Melakai 2:4 - Kriol Baibul

⁴ En yumob gin sabi ai gibit yumob dijan oda wulijim detlot serramonimen garra teiknodis langa main wed. Dei garra teiknodis lagijat wulijim ai kaan binijimap det strongwan pramis aibin meigim garram detlot serramonimen, ol detlot biginini brom det femili lain blanga Libai weya ol detlot serramonimen oldei kamat brom.

Melakai 2:4 Iomraidhean Croise

Fes Kings 22:25

Maikaiya bin tok, “Yu garra faindat wen yu garra go en blandim miselp rait insaid langa wanbala rum blanga wan haus.”

Niyamaiya 13:29

Wal aibin prei, “Main God, yu panishim dislot men. Olabat serramonimen bin bringimap dijan nogudbala ting langa yu seikridwan serramonimen olabat. En deibin breigim det brabli strongbala pramis weya detlot serramonimen en Libai pipul bin meigim langa yu blanga duwit langa yu lowa.”

Aisaiya 26:11

YAWEI, olabat nomo luk yu bingga wen yu redi blanga panishimbat olabat. Yu shoum olabat yu oldei lukaftumbat yu ronwan pipul olabat, en maitbi olabat garra sheim miselp. Larram yu faiya barnimap ol yu enamimob.

Aisaiya 27:9

“Wal oni wanwei detlot Isreil pipul garra jidan friwan brom olabat nogudbalawei. Olabat garra bitsimap detlot stonwan ofring teibul langa ebri drimin pleis, en dei garra nokamdan ola wadi en drimin sheip weya dei oldei weshipbat detlot drimin.

Jeramaiya 28:9

Bat if det speshalwan mesinja tok ebrijing garra jidan kwaitbala, yumob gin oni sabi YAWEI bin jandim im wen det speshalwan mesij kaman trubalawan.” Lagijat na aibin tok.

Isikiyel 33:33

Bat bambai dei garra abum panishmen, dumaji yubin oldei gibitbat olabat woning wulijim olabat garra sabi det speshalwan mesinja bin oldei jidan deya garram olabat.”

Isikiyel 38:23

Ai garra dum ol dislot ting blanga meigim pipul sabi mi na YAWEI en mi na det brabli holiwan God.”

Isikiyel 44:7

Yumob bin meigim main Serramoni Pleis brabli nogudwan, dumaji yumob bin larram detlot pipul hu nomo bin sabi mi en ola nogudwan pipul brom najalot kantri kaman langa main Serramoni Pleis wen yumob bin oldei gibitbat sekrifais ofring langa mi. Yumob bin dum nogudwan ting en yumob bin breigim det strongwan pramis weya aibin meigim garram yumob.

Melakai 3:1

YAWEI det boswan God bin tok, “Yumob irrim mi. Ai garra jandim main mesinja lida langa mi blanga meigim det roud redi blanga mi. Det bos yumob lukabat garra kaman kwikbala langa im Serramoni Pleis. Det mesinja weya aibin pramis langa main pipul en tharran weya yumob wandimbat, trubala im garra kaman.

Nambas 18:2

Yu garra bringimap yu rileishanmob, det Libai klen, blanga wek garram yu, en dei garra album yu, en yu sanmob deya langa det Seikridwan Tent.

Nambas 18:21

Wal YAWEI bin tok langa Eran, “Wal ol detlot wanbala enijing brom ebri tenbala daga en enimul weya ola Isreil pipul bin growimbat en bin gibit langa mi, ai garra gibit langa det Libai klen. Im det pei blanga olabat wek weya deibin oldei maindimbat det Seikridwan Tent blanga main.

Nambas 25:12

Wal yu dalim im ai garra meigim strongwan pramis garram im blanga olagija.

Nambas 3:11

dumaji det Libai klen garra jidan main ronwan pipul na. Langa det taim na wen aibin kilim detlot fesbon san blanga detlot Ijip pipul, aibin oni pikimat detlot fesbon san brom detlot Isreil pipul, en detlot enimul du blanga jidan main ronwan pipul. Bat ai nomo wandim detlot fesbon san brom detlot Isreil pipul garra jidan main ronwan pipul, bat ai wandim oni det Libai klen garra jidan main ronwan pipul, dumaji mi na YAWEI.” Lagijat na YAWEI bin tok.

Nambas 3:45

“Det Libai klen na jidan main, jis laik detlot fesbon san blanga ola Isreil pipul bin jidan bifo, en yu garra meigim ola enimul blanga det Libai klen blanga jidan main jis laik detlot fesbon enimul blanga detlot Isreil pipul bin jidan bifo.

Methyu 3:12

En im redi blanga kaman jis laiga fama wen im kadimat ola gudwan daga brom det nogudwan pat. Im garra hipimap ola gudwan, en im garra barnimap ola nogudwan langa det olagijawan faiya.” Lagijat na Jon Beptis bin tok langa detlot serramonimen.

Luk Bin Dalim Ola Stori Blanga Jisas Langa Wan Jintail Men 10:11

en yumob garra tok, ‘Dijan taun blanga yumob bin dastim melabat, en melabat sheikim ola das brom melabat fut blanga gibit yumob woning. Yumob jinggabat na. God bin wandim yumob blanga bulurrum im brabliwei.’ Lagijat na yumob garra tok.

Jon Bin Dalim Det Gudnyus Blanga Jisas Det San Blanga God 15:2

en im oldei kadimof ol detlot nogudwan wadi brom det tri weya nomo abum daga, en im oldei kadimof ola rabishwan brom detlot gudwan wadi weya oldei abum daga, dumaji im wandi meigim olabat jidan brabli gudwan wulijim dei garra abum bigmob daga.