Melakai 1:11 - Kriol Baibul

¹¹ Detlot pipul langa ola najalot kantri brom sanrais raidap sangodan olabat rispek mi. Langa ol detlot kantri na dei bringimap gudsmelwan medisin blanga barnim en dei gibit gudwan sekrifais ofring en mi gudbinji blanga tharran. Detlot pipul na rispek mi.

Melakai 1:11 Iomraidhean Croise

Fes Kranakuls 16:25

Wal YAWEI im brabli gudbala, en melabat garra preisimbat im brabliwei. Melabat garra rispek YAWEI mowa den detlot laiyawan drimin.

Ola Saam 111:9

Imbin baiyimbek im pipul olabat, en imbin meigim det olagijawan brabli strongwan pramis garram olabat. Im na det holiwan en det haibalawan God.

Ola Saam 113:3

Wi garra preisim det neim blanga YAWEI brom sangidaptaim raidap sangodantaim.

Ola Saam 138:5

Olabat garra sing song blanga wanim yubin dum, en blanga yu haibalawanwei.

Ola Saam 141:2

Jinggabat main preya jis laik im gudsmelwan medisin langa yu. Wen mi lidimap main bingga blanga prei langa yu, jinggabat tharran deya wulijim speshalwan ofring blanga yu.

Ola Saam 45:17

Main song garra meigim yu neim jidan haibala olagijawan, en ebribodi garra preisimbat yu olagijawan.

Ola Saam 48:10

Ebribodi langa ebri kantri sabi yu, God, en dei oldei preisimbat yu. Yu oldei gibit feyago langa ebribodi.

Ola Saam 48:11

Larram ola pipul brom Saiyan jidan gudbinjiwei! Yu jadjim pipul raitwei. Larram ola pipul langa ebri taun langa Juda jidan gudbinji.

Ola Saam 50:1

YAWEI det boswan God im tok. Im jingat langa ebribodi langa dijan wel, brom sanraisaid raidap langa sangodansaid.

Ola Saam 65:9

Yu lukaftumbat dijan graun. Yu jandimdan rein en meigim det graun jidan brabli gudwan wulijim ola daga garra gro. Yu bilimap ola draiwan krik en ola riba garram woda. Yu pudum ola plent langa graun blanga ola pipul blanga dagat, en yu growimap olkain daga. Yu na dumbat ol dislot ting.

Ola Saam 67:2

wulijim ola pipul langa ebri kantri garra sabi wanim yu wandim olabat blanga dum, en ola pipul garra sabi yu na garram det pawa blanga seibum olabat.

Ola Saam 86:9

Ola pipul langa ebri kantri weya yubin meigim garra kaman en nildan langa yu, en olabat garra preisim yu dumaji yu brabli haibalawan.

Ola Saam 96:8

Preisim det haibala neim blanga YAWEI. Bringim ofring en kaman langa im Serramoni Pleis.

Aisaiya 12:4

“Langa det dei na yumob garra sing, ‘YAWEI, melabat brabli gudbinji langa yu. Melabat sei theingkyu, en melabat weship oni langa yu. Melabat garra dalim ola pipul wanim yubin oldei dumbat, en hau yu jidan brabli gudbala en haibalawan.

Aisaiya 12:5

Dumaji yubin dum brabli gudbala ting, melabat garra singsing en preisimbat langa yu neim ebriweya langa dijan wel.’

Aisaiya 19:21

En YAWEI garra shoum detlot ljip pipul hu im, wulijim olabat garra sabi blanga weship oni langa im na. Olabat garra bringimap sekrifais en ofring langa im, en olabat garra kipum olabat pramis langa im.

Aisaiya 30:27

Wal aibin kipgon tok, “Wal YAWEI im kaminap brom longwei garram faiya en bigismob smok en im brabli wail. Wen im toktokbat, detlot wed im jis laik faiya kamat brom im mawus.

Aisaiya 45:6

En ebribodi brom sanraiswei en sangodanwei garra sabi mi na jidan YAWEI det trubala God, en nomo eni drimin im riliwan.

