Melakai 3:4 - Kriol Baibul

⁴ Blanga tharran na bambai detlot pipul brom Jerusalem en brom Juda garra bringimap ola ofring en ai garra gudbinji langa olabat laik wen aibin gudbinji langa olabat bifo.

Melakai 3:4 Iomraidhean Croise

Fes Kranakuls 15:26

Deibin kilim sebenbala boiwan buligi en sebenbala ship blanga abum sekrifais ofring blanga YAWEI dumaji YAWEI bin jidan deya langa detlot Libaimen blanga album olabat garrimap det Seikridwan Boks.

Fes Kranakuls 21:26

En afta na King Deibid bin bildimap det teibul blanga ofring blanga weshipbat langa YAWEI, en imbin gibit barnapwan ofring langa YAWEI, en imbin gibit im det najawan ofring gulum feloship ofring du. Wal YAWEI bin irrim det preya blanga King Deibid, en imbin ensim im preya brom hebin en jandim faiya blanga barnimap det ofring langa det teibul blanga ofring.

Sekan Kranakuls 1:6

King Salaman bin weship YAWEI lida langa det Seikridwan Tent, en imbin gibit 1,000 barnapwan sekrifais ontop langa det kopawan teibul blanga ofring.

Ola Saam 51:17

Main God, wen mi sori en meigim miselp lobala, det taim na yu kaan andimwei mi. Wen mi brabli sori en nomo jidan praudbala, tharran na det gudwan sekrifais blanga yu blanga jidan gudbinji garram mi igin.

Ola Saam 51:19

If yu dum lagijat, wal ol yu pipul olabat garra jidan raitwei, en yu garra gudbinji wen dei gibit yu ola gudbala ting, en ship en buligi, en barnim olabat blanga weship langa yu.

Aisaiya 56:7

Ai garra bringimap olabat langa main seikridwan hil, en deya na olabat garra preisimbat mi langa main haus weya olabat oldei weshipbat langa mi. Wen olabat garra gibit mi sekrifais en ofring langa main teibul blanga ofring, ai garra jidan brabli gudbinji. En olabat garra sabi det Serramoni Pleis blanga main garra jidan blanga ola pipul brom ebri kantri blanga prei langa mi.

Sekaraiya 8:3

Bambai ai garra kambek en jidan langa Jerusalem. Langa det taim na main pipul garra dum wandim ai wandim trubalawei en dei garra gulum det pleis ‘Trubala Taun’ en dei garra gulum det bigwan hil gulum Saiyan det seikridwan hil blanga YAWEI.