Luk Bin Dalim Ola Stori Blanga Jisas Langa Wan Jintail Men 7:2 - Kriol Baibul

² Wal wan boswan solja brom Rom bin jidan deya langa det taun, en wanbala wekinmen blanga im bin brabli sik en imbin gulijap dai. Wal det boswan solja bin laigim det wekinmen blanga im brabliwei,

Luk Bin Dalim Ola Stori Blanga Jisas Langa Wan Jintail Men 7:2 Iomraidhean Croise

Jenasis 24:27

en imbin tok, “YAWEI yu na det God blanga main bos Eibrahem, en mi brabli gudbinji langa yu, dumaji yubin kipum det wed weya yubin gibit main bos, en yubin lidim mi streidap langa Eibrahem kantrimenmob.”

Jenasis 35:8

Bambai na det wekingel blanga Rabeka neim Debra bin dai, en deibin berrim im bodi andanith langa wanbala tri dei gulum ouktri deya gulijap langa Bethel, en deibin gulum neim blanga det tri Kraiyinbala Tri.

Job Wotfo Gudbala Pipul Abum Trabul? 31:5

“Mi nomo dalimbat eni laiya en ai nomo bin trikimbat pipul.

Prabebs 29:21

If yu tridim yu wekinmen hu jidan laiga prisana kainbalawei brom wen imbin yangbala biginini, im garra gibit yu trabul bambai.

Methyu 27:54

Wal det boswan solja en ola najalot solja hubin wotjimbat Jisas, wen deibin filim det graun bin sheik, en deibin luk ebrijing wanim bin hepin, olabat hat bin jamp garram bigiswan frait, en deibin bradin detmatj, en deibin tok, “Trubala dijan im San blanga God!”

Luk Bin Dalim Ola Stori Blanga Jisas Langa Wan Jintail Men 23:47

Wal wen det boswan solja bin luk wanim bin hepin, imbin tok gudbalawei langa God. Imbin tok, “Trubala dijan imbin brabli gudbala men!”

Luk Bin Dalim Ola Stori Blanga Jisas Langa Wan Jintail Men 7:1

Afta na wen Jisas bin binij dalimbat ol detlot wed langa detlot pipul, imbin go langa det taun gulum Kapeniyam.

Luk Bin Dalim Ola Stori Blanga Jisas Langa Wan Jintail Men 7:3

en wen imbin irrim Jisas bin deya langa det taun, imbin jandim sambala olmen brom detlot Juwish pipul langa Jisas blanga askim im blanga kaman en meigim det wekinmen blanga im gudbala.

Luk Bin Dalim Ola Stori Blanga Jisas Langa Wan Jintail Men 8:42

en imbin askim im brabliwei blanga go langa im haus, dumaji im doda bin brabli sik, en imbin gulijap dai. En det men bin abum oni det wanbala doda na, en det lilgel bin 12 yiya ol. Wal Jisas bin go garram det men, en detmatj pipul bin bulurrum Jisas, en deibin bambumbat im ebriwei.

Eks Hau Det Gudnyus Blanga Jisas Krais Bin Spredat Ebriweya 10:1

Wal wan men neim Koniliyas bin jidan langa det taun gulum Sesariya. Det men bin boswan solja blanga det Roman ami brom det kantri gulum Itali.

Eks Hau Det Gudnyus Blanga Jisas Krais Bin Spredat Ebriweya 10:7

Wal afta wen det einjul bin gowei, Koniliyas bin jingat langa dubala wekinmen blanga im en langa wanbala solja. Det solja bin bilib langa God du, en imbin ofsaida blanga Koniliyas,

Eks Hau Det Gudnyus Blanga Jisas Krais Bin Spredat Ebriweya 22:26

Wal wen det boswan bin irrim Pol tok lagijat, imbin go langa det bos blanga ola solja, en imbin dalim im, “Det men im garram det rait seimwei laik wi Roman pipul. Wal wanim yu garra dum langa im?”

Eks Hau Det Gudnyus Blanga Jisas Krais Bin Spredat Ebriweya 23:17

en Pol bin jingat langa wan boswan solja, en imbin dalim im, “Yu deigim dijan yangboi langa det bos blanga ola solja, dumaji im garram wed blanga im.”

Eks Hau Det Gudnyus Blanga Jisas Krais Bin Spredat Ebriweya 27:1

Wal wen det gabman bos bin meigimap im main blanga jandim Pol langa det kantri gulum Itali, imbin hendimoba Pol en sambala najalot prisana langa wan boswan solja neim Juliyas. Det solja bin bos blanga ola Roman solja deya langa det taun gulum Sesariya,

Eks Hau Det Gudnyus Blanga Jisas Krais Bin Spredat Ebriweya 27:3

Wal wen melabat bin ol gowin langa det bout, det bout bin gowei garram melabat, en neksdei wen melabat bin kamat langa det taun gulum Saidan, det boswan solja bin tridim Pol gudbalawei, en imbin larram im go en luk im fren olabat deya langa det taun, en deibin gibit im ola enijing weya imbin wandim blanga det trip.

Eks Hau Det Gudnyus Blanga Jisas Krais Bin Spredat Ebriweya 27:43

Bat det boswan solja bin wandi seibum Pol, en im nomo bin larram olabat kilim ol detlot prisana. Afta na det boswan solja bin dalim ola men hubin sabi swim blanga jampdan brom det bout lida en swim langa beingk,

Kaloshans 3:22

Wal ol yumob wekinmen, yumob garra oldei dum wanim yumob bos dalim yumob blanga dum. Yumob kaan wek nogudwei wen yumob bos nomo deya lukinat langa yumob. Yumob garra wek gudwei olataim. Bat yumob kaan wek gudwei oni blanga meigim yumob bos gudbinji blanga yumob. Yumob garra wek gudwei dumaji yumob rispek Jisas Krais det brabliwan Bos.