Melakai 3:16 - Kriol Baibul

¹⁶ Wal mi na Melakai bin tok, “Bat detlot pipul hu rispek det bos tok gija gudwei. YAWEI bin irrim olabat en imbin teiknodis langa wanim deibin tok. En imbin dalim im wekinmen olabat langa hebin blanga raidimdan olabat neim langa det buk, detlot neim blanga ol detlot pipul hu rispek im en hu jinggabat im.”

Melakai 3:16 Iomraidhean Croise

Jenasis 22:12

Wal det einjul bin tok, “Yu nomo ardim det lilboi. Yu nomo dum enijing langa im. Ai sabi na trubala yu oldei lisin langa God, dumaji yu nomo bin holdimbek yu ronwan san brom im.”

Sekan Semyul 7:1

Wal King Deibid bin jidan gudbalawei langa det nyuwan haus weya imbin bildimap, en YAWEI det trubala God bin meigim ol detlot Isreil pipul jidan gudbalawei nomo garram eni trabul brom ola enami blanga olabat.

Fes Kings 18:12

Wanim garra hepin if streidawei wen mi gowei brom iya det spirit blanga YAWEI deigimwei yu langa najawan kantri? En wen ai dalim King Eiheb yu iya en im kaan faindim yu, wal yu jinggabat na. Nomeda aibin weshipbat YAWEI brabli trubalawei brom main lilboitaim, bat stil im garra kilim mi ded.

Fes Kings 18:3

Wal King Eiheb bin jingat langa Obadaiya hubin det boswan blanga detlot hubin oldei maindimbat det bigwan haus. Obadaiya bin bulurrum YAWEI trubalawei.

Sekan Kranakuls 6:7

“Main dedi Deibid bin wandim bildimap serramoni pleis blanga weshipbat YAWEI det trubala God blanga ola Isreil pipul,

Niyamaiya 1:11

Irrim main preya en irrim detlot preya blanga ol yu najalot wekinmen olabat hu wandi weship yu gudbinjiwei. En album mi tudei wulijim det king garra irrim mi wen mi dalim im blanga main pipul, en im garra kain langa mi en im garra larram mi album olabat.” Lagijat na aibin prei. Wal langa det taim na aibin jidan det men hubin oldei gibit det wain langa det king.

Esta 2:23

Brom deya det king bin jandim ola boswan en deibin faindim jis laik Modakai bin tok. Deibin heingimap dubala raidap dubala bin dai langa dubala speshalwan pos. Deya langa det rum weya King Seksis bin jidan langa im speshalwan tjeya, det wekinmen bin raidimdan det stori langa det buk weya dei garram ola meinwan ting weya bin hepin langa ola kantri weya King Seksis bin jidan bos.

Esta 6:1

Wal det nait na det king nomo bin abum silip, en imbin jandim im wekinmen olabat blanga go en gajim det buk garram ola stori weya bin hepin langa det taim wen imbin jidan bos, en imbin dalim im wekinmen olabat blanga ridimat langa im.

Job Wotfo Gudbala Pipul Abum Trabul? 28:28

God bin dalim langa wi, ‘If yu rispek langa mi, wal yu garra sabi main trubalawei en yu garra libum det nogudbalawei.’ ”

Ola Saam 10:4

Detlot nogudbala pipul nomo oldei jinggabat blanga YAWEI, dumaji olabat praudbala pipul hu reken God im oni najing langa olabat.

Ola Saam 104:33

Ebridei mi jidan laibala ai garra sing langa YAWEI. Nomeda haulong ai jidan laibala, ai garra oldei preisim main God garram song.

Ola Saam 111:10

Yu garra abum rispek langa YAWEI basdam blanga jidan sabibala, en im garra gibit ol detlot pipul hu teiknodis langa im lowa gudbala main blanga jinggabat raitwei. Pipul garra oldei kipgon preisimbat im olagijawan.

Ola Saam 115:13

YAWEI garra albumbat ol detlot hu oldei weshipbat langa im, nomeda im haibala o lobala.

Ola Saam 119:63

Mi jidan fren blanga ol detlot pipul hu bulurrum yu, en teiknodis langa detlot lowa blanga yu.

Ola Saam 139:4

Wen mi stil jinggabat wanim ai garra tok, YAWEI, yu sabi tharran du.

Ola Saam 147:11

Bat im jidan gudbinji langa detlot pipul hu gibit im rispek, en hu trastim langa im olagijawan filing blanga laigimbat olataim.

Ola Saam 16:3

YAWEI, yu pipul olabat gudbala, en dei meigim mi gudbinji.

Ola Saam 20:7

Sambala pipul oldei trastimbat olabat wegan en hosis weya dei yusumbat langa wo, bat melabat oldei trastimbat det pawa blanga YAWEI det God blanga melabat.

Ola Saam 33:18

YAWEI lukaftumbat ol detlot pipul hu teiknodis langa im, ol detlot na hu trastimbat im olagijawan filing blanga laigimbat.

Ola Saam 34:15

YAWEI oldei lukaftumbat detlot pipul hu bulurrum im. En wen dei jingat langa im, im oldei irrim.

