Biblia Todo Logo
Bìoball air-loidhne

- Sanasan -




Melakai 3:6 - Kriol Baibul

6 YAWEI bin kipgon tok, “Mi na YAWEI en ai kaan neba tjeinj. Blanga tharran na yumob biginini blanga Jeikob nomo binij, dumaji ai kaan neba tjeinjim main wed.

Faic an caibideil Dèan lethbhreac




Melakai 3:6
36 Iomraidhean Croise  

En deya gin langa det pleis na YAWEI bin meigim strongwan pramis langa Eibram. Imbin tok, “Ai gibit langa yu biginini olabat dijan kantri na brom det riba wansaid langa det kantri gulum Ijip raidap langa det bigwan riba gulum Yufreitis.


Wal YAWEI bin tok langa Eibram igin, “Wal mi na YAWEI, en mi na bin deigimat yu brom det taun gulum Yura deya langa det kantri gulum Bebalon. Aibin deigimat yu blanga gibit yu dijan kantri na blanga yu ronselp.”


“Eibrahem! God dalim yu, ‘Aibin meigim pramis garram main ronwan neim, en ai garra meigim yu brabli gudbinji, dumaji yu nomo bin holdimbek yu ronwan san brom mi.


Olabat garra binij bat yu garra stil jidan. Olabat garra binij jis laik olwan klos. Yu garra tjakidawei olabat jis laik olwan klos, en olabat garra binij.


Bat yu oldei jidan seim en yu laif kaan neba binij.


Melabat biginini olabat garra oldei jidan seifwan, en ola femili hu garra kaman bambai garra jidan seifwan garram yu.


Bat wen YAWEI laigim im pipul, im laigim olabat olagijawan. Im kipgon laigimbat olagijawan, detlot pipul hu oldei rispek im, en hu oldei teiknodis langa im strongwan pramis weya imbin meigim. Im dum rait ting blanga olabat biginini, en blanga olabat biginini weya garra kaman bambai.


Bat God bin sori langa im pipul olabat. Imbin larramgo olabat fri brom olabat nogudbalawei en im nomo bin binijimap olabat. Lodataim God bin oldei holdimbek miselp en nomo gitwail langa olabat.


Olabat bin gibit bekboun langa im en dei nomo bin jidan trubala langa im, laik olabat grengrenfatha bin dumbat longtaim bifo. Olabat bin nogud jis laik bendiwan spiya.


Mi na YAWEI det trubala God blanga yumob, en mi na oldei maindimbat yumob. Wal yumob nomo bradin. Mi iya garram yumob blanga album yumob.


“Mi na, YAWEI det boswan God. Tharran na main neim. Mi na det basdamwan, en det binijimapwan, en oni mi na wanbala God. Ol yumob Isreil pipul, mi na bin seibum yumob, en mi na det king blanga yumob.


Ai garra stil jidan seimwei gin wen yumob garra abum waitwan heya en ai garra stil oldei maindimbat langa yumob. Dumaji aibin meigim yumob, en ai garra garrimapbat yumob, en ai garra kipum yumob brabli seifwan olataim.


“Mi na YAWEI det trubala God blanga olkain pipul. Nomo enijing im adwan langa mi.


Ai dalim yumob, ebribodi langa ola kantri weya ai jidan bos garra rispek brabliwei det God blanga Denyul. “Im na det laibalawan God, en im jidan bos olagijawan. Nobodi kaan bidim im, en im pawa kaan neba binij.


en nomeda mi wail langa olabat, bat stil ai kaan panishim olabat. Ai kaan binijimap olabat igin, dumaji mi nomo men. Mi God. Mi na det holiwan, en mi iya garram olabat, en ai nomo kaman langa olabat wailwei.


Wal aibin tok igin, “YAWEI, main haibala God, yu na det brabli strongbalawan laik det seifwan pleis blanga melabat. Yu na det olagijawan, en yubin seibum melabat brom dedbala. Yubin pikimat ola Bebalon solja blanga kaman en panishimbat melabat.


God nomo laigim pipul hu oldei dalimbat laiya. Im nomo laigim pipul hu oldei tjeinjimbat olabat main. Wen im pramis enijing, im garra duwit. En wen im tok samting, im garra dum.


Basdam wibin jidan enami blanga God, en afta imbin meigim wi jidan fren blanga im thru im San Jisas Krais weya imbin dai. God bin meigim wi jidan fren blanga im, en blanga tharran na trubala im San garra seibum wi, dumaji im jidan laibala.


Wal God bin stat dumbat gudbala wek insaid langa yumob hat, en ai sabi im garra kipgon wek langa yumob laif raidap Jisas Krais garra kambek, en det taim na im garra binijim det wek.


en yumob garra bulurrum olabat, dumaji wi sabi Jisas Krais nomo tjeinj. Tudei im seim laik imbin jidan yestadei, en im garra jidan lagijat olagijawan.


Wal God bin dum dubala ting deya, en det dubala ting kaan neba tjeinj, en God kaan dalim laiya blanga det dubala ting du. Det feswan ting imbin meigim pramis, en det sekanwan ting imbin bekimap miselp langa det pramis garram im ronwan neim. God bin dum det dubala ting na blanga meigim wi gudbinji en blanga meigim wi jidan strongbalawei en nomo slekbek, dumaji wibin jingat langa Jisas Krais, en wibin ran langa im blanga album wi.


God kaan temtimbat yumob, dumaji ola gudbala ting kaman brom hebin, en nomo eni nogudbala ting kaan kaman brom God. Wal yumob jinggabat na. God bin meigim det san en mun blanga gibit wi lait. Bat wen dubala godan, im go dakbala na. Bat God im nomo lagijat. Im gibit wi lait olataim. Oni wanwei im oldei jidan. En im kaan tenim miselp en meigim miselp dakbala. Im kaan tenim miselp en meigim miselp nogudbala. Im jidan gudwei olagijawan.


Wal God im strongbala, en im brabli haibala. En im na bin tok, “Mi na dei gulum Basdamwan en Binijimapwan. Longtaim aibin jidan, en mi stil jidan tudei, en mi garra stil jidan bambai du.”


Mi na det Feswan, en mi na det Laswan du. Dei gulum mi Olagijawan, dumaji mi det Basdamwan en det Binijimapwan du.” Lagijat na Jisas bin tok.


Det God blanga olabat im brabli haibala, en im shain brabliwei, en im nomo oldei dalimbat laiya en jidan garram dubala main, dumaji im nomo men jis laik yunmi weya wi oldei tjeinjimbat main.”


Lean sinn:

Sanasan


Sanasan