Luk Bin Dalim Ola Stori Blanga Jisas Langa Wan Jintail Men 2:9 - Kriol Baibul

⁹ en wanbala einjul brom God bin kamat langa olabat, en imbin jandap wansaid langa olabat, en det braitwan lait blanga God bin shain ebriweya langa olabat. Wal detlot stakmen bin brabli bradin.

Luk Bin Dalim Ola Stori Blanga Jisas Langa Wan Jintail Men 2:9 Iomraidhean Croise

Fes Kings 8:11

garram det brabli shainiwan lait blanga YAWEI. En blanga tharran na detlot serramonimen nomo bin gobek insaid blanga dum olabat wek.

Eksadas 16:10

Wal Eran bin tok langa detlot pipul na, en wen deibin luk streit langa det deset, deibin luk det shainiwan lait blanga YAWEI bin kamat brom det klaud.

Aisaiya 35:2

Det deset kantri garra sing en jinginatbat gudbinjiwei. En im garra jidan brabli purdiwan jis laik det hil kantri gulum Lebanon en brabli gudwan kantri garram fam jis laik Kamul en Sheran Beli. En ebribodi garra luk det strongbala pawa blanga YAWEI det trubala God.”

Aisaiya 40:5

En bambai yumob garra luk YAWEI kaminap. Yumob garra luk im pawa en im brabli shainiwan lait. YAWEI na bin pramisim dijan.”

Aisaiya 60:1

Wal YAWEI bin tok, “Gidap ol yumob pipul langa Jerusalem! Jandap en larram det lait blanga yumob shain. Dumaji det lait brom YAWEI det trubala God im shain brabliwei langa yumob.

Isikiyel 3:23

Wal wen aibin go deya langa det pleis, aibin luk YAWEI bin shain brabliwei deya na. Aibin luk dijan seim ting bin hepin bifo deya wansaid langa det Keba Riba. Wen aibin luk det lait, aibin pudumdan main feis langa graun.

Methyu 1:20

Wal wen Josef bin jinggabat lagijat, God bin gibit im drim, en langa det drim wan einjul bin kamat langa im, en det einjul bin tok, “Josef! Grengrensan blanga Deibid! Yu nomo libum det yanggel. Yu garra gajim im blanga yu waif, dumaji det Holi Spirit bin gibit im det beibi.

Luk Bin Dalim Ola Stori Blanga Jisas Langa Wan Jintail Men 1:28

Wal wen det einjul bin kamat langa Meri, imbin tok, “Meri, God im laigim yu brabli, en im jidan garram yu.”

Luk Bin Dalim Ola Stori Blanga Jisas Langa Wan Jintail Men 2:8

Wal sambala stakmen hubin oldei maindimbat ship bin jidanbat langa opin kantri deya gulijap langa Bethlahem,

Luk Bin Dalim Ola Stori Blanga Jisas Langa Wan Jintail Men 24:4

En wen deibin jandap deya lukinatbat det keib, dubala einjul bin kamat langa olabat. Det dubala einjul bin abum brabli braitwan shainiwan klos,

Jon Bin Dalim Det Gudnyus Blanga Jisas Det San Blanga God 12:41

Lagijat na Aisaiya bin tok blanga Jisas, dumaji longtaim imbin luk det brabli shainiwan lait blanga Jisas weya im garra abum wen im garra gidap laibala brom dedbala. Bifo imbin hepin Aisaiya bin luk det ting.

Eks Hau Det Gudnyus Blanga Jisas Krais Bin Spredat Ebriweya 12:7

Wal wen Pida bin silip, wan einjul bin kamat langa im, en det lait bin shain ebriweya langa det rum, en det einjul bin holdim Pida langa im sholda, en imbin weikimap im, “Kwikbala yu gidap!” En streidawei det dubala tjein bin kamat brom Pida bingga,

Eks Hau Det Gudnyus Blanga Jisas Krais Bin Spredat Ebriweya 27:23

Ai sabi im garra hepin lagijat, dumaji wan einjul brom God bin kaman langa mi naitaim. Mi blanga God, en ai weship im, en imbin jandim det einjul langa mi,

Eks Hau Det Gudnyus Blanga Jisas Krais Bin Spredat Ebriweya 5:19

Bambai na wen imbin midulnait, God bin jandim wanbala einjul langa det jeil, en det einjul bin opinim ola geit, en imbin deigimat detlot speshalwan mishanri atsaid brom det jeil, en imbin dalim olabat,

Sekan Karinthiyans 3:18

Yumob sabi na? Wi sabi hu Jisas Krais, dumaji det Holi Spirit bin opinim det main blanga wi, en imbin meigim wi sabi. En det Holi Spirit jidan Bos blanga wi, en lilbitlilbit ebridei im tjeinjimbat wi blanga meigim wi jidan seimwei laik Jisas Krais mowa en mowa ebridei.

Sekan Karinthiyans 4:6

Wal yumob jinggabat na. Longtaim God bin tok, “Larram lait kamat en shain brom det dakbala.” En lagijat gin imbin meigim det lait blanga im shain insaid langa wi hat, en det lait bin meigim wi sabi God brabliwei, dumaji wen wi sabi Jisas Krais, wi sabi God.

Fes Timathi 3:16

Trubala ai dalim yu. God bin shoum wi brabli bigbala ting iya. Nobodi bin sabi dijan ting bifo. Bat wi sabi na hau blanga jidan trubalawei blanga God. Yu sabi wanim mi toktok? Imbin kaman garram bodi laik wi, en det Holi Spirit bin shoum wi trubala im det San blanga God, en ola einjul bin luk langa im, en loda pipul bin spredimatbat det wed blanga im langa ebri kantri, en pipul brom ebri kantri bin bilib langa im, en God bin deigimbek im langa hebin.

Hibrus 12:21

En Mosis bin bradin du wen imbin luk ebrijing hepin langa det hil, en imbin tok, “Mi sheiksheik, dumaji mi brabli bradin detmatj.”

Rebaleishan 18:1

Brom deya langa main drim aibin luk najawan einjul bin kamdan brom hebin. Imbin brabli haibala einjul, en wen imbin kamdan, imbin shain ebriweya langa dijan kantri jis laik deilait.

Rebaleishan 20:11

Brom deya aibin luk bigbala waitwan tjeya, en aibin luk det sambodi hubin jidan langa det tjeya, en ola graun en skai bin ranawei na, binij olagija.