Aisaiya 54:5

Mi na YAWEI det boswan God, det brabli holiwan God blanga ola Isreil pipul, en oni mi na jidan bos blanga dijan wel. Mi na bin meigim dijan wel, en mi jidan laiga hasbin blanga yu, en ai garra seibum yu.

Aisaiya 59:19

Im garra kaman jis laik det fladwoda en det brabli strongbalawan win. En langa det taim na ola pipul brom sanraiswei en brom sangodanwei garra preisim im brabli gudbala neim en shoum rispek langa im.

Aisaiya 66:18

Ai sabi wanim yumob oldei dumbat, en wanim yumob jinggabat oldei. Wal det taim bin kaman na blanga bringimap ola pipul brom ebri langgus en brom ebri kantri en blanga shoum olabat main strongwan pawa blanga meigim olabat sabi wanim ai gin dum. “Ai garra jandim ol detlot pipul hu stil jidan laibala langa detlot kantri gulum Tashish, Libiya en Lidiya weya detlot pipul jidan klebabala garram bo en erro, en langa Tubal, en langa detlot ailin longweiwan blanga Gris. Ai garra jandim olabat blanga tokabat blanga main shainiwan lait en pawa langa detlot pipul langa najalot kantri hu nomo bin irrim blanga mi.

Jeramaiya 10:6

Wal aibin tok na, “YAWEI, nomo enibodi iya im jidan wulijim yu, najing. Oni yu na brabli haibalawan, en blanga yu neim im brabli strongbala en oni yu na garram detmatj pawa.

Jeramaiya 10:7

Oni yu na king langa ebri kantri. Wotfo ebribodi nomo weship langa yu? Nomo enibodi jidan wulijim yu langa ol dislot klebabala men langa ola kantri, en langa olabat king.

Jeramaiya 4:2

If yumob meigim pramis garram main neim en bulurrum mi trubalawei en gibit olabat feyago, wal ola najalot pipul garra askim mi blanga album olabat du, en olabat garra preisimbat oni langa mi.

Eimos 9:12

En yumob Isreil pipul garra jidan bos blanga detlot leftobawan len deya langa det kantri gulum Idam, en langa det najalot kantri weya bin jidan main bifo. En mi na garra meigim dis ting hepin.” Lagijat na YAWEI bin tok.

Maika 5:4

En wen det beibi garra kaman, im garra lukaftumbat im pipul olabat garram det pawa brom YAWEI, en im garra maindimbat olabat brabli haibalawei garram det neim blanga YAWEI, en im pipul olabat garra jidan brabli gudbalawei, en pipul langa ebri kantri garra sabi im brabli haibalawan,

Sefanaiya 2:11

Bambai ola pipul garra bradin blanga YAWEI detmatj wen im garra binijimap ola drimin blanga olabat langa ola kantri. Im garra binijimap detlot drimin, en detlot pipul garra nildan langa olabat ni en weship im. Ola pipul langa olabat ronwan kantri, gulijapwan en longweiwan kantri garra dum lagijat na.”

Sefanaiya 3:9

En YAWEI im kipgon tok, “Bambai langa det taim na ai garra tjeinjim ola pipul brom detlot najalot kantri. Ai garra meigim olabat mawus gudwan, wulijim dei garra tok langa mi gudwei, en dei garra ol weship langa mi mijamet.

Sekaraiya 8:7

Ai garra seibum main pipul weya deibin deigidawei langa ola najalot kantri, en ai garra bringimbek olabat brom sanraisaid en brom sangodansaid.

Melakai 1:14

Ai garra tok wed blanga ardim detkain pipul hu holdimbek ola gudwan enimul blanga olabat ronselp en bringimap ola rabishwan enimul wen olabat bin pramis blanga gibit gudwan sekrifais ofring langa mi. Mi na det brabli haibala bos. Detlot najalot pipul langa ol detlot najalot kantri sabi tharran. Olabat rispek mi.” Lagijat na YAWEI bin tok.

Melakai 3:3

Im garra jidan laik det men hu jidan wansaid langa det faiya en wotjim det silba raidap det faiya meigim im gudwan. Im garra jidan garram detlot Libai serramonimen en im garra meigim olabat klin brom ol detlot nogudbalawei blanga olabat. Jis laik det men hu kipgon pudumbat wud langa det faiya raidap det silba o gol jidan brabli klinwan, wal im garra kipgon meigimbat ola Libai serramonimen gudwan raidap dei bringimap ofring langa mi raitwei.

