Biblia Todo Logo
Bìoball air-loidhne

- Sanasan -




Luk Bin Dalim Ola Stori Blanga Jisas Langa Wan Jintail Men 2:1 - Kriol Baibul

1-3 Wal deibin abum wan haibala gabman bos neim Agastas deya langa det taun gulum Rom, en seimtaim wan men neim Kwariniyas bin jidan bos langa det kantri gulum Siriya. Wal Agastas bin wandi kaundimap ola pipul langa ebri kantri, en ebribodi bin lafta go langa olabat ron kantri en gibit olabat neim langa detlot gabman wekinmen deya.

Faic an caibideil Dèan lethbhreac




Luk Bin Dalim Ola Stori Blanga Jisas Langa Wan Jintail Men 2:1
13 Iomraidhean Croise  

Wal King Seksis bin jandim wed langa ol detlot pipul langa ola kantri weya imbin jidan king. Imbin dalim olabat, “Yumob lafta jandimbek teksmani langa mi, en ola men du blanga wek blanga mi.” Lagijat na imbin tok. Imbin jandim det wed langa ola longweiwan kantri en ola kantri gulijap langa solwoda du.


Wal yu dalim melabat na. Yu reken im rait det haibala gabman bos gin meigim melabat peiyim teks mani langa im? Melabat garra pei det teks mani o najing?”


Bat bifo det taim garra kaman blanga mi blanga kambek, main mesinja olabat garra go langa ola pipul langa ebri kantri, en dei garra dalimbat olabat det gudnyus blanga det Nyubalawei blanga God.” Lagijat na Jisas bin tok.


Trubala ai dalim yumob. Ebriweya langa dijan kantri weya dei garra dalimbat dijan gudnyus blanga mi, dei garra dalim dijan stori blanga dijan gel du blanga jinggabat im.” Lagijat na Jisas bin tok.


Wal Jisas bin tok langa detlot wekinmen blanga im, “Yumob go langa ebri kantri en dalimbat det gudnyus langa ebribodi.


Wal Josef en im pramis Meri bin go langa Bethlahem blanga gibit dubala neim. Meri bin jidan femiliwei,


Bambai na det rait taim bin kaman. Det men neim Taibiriyas bin jidan king 15 yiya, en Panshas Pailat bin jidan bos blanga Judiya, en Herod bin jidan bos blanga Gelali, en im braja Filip bin jidan bos blanga det dubala kantri gulum Ituriya en Trakonaitas, en Lisaniyas bin jidan bos blanga det kantri gulum Ebalin,


Wanbala mesinja bin neim Egabas, en det Holi Spirit bin dalim im wanim garra hepin bambai. Wal det mesinja bin go langa ola Kristjan pipul, en imbin jandap deya, en imbin dalim olabat blanga ola daga garra ranat, dumaji dei kaan abum eni rein, en trubala det ting bin hepin bambai wen det men neim Klaudiyas bin jidan king.


If aibin breigim eni lowa weya im tok dei garra kilim mi ded, wal ai nomo askim yu blanga larramgo mi fri. Bat if ai nomo bin dum wanim dislot Juwish lida bin reken aibin dum, wal nobodi kaan hendimoba mi langa olabat. Ai wandi go langa det brabli haibala gabman kot deya langa Rom.” Lagijat na Pol bin tok.


Bat im nomo bin wandi go deya. Imbin wandi go langa det haibala gabman kot deya langa Rom. Wal aibin dalim main blijiman olabat blanga wotjim im raidap im taim blanga jandim im langa det brabli haibala bos langa Rom.” Lagijat na det gabman bos bin tok.


Wal mi oldei jinggabat yumob ebritaim wen mi oldei prei. En God sabi trubala mi oldei prei blanga yumob. Im sabi mi oldei gibit theingks langa im blanga yumob thru Jisas Krais, dumaji yumob bilib brabliwei, en det stori blanga yumob bin spredat langa ebri kantri. Wal mi oldei dalimbat det gudnyus blanga Jisas Krais det San blanga God, en mi oldei dum det wek blanga God brabli adbalawei.


en ola Kristjan pipul hu wek blanga det haibala gabman bos iya tok gudei langa yumob, en ola Kristjan pipul iya langa dijan taun tok gudei langa yumob du. Melabat holot tok gudei langa ol yumob deya.


Lean sinn:

Sanasan


Sanasan