Melakai 4:2 - Kriol Baibul

² Bat yumob pipul hu rispek mi, wal ai kaan dum lagijat langa yumob. Langa det dei ai garra seibum yumob strongbalawei jis laik det san weya im shain strongbalawei. Ai garra meigim yumob gudbinji en strongbala, jis laik detlot enimul weya dei jamparan gudbinjiwei.

Melakai 4:2 Iomraidhean Croise

Sekan Semyul 23:4

wal det king na jidan jis laik det san weya gidap ailibala en shain brabli braitwan langa det skai nomo garram eni klaud, en im jidan jis laik det san weya oldei meigim ola gras gro afta wen im rein.’

Ola Saam 103:3

Wen mi dum nogud ting, im oldei larramgo mi fri. Wen mi git sik, im oldei meigim mi gudwan igin.

Ola Saam 147:3

Detlot pipul hu jidan brabli nogudbinji, im meigim olabat jidan gudbinji igin, en im taiyimap olabat sowa garram bendij.

Ola Saam 61:5

God, yubin irrim main pramis, en yubin gibit mi wanim yubin gibit langa ol detlot pipul hu oldei rispek langa yu.

Ola Saam 67:1

God, yu sori langa melabat, en yu dum ola gudbala ting blanga melabat. Yu garra luk langa melabat garram yu shainiwan feis,

Ola Saam 84:11

YAWEI, det trubala God oldei maindimbat wi en im wi bos. Im brabli kainbala langa wi en im rispek wi. Langa ol detlot pipul hu dumbat rait ting, im nomo nokambek eni gudwan ting.

Ola Saam 85:9

Trubala, im oldei redi blanga seibum ol detlot hu oldei shoum rispek langa im, en im garra oldei jidan iya langa wi kantri du.

Prabebs 4:18

“Wal det wei blanga ola gudbala pipul im jis laik det san wen im gidap ailibala en im kipgon meigim ebrijing mowa braitwan.

Aisaiya 30:26

Afta tharran YAWEI garra kain langa im pipul olabat hu imbin oldei ardimbat, en im garra meigim gudwan detlot sowa. En im garra meigim det mun shain wulijim det san, en det san garra shain mowa braitwan. Im garra jidan brabli strongwan lait.”

Aisaiya 35:6

En ol detlot pipul hubin jidan leimbala, garra jamparan ebriweya, wulijim det enimul gulum diya. Detlot pipul hubin abum nogudwan tang, garra jingat gija. Woda garra randan thru langa det deset kantri.

Aisaiya 49:6

Wal YAWEI bin dalim mi na, “Im nomo naf blanga mi if yu oni jidan main wekinmen. Yu nomo oni garra bringimbek detlot Isreil pipul hu stil jidan laibala. Aibin pudum yu iya blanga shain wulijim lait blanga ola najalot pipul. Yu garra deigim main pawa weya gin seibumbat ebribodi langa dijan wel.”

Aisaiya 50:10

“Ol yumob pipul hu rispek langa YAWEI en dum wanim im wekinmen oldei dalim yumob blanga dum, nomeda yumob wokwokbat langa dakbala roud nomo garram lait, yumob kipgon trastimbat det neim blanga YAWEI det trubala God blanga yumob.

Aisaiya 53:5

Dumaji blanga melabat nogudbalawei deibin beldim im, en gibit im loda pein langa im bodi. Imbin deigim det panishmen blanga melabat en imbin meigim melabat jidan brabli gudbalawei.

Aisaiya 9:2

Detlot pipul hubin oldei wok langa dakbala pleis, bin luk brabli braitwan lait. En det lait bin shain langa ebribodi hu jidan langa det kantri langa brabli dakbala pleis.

Jeramaiya 17:14

Wal aibin kipgon tok, “YAWEI, yu pudum yu bingga langa mi en meigim mi strongbala. Yu seibum mi brom main enami, en ai garra jidan seifwan. Dumaji oni langa yu na ai garra preisimbat.

Jeramaiya 30:17

Ai garra meigim yumob jidan brabli gudwan na, en ai garra meigim yumob sowa gudwan igin, nomeda yumob enamimob oldei toktokbat, ‘Saiyan im nomo gudwan. Nobodi nomo wori blanga im.’ Bat mi na YAWEI bin tok dijan.”

Jeramaiya 33:6

Bat bambai ai garra meigim dijan taun en ola pipul jidan gudwan igin. Ai garra shoum olabat hau blanga jidan gudwei en seifwan.

Isikiyel 47:12

“Ola frut tri garra gro olawei langa dubala beingksaid blanga dijan riba en dei garra abum detmatj gudwan frut daga ebri manth. Detlot bushis kaan neba draiyap, dumaji olabat garra abum loda woda brom det krik weya im kamat brom det Serramoni Pleis. En detlot lif brom ola tri garra meigim ola pipul brabli gudbala.” Lagijat na det men bin tok.

