Luk Bin Dalim Ola Stori Blanga Jisas Langa Wan Jintail Men 3:5 - Kriol Baibul

⁵ Dei garra meigim det roud redi blanga det Boswan blanga kaman. Dei garra lebulum ola hil en bilimap ola beli, en dei garra meigim det krukidwan roud jidan streitwan en det rafwan roud jidan gudbala.

Luk Bin Dalim Ola Stori Blanga Jisas Langa Wan Jintail Men 3:5 Iomraidhean Croise

Aisaiya 40:4

Yumob meigim detlot rafwan pleis brabli gudwan en lebulwan.

Aisaiya 42:16

“Main blainwan pipul olabat wokwok langa dakbala en rafwan roud. Bat ai garra lidimbat olabat langa nyuwan roud. Olabat nomo sabi det roud. Ai garra shainim lait langa det roud, en ai garra meigim det roud gudwan wulijim olabat kaan buldan. Dijan na main strongbala pramis. Trubala ai garra dum.

Aisaiya 45:2

Ai garra go lida langa yu en meigim detlot hil kantri jidan lebulwan, en if eni taun abum aiyanwan en kopawan geit, wal ai garra breigimdan det geit.

Aisaiya 49:11

“Ai garra meigim lebulwan detlot hil en ai garra meigim roud deya du,

Isikiyel 17:24

Ola tri langa ebri kantri garra sabi mi na YAWEI. Ai garra kadimdan ola longwan tri en ai garra meigim ola lilwan tri garra gro brabli longwan. En ai garra draiyimap ola grinwan tri en detlot tri weya bin jidan draiwan garra go brabli grinwan na. Ai garra dum wanim aibin tok.” Lagijat na YAWEI bin tok.

Jeims 1:9

Wal ola Kristjan pipul hu jidan powan garra gudbinji, dumaji God garra meigim olabat ritj langa im wei.