Ola Saam 56:8

Yu sabi blanga dijan trabul ai garram. Yubin raidimdan haumatj aibin kraikraibat. Yubin raidimdan langa yu buk, indit?

Ola Saam 56:9

Langa det dei wen ai garra jingat langa yu, ol main enami olabat garra tenaran en gowei. Ai sabi tharran dumaji God im jidan langa main said.

Ola Saam 66:16

Ol yumob pipul hu gibit rispek langa God, kaman en irrim wanim imbin dum blanga mi.

Ola Saam 94:19

Wen mi hatjamp en wori, yu lidimap mi en meigim mi gudbinji.

Eksadas 32:32

Wal yu larramgo olabat fri brom det ting. En if yu kaan larramgo olabat, wal yu garra rabumat main neim brom det buk weya yubin raidimdan ola neim blanga yu pipul olabat.”

Prabebs 13:20

Enibodi hu laigim jidanbat garram ola sabibala pipul garra jidan sabibala du, bat if enibodi jidan fren garram detlot silibala pipul, wal im garra abum trabul.

Aisaiya 26:3

“YAWEI garra kipum detlot pipul brabli gudwei hu oldei jinggabat im, en hu oldei trastimbat oni langa im.

Aisaiya 26:8

YAWEI, melabat wandim teiknodis langa yu lowa na. Blanga melabat hat jidan strongbala blanga preisimbat yu neim.

Aisaiya 4:3

Ebribodi langa Jerusalem hu stil jidan laibala garra jidan brabli speshalwan pipul.

Aisaiya 50:10

“Ol yumob pipul hu rispek langa YAWEI en dum wanim im wekinmen oldei dalim yumob blanga dum, nomeda yumob wokwokbat langa dakbala roud nomo garram lait, yumob kipgon trastimbat det neim blanga YAWEI det trubala God blanga yumob.

Aisaiya 65:6

“Luk iya na. Aibin raidimdan dijan, dumaji ai nomo bin wandim jidan kwaitbala enimo. Dumaji ai garra peiyimbek olabat blanga olabat nogudbalawei.

Jeramaiya 31:18

“Aibin irrim detlot pipul brom Isreil tok soribalawei, ‘YAWEI, melabat jis laik detlot wailwan enimul, bat yubin shoumbat melabat blanga bulurrum yu brabliwei. Yu bringimbek melabat. Melabat redi blanga kambek langa yu, dumaji yu na blanga melabat God.

Jeramaiya 8:6

Mi oldei weidabat en lisinbat olataim blanga yumob garra tok langa mi, bat yumob nomo bin toktok trubalawei. Nomo enibodi fil sori blanga im nogudbalawei, en nomo enibodi askimbat mi, ‘Wanim aibin dumbat rong?’ Ebribodi jis kipgon im ronwei, jis laik detlot hosis weya ranranbat blanga fait.

Isikiyel 9:4

Imbin tok, “Yu garra go thru langa Jerusalem, en yu garra pudum mak langa detlot pipul langa olabat forid hu oldei sorisori miselp en hu oldei jidanbat nogudbinji blanga ol detlot nogudbala ting weya oldei hepin langa Jerusalem.” Lagijat na YAWEI bin tok.

Denyul 12:1

Wal det einjul hubin werrimon waitwan klos bin tok na, “Langa det taim blanga det brabli nogudwan trabul na, det haibala einjul neim Maikul hubin lukaftumbat blanga yu pipul olabat garra kaman. En afta na olabat garra abum det taim blanga det brabli nogudwan trabul weya ola kantri nomo bin abum bifo. Wen det taim garra kaman God garra seibum detlot pipul langa yu kantri weya sambodi bin raidimdan olabat neim langa det buk blanga God.

Denyul 7:10

en det faiya bin barnbarnbat brom det tjeya. Thausen en thausen pipul bin deya blanga weship langa im, en bigismob pipul bin jandap lida langa im. Wen deibin stadim det kotkeis, deibin opinap detlot buk na.

Melakai 3:5

“Ai garra kaman gulijap langa yumob blanga jadjim yumob en langa det kot ai garra jidan witnis blanga dalim blanga ola nogudbala ting weya aibin luk pipul dumbat. Ai garra jidan witnis blanga ola klebabalamen hu ardimbat pipul, en detlot hu silip garram naja men waif, o naja wuman hasbin, en detlot pipul hu dalim laiya wen olabat bin pramis dei garra tok oni trubala wed. Ai garra jidan witnis blanga detlot pipul hu holdimbek mani en nomo peiyim olabat wekinmen det mani deibin pramisim. Ai garra jidan witnis blanga detlot pipul hu gibit adtaim langa ola widogel en langa ola biginini hu nomo garram femili en blanga detlot streinja pipul wen dei abum trabul. En ai garra jidan witnis blanga detlot pipul hu nomo rispek mi.”

Melakai 4:2

Bat yumob pipul hu rispek mi, wal ai kaan dum lagijat langa yumob. Langa det dei ai garra seibum yumob strongbalawei jis laik det san weya im shain strongbalawei. Ai garra meigim yumob gudbinji en strongbala, jis laik detlot enimul weya dei jamparan gudbinjiwei.

