Luk Bin Dalim Ola Stori Blanga Jisas Langa Wan Jintail Men 10:2 - Kriol Baibul

² en imbin dalim olabat, “Loda pipul ebriweya olabat redi blanga bulurrum God. Bat oni lilbit wekinmen blanga dalim olabat hau dei garra bulurrum im. “Wal yumob garra askimbat God blanga jandim wekinmen blanga dalimbat detlot pipul.

Luk Bin Dalim Ola Stori Blanga Jisas Langa Wan Jintail Men 10:2 Iomraidhean Croise

Fes Kings 18:22

En Ilaija bin kipgon tok, “Oni mi na wanbala speshalwan mesinja laibala blanga YAWEI, bat tudei 450 pipul jidan speshalwan mesinja blanga det drimin sheip gulum Beil.

Ola Saam 68:11

Bos, yubin gibit wed en loda wuman bin deigim dijan nyus ebriweya,

Jeramaiya 3:15

Wal ai garra pikimat detlot lida hu oldei duwit langa mi, en dei garra jidan brabli klebabala, en dei garra jidan jis laik stakmen blanga lukaftumbat yumob.

Sekaraiya 11:17

Im brabli nogud blanga det nogudwan bos hu nomo lukaftumbat im pipul olabat, en im jis libum olabat. Ola solja garra kaman en beldim im, en libum im wikwan garram breikinwan am. Im garra jidan blain langa im raidensaid ai, en im kaan sabi wanim blanga dum mowa na.”

Sekaraiya 11:5

Detlot boswan jinggabat oni blanga kilim detlot ship blanga gajim mani, en nobodi panishim olabat. Dei selim detlot bifpat en tok, ‘YAWEI im gudwan. Wi garram loda mani!’ Dei nomo jinggabat blanga detlot ship blanga olabat weya bin dai.

Nambas 11:17

Ai garra kamdan en tok langa yu, en ai garra deigimwei sambala spirit weya aibin gibit langa yu, en ai garra gibit langa olabat wulijim dei garra albumbat yu dumbat wek blanga ol dislot pipul dumaji yu kaan dumbat ola wek yuselp.

Nambas 11:29

Mosis bin ensim im, “Yu sabi wanim ai wandim? Ai wandim YAWEI blanga gibit im spirit langa ol dislot pipul en meigim olabat jingat laik detlot speshalwan mesinja.”

Methyu 20:1

Wal Jisas bin kipgon tok langa im wekinmen olabat, “Bambai wen ai garra gibit detlot pipul hu bulurrum mi olabat prais, ai garra gibit detlot prais jis laik det fama peiyim im wekinmen olabat. Ailibala det fama bin go en lukabat sambala men blanga wek langa im greip gadin.

Mak Bin Dalim Ola Stori Blanga Jisas 13:34

Yumob jinggabat det men wen im gowei longtaim brom im haus. Im dalim ola wekinmen blanga im blanga lukaftumbat im haus, en im gibit wek langa ebriwan blanga dum, en im dalim wanbala blanga wotjimbat det haus. Dei garra wotjimbat olataim, dumaji dei nomo sabi wotaim det bos blanga olabat garra kambek.

Mak Bin Dalim Ola Stori Blanga Jisas 16:15

Wal Jisas bin tok langa detlot wekinmen blanga im, “Yumob go langa ebri kantri en dalimbat det gudnyus langa ebribodi.

Mak Bin Dalim Ola Stori Blanga Jisas 16:20

Wal ol detlot wekinmen bin go, en deibin dalimbat det gudnyus ebriweya na, en Jisas bin deya garram olabat, en imbin gibit olabat im pawa blanga dumbat detlot klebabala ting, en detlot klebabala ting na bin jidan pruf blanga det gudnyus. Binij na.

Luk Bin Dalim Ola Stori Blanga Jisas Langa Wan Jintail Men 9:1

Bambai na Jisas bin jingat langa det twelbala wekinmen blanga im, en imbin tok, “Ai gibit yumob pawa blanga andimwei nogudbala spirit en blanga meigim sikbala pipul gudbala.

Eks Hau Det Gudnyus Blanga Jisas Krais Bin Spredat Ebriweya 11:19

Wal det taim wen ola bilibamob bin abum adtaim afta wen Stibin bin dai, sambala bilibamob brom Jerusalem bin go langa det kantri gulum Fanisha en langa det ailin gulum Saipras en langa det taun gulum Entiyak, en deibin dalimbat det gudnyus langa ola Juwish pipul deya. Bat dei nomo bin dalimbat ola najalot pipul.

Eks Hau Det Gudnyus Blanga Jisas Krais Bin Spredat Ebriweya 13:2

Wal wantaim detlot men na nomo bin dagadagat eni daga, dumaji deibin weshipbat God, en wen deibin dum lagijat, det Holi Spirit bin dalim olabat. Imbin tok, “Yumob garra kadimat Banabas en Sol blanga mi, dumaji aibin pikimat dubala blanga dum speshalwan wek blanga mi.”

Eks Hau Det Gudnyus Blanga Jisas Krais Bin Spredat Ebriweya 13:4

Wal det Holi Spirit bin jandim Banabas en Pol, en dubala bin go langa det taun gulum Salusha, en brom deya dubala bin gowin langa bout, en dubala bin go langa det ailin gulum Saipras.