Hoseiya 6:1

Wal ola pipul bin tok, “Wal kaman na. Wi garra gobek langa YAWEI det trubala God blanga wi. Nomeda imbin panishim wi, bat stil im garra meigim wi gudbala. En nomeda imbin ardim wi, bat stil im garra album wi.

Hoseiya 6:3

Wi nomo sabi im na. Bat wi garra trai en teiknodis langa im. En wi sabi im garra kaman en album wi jis laik wi sabi det san oldei gidap en det rein oldei wodarimbat det graun.” Lagijat na detlot pipul bin tok.

Melakai 3:16

Wal mi na Melakai bin tok, “Bat detlot pipul hu rispek det bos tok gija gudwei. YAWEI bin irrim olabat en imbin teiknodis langa wanim deibin tok. En imbin dalim im wekinmen olabat langa hebin blanga raidimdan olabat neim langa det buk, detlot neim blanga ol detlot pipul hu rispek im en hu jinggabat im.”

Methyu 11:5

Yumob dalim im ol detlot blain pipul gin luk na, en ol detlot leimbala pipul gin wok na, en detlot pipul hubin abum leprasi olabat gudbala na, en ola defwan pipul gin lisin na, en detlot dedbala pipul bin gidap laibala na, en ol detlot po pipul bin lisin det gudnyus blanga God.

Methyu 23:37

Afta na Jisas bin tok, “Jerusalem! Ol yumob pipul langa Jerusalem! Yumob oldei kilimbat ola speshalwan mesinja blanga God! Yumob oldei stonimbat detlot Speshalwan Men weya God bin jandim langa yumob! Lodataim aibin wandi majurrumap ol yumob pipul langa mi jis laik det mamiwan jukjuk oldei majurrumap ola biginini blanga im. Bat yumob nomo bin larram mi majurrumap yumob!

Luk Bin Dalim Ola Stori Blanga Jisas Langa Wan Jintail Men 1:50

en im brabli kainbala langa ol detlot pipul brom ebri jinareishan hu rispek im.

Luk Bin Dalim Ola Stori Blanga Jisas Langa Wan Jintail Men 1:78

Wal detlot pipul hu nomo garram lait kaan luk det roud weya dei garra pudum olabat fut, en dei garra dai. Bat God garra gibit det lait brom hebin blanga shoum olabat det roud wulijim dei garra jidan laibala olagijawan.” Lagijat na Sekaraiya bin tok.

Luk Bin Dalim Ola Stori Blanga Jisas Langa Wan Jintail Men 2:32

Im garra meigim ola kantrimen blanga Isreil jidan haibala, en im garra shoum ol detlot najalot pipul wanim yu wandim olabat blanga dumbat.” Lagijat na det olmen bin tok.

Jon Bin Dalim Det Gudnyus Blanga Jisas Det San Blanga God 1:14

Yumob sabi na? Det Wed bin meigim miselp jis laik wi, en imbin kaman en jidan langa melabat, en imbin brabli kainbala langa melabat, en imbin shoum melabat det trubalawei, en melabat bin luk imbin brabli haibala, en imbin brabli haibala dumaji imbin det ronwan San blanga God.

Jon Bin Dalim Det Gudnyus Blanga Jisas Det San Blanga God 1:4

en det Wed na bin abum det pawa blanga gibitbat laif, en det laif na bin det lait blanga ebribodi,

Jon Bin Dalim Det Gudnyus Blanga Jisas Det San Blanga God 1:8

Wal Jon nomo det lait. Imbin kaman blanga dalimbat pipul blanga det lait,

Jon Bin Dalim Det Gudnyus Blanga Jisas Det San Blanga God 12:40

Dei nomo bin bilib, dumaji “God bin meigim olabat jidan blainwan wulijim dei kaan luk, en imbin meigim olabat nomo jinggabat gudwei wulijim dei kaan sabi, en imbin meigim olabat jidan lagijat wulijim dei kaan go langa im blanga meigim olabat gudbala.”

Jon Bin Dalim Det Gudnyus Blanga Jisas Det San Blanga God 8:12

Afta na Jisas bin tok langa ol detlot pipul deya langa det Serramoni Pleis, en detlot serramonimen gulum Ferasi bin deya du. Wal Jisas bin tok, “Mi na det lait blanga ebribodi, en wen enibodi bulurrum mi, im kaan jidan langa dakbala na, dumaji im garram det lait weya gibit im laif.”

Jon Bin Dalim Det Gudnyus Blanga Jisas Det San Blanga God 9:4

“Yu si? Wen mi jidan iya langa dijan kantri garram yumob, im jis laik deitaim wen pipul oldei dumbat wek, en wi garra dumbat ol detlot wek blanga God hubin jandim mi, dumaji det taim garra kaman weya im garra go dakbala, en nobodi kaan dum det wek blanga God.