Methyu 28:19

en ai dalim yumob. Yumob garra go langa ebri kantri, en yumob garra dalimbat ola pipul hu mi, en yumob garra meigimbat olabat jidan wekinmen blanga mi, en yumob garra beptaisimbat olabat langa det neim blanga God, det Dedi en det San en det Holi Spirit.

Methyu 8:11

Ai dalim yumob. Loda pipul brom ola najalot kantri garra go langa hebin en jidan gudbinji garram Eibrahem, Aisik en Jeikob.

Luk Bin Dalim Ola Stori Blanga Jisas Langa Wan Jintail Men 1:10

en ola pipul bin prei atsaid.

Romans 12:1

Wal main braja en sista olabat, yumob sabi na God bin brabli kain langa yumob, en blanga tharran na ai dalim yumob blanga gibit miselp langa im jis laiga laibalawan sekrifais ofring. Yumob garra oldei jidan oni blanga im, en yumob garra oldei meigim im gudbinji, dumaji wen yumob dum lagijat na, yumob weship im brabliwei en trubalawei.

Romans 15:16

en imbin meigim mi wekinmen blanga Jisas Krais blanga wek garram ola Jintail pipul, en mi dalimbat det gudnyus langa olabat jis laiga serramonimen weya im dumbat im wek. Yu si? Detlot Juwish serramonimen bin oldei meigim det ofring gudwei blanga meigim God gudbinji langa detlot pipul en meigim olabat jidan blanga im. En mi dum main wek langa ola Jintail pipul lagijat du. Mi meigim olabat jidan jis laiga gudwan ofring blanga God wulijim God garra gudbinji langa olabat en det Holi Spirit garra meigim olabat jidan blanga God.

Falipiyans 4:18

Wal aibin gedim ebrijing yumob bin jandim langa mi, en ai garram blendibala na, dumaji Ipefrodaitas bin bringimap det mani brom yumob, en det mani weya yumob bin jandim, im jis laiga gudsmelwan ofring langa God. Im laigim detkain ofring, en det ofring bin meigim im gudbinji.

Sekan Thesaloniyans 1:12

Lagijat na melabat oldei prei blanga yumob, dumaji melabat wandim yumob garra preisim Jisas Krais det Bos blanga wi brabliwei. En afta im garra preisim yumob du. Im garra preisim yumob, dumaji olawei Jisas Krais en God bin oldei gudbala langa yumob brabli.

Fes Timathi 2:8

Wal wen yu abum sebis, ai wandim ola men hu sabi God garra prei. Ai nomo wandim detlot men hu oldei agamin en abumbat ad filing langa najalot pipul blanga prei. Oni detlot men hu bulurrum God brabliwei garra prei. En wen dei prei, dei garra lidimap olabat bingga.

Rebaleishan 11:15

Brom deya det namba 7 einjul bin blowim im longwan wisul na, en sambala bin jingat adbala langa top, “Det wanbala bin jidan bos blanga ola kantri basdam. Bat najing na. God im Bos blanga melabat, en im jidan Bos blanga ola kantri na, en Jisas Krais jidan Bos blanga ola kantri olagija du.”

Rebaleishan 15:4

Nobodi kaan tenawei brom yu olagija, dumaji ebribodi garra jinggabat yu. Dei garra lukbek langa yu en weship langa yu. Nobodi jidan brabli gudwan. Oni yu na. En ola traib langa ebri kantri garra kaman langa yu, en dei garra baudan en tok gudwei langa yu, dumaji yu na bin dumbat ola gudwan wek, en ebribodi bin luk.” Lagijat na detlot pipul bin tok.

Rebaleishan 5:8

en wen imbin gajim det peipa, detlot fobala najakain enimul en detlot olmen bin ol nildan langa graun lida langa det yangwan ship. Deibin ol abum gita gulum hap, en deibin ol abum bigwan goldinwan dish du. En detlot dish bin brabli ful garram gudsmelwan medisin. Bat detlot gudsmelwan medisin bin ola preya brom ola Kristjan pipul.