Luk Bin Dalim Ola Stori Blanga Jisas Langa Wan Jintail Men 2:38

Wal det olgamen bin kaman deya langa det pleis seimtaim wen det lilboi bin deya, en imbin sabi det lilboi, en imbin gibit theingks langa God, en imbin dalimbat ebribodi deya blanga det lilboi. Imbin toktokbat blanga det lilboi langa ol detlot pipul deya hubin oldei weidabat blanga det rait taim wen God garra meigim ola pipul blanga im deya langa Jerusalem go fri.

Eks Hau Det Gudnyus Blanga Jisas Krais Bin Spredat Ebriweya 1:13

en deibin go langa det kemp weya deibin oldei jidanbat, en deibin gowap langa det rum blanga olabat. Ol dislot men na bin deya, Pida, Jon, Jeims, Endru, Filip, Tamas, Bathalamyu, Methyu, Jeims det san blanga Elfiyas, Saiman Peitriyat, en Judas det san blanga najawan Jeims.

Eks Hau Det Gudnyus Blanga Jisas Krais Bin Spredat Ebriweya 10:2

Imbin gudbala men, en im en im femili olabat bin bilib langa God, en imbin oldei album ola powan Juwish pipul, en imbin oldei prei langa God du.

Eks Hau Det Gudnyus Blanga Jisas Krais Bin Spredat Ebriweya 2:1

Bambai na det taim bin kaman blanga ola Juwish pipul blanga abum det serramoni gulum Pentakos, en ol detlot pipul hubin bilib langa Jisas bin midap langa wan haus.

Eks Hau Det Gudnyus Blanga Jisas Krais Bin Spredat Ebriweya 9:31

Afta na ola bilibamob langa detlot thribala kantri gulum Judiya, Gelali en Sameriya bin jidan gudwei nomo garram trabul, en det Holi Spirit bin oldei album olabat wen deibin trastim Jisas brabliwei, en imbin meigim olabat bilib mowa strongbalawei, en imbin meigim loda pipul joinin langa olabat du.

Ifishans 5:19

en yumob garra oldei tok en dalimbat miselp garram ola gudbala wed brom ola song, en yumob garra oldei sing en preisim det Bos blanga wi brom insaid langa yumob hat,

Fes Thesaloniyans 5:11

Wal main braja en sista olabat, melabat sabi yumob oldei album yumob braja en sista olabat jidan strongbalawei en meigim olabat gudbinji, en yumob garra ol kipgon albumbat gija lagijat.

Fes Thesaloniyans 5:14

Wal main braja en sista olabat, melabat dalimbat yumob blanga gibit woning langa detlot pipul hu nomo laigim wek. En yumob garra album detlot pipul hu oldei bradin en detlot pipul hu jidan wikwan. En yumob garra gibit taim langa ebribodi.

Hibrus 10:24

En wi garra oldei jinggabat wi braja en sista olabat en album olabat laigim gija en dumbat gudbala ting,

Hibrus 12:15

Wal yumob garra meiksho yumob nomo tenawei brom God weya im brabli kainbala langa wi, en yumob garra meiksho yumob kaan abum nogudbala filing insaid langa yumob blanga enibodi, dumaji detkain filing im jis laiga jigiwan tri weya growap en poisinim pipul en meigim trabul blanga olabat.

Hibrus 3:13

Wal yumob garra oldei albumbat miselp. Ebridei yumob garra albumbat miselp en nomo weistimbat taim, dumaji wi nomo wandim det nogudbalawei blanga trikim enibodi en meigim im gibit bekboun langa God, dumaji wibin ol joinap garram Jisas Krais,

Rebaleishan 15:4

Nobodi kaan tenawei brom yu olagija, dumaji ebribodi garra jinggabat yu. Dei garra lukbek langa yu en weship langa yu. Nobodi jidan brabli gudwan. Oni yu na. En ola traib langa ebri kantri garra kaman langa yu, en dei garra baudan en tok gudwei langa yu, dumaji yu na bin dumbat ola gudwan wek, en ebribodi bin luk.” Lagijat na detlot pipul bin tok.

Rebaleishan 20:12

Brom deya aibin luk ola dedbala pipul bin gidap na. Detlot pipul hubin dai langa solwoda en detlot pipul hubin dai langa graun bin ol gidap. Detlot dedbala langa ola spirit pleis bin gidap du. Holot ola dedbala pipul bin gidap, en deibin ol jandap lida langa det speshalwan waitwan tjeya. Sambodi bin opinimap ola buk na, en deibin opinimap det najawan buk du. Det buk dei gulum Buk Blanga Laif. Wal deibin jadjim ol detlot dedbala pipul na. Deibin luk langa detlot buk, en deibin faindim ebrijing weya detlot pipul bin dumbat deya langa detlot buk, en deibin panishimbat olabat blanga ol detlot ting weya deibin dumbat. Deibin peiyimbek ebribodi blanga wanim deibin dumbat.