Eks Hau Det Gudnyus Blanga Jisas Krais Bin Spredat Ebriweya 13:26

“Wal main kantrimen olabat, en ol yumob Jintail pipul iya hu weship God, yumob lisin langa mi na. God bin jandim langa wi det wed blanga det men neim Jisas hu garra seibum im pipul olabat.

Eks Hau Det Gudnyus Blanga Jisas Krais Bin Spredat Ebriweya 13:47

Wal minbala garra gowei brom yumob en go langa detlot Jintail pipul na, dumaji det Boswan bin gibit minbala det oda. ‘Aibin meigim yu jidan jis laiga lait blanga ola Jintail pipul, en ai garra yusum yu blanga seibum pipul brom ebri kantri.’ ”

Eks Hau Det Gudnyus Blanga Jisas Krais Bin Spredat Ebriweya 26:18

Yu garra meigim olabat tenim miselp brom det pawa blanga det boswan dibuldibul en go langa God, en wen dei bilib langa mi, ai garra larramgo olabat fri brom ola nogudbala ting weya deibin dumbat, en ai garra meigim olabat jidan main ronwan pipul olabat.’ Lagijat na God bin tok langa mi.

Sekan Thesaloniyans 1:3

Wal main braja en sista olabat, melabat oldei gibit theingks langa God blanga yumob. Ebridei yumob trastim Jisas Krais mowa strongbalawei, en ebridei yumob laigim ola braja en sista blanga yumob mowa strongbalawei du. En blanga tharran na melabat garra oldei gibit theingks langa God.

Sekan Pida 1:19

Yumob sabi? Wi sabi detlot wed weya ola speshalwan mesinja blanga God bin gibit wi, en wi sabi detlot wed brabli trubalawan du, en yumob garra teiknodis langa detlot wed, dumaji detlot wed jidan jis laiga lait weya shain langa dakbala, en detlot wed garra shoum yumob det wei blanga bulurrum Jisas Krais raidap det taim weya im garra kambek en shain langa yumob laif. Im garra shain langa yumob jis laiga moningsta weya im shain.

Sekan Pida 3:18

Yumob garra oldei wotjimbat miselp, en yumob garra kipgon sabi Jisas Krais mowa en mowa. Im na det Bos blanga wi hubin seibum wi, en yumob garra kipgon jidanbat wulijim im garra jidan brabli kain langa yumob mowa en mowa. Wal brom tudei na wi garra preisim Jisas Krais olagijawan, dumaji det brabli shainiwan lait nomo jidan blanga enibodi. Oni blanga im na. Trubala dijan mi dalim yumob. Binij na.

Fes Jon 2:8

Wal nomeda wi sabi det wed brom longtaim, det wed im nyubala dumaji yumob bin luk det wed, im trubala langa det laif blanga Jisas Krais en langa yumob ron laif. En yumob sabi det wed im trubala, dumaji det brabli lait shain langa yumob, en det dakbala im goweigowei brom yumob na.

Rebaleishan 11:18

Detlot pipul langa ola kantri bin brabli wail langa yu. Bat yubin gitwail langa olabat du. En det taim bin kaman na. Ol detlot dedbala pipul garra kaman langa yu, en yu garra jadjim olabat. Yu garra gudbinji langa yu pipul olabat. Detlot speshalwan mesinja hubin wek blanga yu, en ol detlot pipul hubin bulurrumbat yu olawei, ol detlot Kristjan pipul hu weship langa yu, nomeda olabat bigwan o lilwan, wal langa ol detlot na yu garra gudbinji blanga olabat en gibit olabat gudwan enijing. Langa detlot najalot pipul hubin meigim dijan kantri nogud, yu garra panishim olabat. Ol detlot nogudbala pipul na yu garra binijimap olabat.” Lagijat na detlot olmen bin tok.

Rebaleishan 2:28

En ai garra gibit olabat det moning sta.

Rebaleishan 22:16

Jisas bin tok, “Mi na Jisas, en aibin jandim main einjul blanga dalim dislot wed langa ola Kristjan pipul. Mi na femili blanga det speshalwan men neim King Deibid. Im main ful rileishan, en dei gulum mi det Braitwan Moningsta.”

Rebaleishan 22:2

en det riba bin go rait langa midul langa det bigbala roud deya langa det taun. Langa dubala said blanga det riba ola tri blanga laif bin jandap. Detlot tri bin oldei abum daga 12 taim ebriyiya. Ebri nyumun detlot daga bin go kukwan. En deibin yusumbat ola bushis blanga detlot tri blanga medisin blanga ola pipul langa ebri kantri.

Ruth 2:12

Yubin kaman langa YAWEI det trubala God blanga ola Isreil pipul, en im garra lukaftumbat yu. YAWEI garra jinggabat langa yu, Ruth, en im garra albumbat yu, dumaji yubin lukbek langa main kantrimen. Wal God garra jinggabat yu en album yu brabliwei.”