Luk Bin Dalim Ola Stori Blanga Jisas Langa Wan Jintail Men 5:1 - Kriol Baibul

¹ Bambai na wandei Jisas bin jandapbat wansaid langa Leik Gelali, en bigmob pipul bin jandap deya du, en deibin jadimap Jisas, dumaji deibin wandi irrim im toktok det wed blanga God.

Luk Bin Dalim Ola Stori Blanga Jisas Langa Wan Jintail Men 5:1 Iomraidhean Croise

Nambas 34:11

Brom deya im garra go sauthwei langa Habal sanraiswei langa Eiyin, en kipgon langa det hil kantri langa det sanraiswei blanga det bigwan woda gulum Leik Gelali,

Methyu 11:12

Wen Jon Beptis bin dalimbat det gudnyus, loda pipul bin wandi bulurrum det Nyubalawei blanga God brabli. Imbin jis laik loda pipul bin pushumbat miselp blanga gowin langa haus. En im lagijat du tudei weya mi dalimbat ola pipul det gudnyus.

Methyu 14:34

Brom deya Jisas en im wekinmen olabat bin krosim Leik Gelali, en deibin kamat langa det pleis gulum Genesaret.

Mak Bin Dalim Ola Stori Blanga Jisas 3:9

Wal detmatj pipul bin deya langa Jisas, en imbin lafta dalim im wekinmen olabat blanga meigim bout redi blanga im blanga gowin if detlot pipul kaan gibit im rum.

Mak Bin Dalim Ola Stori Blanga Jisas 4:1

Bambai na Jisas bin gobek langa Leik Gelali blanga titjimbat ola pipul. Detmatj pipul bin kaman blanga lisin langa im, en imbin lafta gowin langa bout. Imbin jidan langa det bout langa woda, en ola pipul bin jandap ebriweya langa bitjsaid lukinat langa im,

Mak Bin Dalim Ola Stori Blanga Jisas 5:24

Wal Jisas bin go garram Jairas, en bigmob pipul bin bulurrum Jisas, en deibin bambumbat im, dumaji detmatj pipul bin deya.

Mak Bin Dalim Ola Stori Blanga Jisas 6:53

Wal Jisas en im wekinmen olabat bin krosim det bigwan woda garram det bout, en deibin kamat langa det pleis gulum Genesaret,

Luk Bin Dalim Ola Stori Blanga Jisas Langa Wan Jintail Men 12:1

Wal bigismob pipul bin majurrumap miselp langa Jisas na. Detmatj pipul bin deya, en deibin oldei bambumbat miselp, en det namba blanga olabat bin thausen en thausen. Wal Jisas bin tok basdam langa im wekinmen olabat, “Yumob garra wotjim miselp blanga det wei blanga detlot serramonimen gulum Ferasi, dumaji olabat tufeis. Dei oldei dum gudwan ekshan atsaidwei blanga gaburrumap ola nogudwan ting weya dei oldei dumbat.

Luk Bin Dalim Ola Stori Blanga Jisas Langa Wan Jintail Men 5:2

Wal Jisas bin luk dubala bout deya wansaid langa beingk weya detlot fishamen bin libum dubala wen deibin go blanga klinim olabat fishnet,

Luk Bin Dalim Ola Stori Blanga Jisas Langa Wan Jintail Men 8:22

Bambai na wandei Jisas bin dalim im wekinmen olabat, “Kaman na. Wi go najasaid langa dijan bigwan leik.” En deibin gowin langa bout blanga krosim det woda,

Luk Bin Dalim Ola Stori Blanga Jisas Langa Wan Jintail Men 8:23

en hafwei Jisas bin go silip, en wen imbin stil silip, strongbala win bin kaman langa det woda, en imbin blowimbat det bout ebriwei, en ola woda bin stat gowin langa det bout, en detlot wekinmen bin bradin, dumaji deibin luk miselp langa trabul,

Luk Bin Dalim Ola Stori Blanga Jisas Langa Wan Jintail Men 8:33

Imbin andimwei olabat brom det men, en deibin gowin insaid langa detlot bigibigi, en ol detlot bigibigi bin randan langa det klif, en deibin buldan langa det woda, en deibin ol draun.

Luk Bin Dalim Ola Stori Blanga Jisas Langa Wan Jintail Men 8:45

Wal Jisas bin tok, “Hubin tatjim mi?” Bat nobodi bin dalim miselp, en det wekinmen blanga im neim Pida bin tok, “Bos, yu luk bigmob pipul iya ebriweya dei bambumbat yu.”

Jon Bin Dalim Det Gudnyus Blanga Jisas Det San Blanga God 1:40

Wal det wan wekinmen bin neim Endru, en imbin det braja blanga Saiman Pida,

Jon Bin Dalim Det Gudnyus Blanga Jisas Det San Blanga God 6:1

Wal Jisas en im wekinmen olabat bin gowei brom Jerusalem, en deibin go langa Gelali. Bambai na wen imbin gulijap taim blanga ola Juwish pipul blanga abum det serramoni gulum Pasoba, Jisas en im wekinmen olabat bin gowin langa bout blanga krosim det bigwan woda weya sambala pipul gulum Leik Gelali en sambala pipul gulum Leik Taibiriyas, en wen deibin kamat najasaid, deibin gowap en jidan langa wan hil. Wal bigmob pipul bin oldei bulurrumbat Jisas, dumaji deibin oldei luk ola klebabala ting weya imbin dumbat wen imbin oldei meigimbat sikbala pipul gudbala,

Dyudaranami 3:17

En langa sangodanwei det kantri bin go raidap langa det Jodan Riba brom bigwan woda gulum Gelali langa nowathsaid en langa det Dedsi langa sauthsaid en gulijap langa det bigwan hil gulum Pisga langa sanraiswei.

Hibrus 13:7

En yumob garra oldei jinggabat ol detlot lida blanga yumob hubin oldei dalimbat yumob det wed blanga God. Yumob garra jinggabat hau deibin bilib en hau deibin jidan raidap deibin dai,

Joshuwa 12:3

en det king bin bos blanga det Jodan Riba kantri du brom det bigwan woda gulum Leik Gelali raidap langa det taun gulum Bethjeshimoth sanraisaid brom det solwoda gulum Dedsi raidap langa det hil gulum Pisga.

Joshuwa 13:27

en brom deya imbin go sangodanwei langa det Jodan Riba raidap langa det bigwan woda gulum Leik Gelali. En Mosis bin gibit olabat detlot fobala taun langa det Jodan Riba kantri gulum Betharam, Bethnimra, Sukait en Seifan, en imbin gibit olabat haf detlot kantri weya det king neim Saihan bin jidan bos bifo.