa im. En Eibrahem bin jidan raitwei langa God, dumaji imbin bilib langa im.

Romans 9:5

en ol detlot Isreil pipul bin ol kamat brom detlot thribala speshalwan men neim Eibrahem en Aisik en Jeikob, en brom detlot Isreil pipul na Jisas Krais bin kaman. En wi garra preisimbat God ebridei olagijawan. Trubala.

Galeishans 3:16

Wal yumob jinggabat na. God bin gibit det pramis langa Eibrahem en langa im grensan. Yu si? Langa oltestaman imbin tok, “langa im grensan”. Im nomo bin tok, “langa im grensan olabat”. Im nomo bin tok blanga bigmob pipul. Imbin oni tok blanga wanbala grensan. En det grensan na im Jisas Krais.

Fes Timathi 2:5

en oni wanbala deya gin meigim God en ola pipul jidan mijamet, en det men na im neim Jisas Krais.

Sekan Timathi 2:8

En yu garra oldei jinggabat im, dumaji im na bin gidap laibala brom dedbala, en im na det speshalwan grengrensan blanga King Deibid. Wal tharran na det gudnyus weya aibin oldei dalimbat ola pipul,

Rebaleishan 22:16

Jisas bin tok, “Mi na Jisas, en aibin jandim main einjul blanga dalim dislot wed langa ola Kristjan pipul. Mi na femili blanga det speshalwan men neim King Deibid. Im main ful rileishan, en dei gulum mi det Braitwan Moningsta.”