Eks Hau Det Gudnyus Blanga Jisas Krais Bin Spredat Ebriweya 20:28

“Wal ol yumob tjetj lidamob garra wotjim miselp, en yumob garra wotjim ol detlot bilibamob du, dumaji det Holi Spirit bin meigim yumob jidan bos blanga olabat. Yumob garra lukaftumbat olabat brabliwei, dumaji God san bin weistim im blad blanga meigim olabat jidan blanga im,

Eks Hau Det Gudnyus Blanga Jisas Krais Bin Spredat Ebriweya 22:21

Bat det Boswan bin dalim mi. ‘Yu go na, dumaji ai garra jandim yu longwei langa ola Jintail pipul.’ ”

Eks Hau Det Gudnyus Blanga Jisas Krais Bin Spredat Ebriweya 8:4

Wal detlot bilibamob hubin ranawei brom Jerusalem bin go ebriweya en dalimbat ola pipul det gudnyus.

Fes Karinthiyans 15:10

Bat God bin brabli kainbala langa mi, en imbin meigim mi jidan hau mi jidan. Trubala ai dalim yumob. God bin brabli kainbala langa mi, en imbin tjeinjim main laif brabliwei. En aibin wek brabli adbalawei mowa langa detlot najalot speshalwan mishanri. Bat im nomo rili mi hu dumbat det wek. God dumbat det wek.

Sekan Karinthiyans 6:1

Wal God bin meigim mi mishanri blanga im, en mi wek mijamet garram im. En ai dalim yumob. God bin brabli kainbala langa yumob. En blanga tharran na mi askimbat yumob nomo blanga slekbek en gibap.

Falipiyans 2:21

Bat ol detlot najalot pipul oldei jinggabat olabat ronselp. Dei nomo jinggabat blanga dum enijing blanga Jisas Krais.

Falipiyans 2:25

Wal tudei aibin jinggabat blanga jandimbek langa yumob main Kristjan braja neim Ipefrodaitas. Yumob bin jandim im langa mi basdam blanga album mi, en imbin wek adbalawei garram mi, en imbin oldei bekimap mi weya aibin oldei tok blanga det gudnyus.

Falipiyans 2:30

en yumob garra oldei rispek pipul hu jidan jis laik Ipefrodaitas jidan, dumaji im nomo bin jinggabat blanga im ronwan laif, en imbin gulijap dai blanga det wek blanga Jisas Krais wen imbin deigim pleis blanga yumob blanga albumbat mi.

Kaloshans 1:29

Blanga tharran na mi oldei adwek nomo lilbit, en mi oldei yusumbat det brabli strongwan pawa blanga Jisas Krais weya imbin gibit langa mi.

Kaloshans 4:12

Wal det najawan men brom yumob neim Apefras im iya garram mi, en im tok gudei langa yumob du. Im wekinmen blanga Jisas Krais, en im oldei prei blanga yumob brabliwei, en im oldei askimbat God blanga meigim yumob jandap brabli strongbala en jinggabat wanwei en sabi en dum ebrijing God wandim.

Fes Thesaloniyans 2:9

Wal main braja en sista olabat, yumob sabi melabat bin oldei wek adbala deitaim en naitaim blanga melabat enijing, dumaji melabat nomo bin wandi fosim yumob blanga gibit melabat enijing wen melabat bin dalimbat yumob det Gudnyus blanga God.

Fes Thesaloniyans 5:12

Wal main braja en sista olabat, melabat askimbat yumob blanga rispek langa ol detlot tjetj lidamob, dumaji dei oldei adwek blanga album yumob jidan gudbalawei,

Sekan Thesaloniyans 3:1

Wal main braja en sista olabat, yumob garra prei blanga melabat du. Yumob garra askim God blanga meigim det gudnyus blanga Jisas Krais det Bos blanga wi kipgon spredatbat kwikbala, en yumob garra askim im blanga meigim loda pipul bilib det wed jis laik yumob bin bilib,

Fes Timathi 4:10

Yunmi oldei wek brabli adbala, dumaji yunmi trastim det laibalawan God blanga seibum yunmi, en im na garra seibum ebribodi hu bilib langa im.

Sekan Timathi 4:5

Bat yu, Timathi, nomeda wanim garra hepin, bat stil yu garra oldei jinggabat langa yu main gudbalawei, en wen dei gibit yu adtaim, yu kaan nokap, dumaji yu garra kipgon spredimatbat det gudnyus, en yu garra meiksho yu dumbat det wek brabliwei weya God bin gibit yu blanga dum.

Failiman 1:1

Orait, mi na Pol, en mi raidimdan leda langa main meit Failiman. Yunmi garram wanbala Bos, en im neim Jisas Krais, en yunmi wekinmen blanga im. Wal mi jidan iya langa jeil, dumaji aibin dalimbat det gudnyus blanga Jisas Krais langa ola pipul. En yunmi braja Timathi, im iya garram mi weya mi raidimbat dijan leda langa yu, en im tok gudei langa yu.

Hibrus 3:6

en det stori blanga Mosis bin jis laiga pitja blanga Jisas, dumaji Jisas Krais bin duwit langa God brabliwei du. Bat imbin jidan laiga san. Im nomo bin jidan wekinmen blanga det haus blanga God seimwei laik Mosis bin jidan. Jisas bin jidan Bos blanga det haus, en blanga tharran na im haibala langa Mosis. Wal wi na jis laiga haus blanga God, en wi garra gudbinji en dalimbat ola najalot pipul, en wi kaan bradin blanga enijing en nokap, dumaji if wi gobekgobek, wal wi nomo jidan jis laiga haus blanga God.

Rebaleishan 2:1

Brom deya det men bin dalim mi blanga raidimdan dijan wed langa det einjul blanga det tjetj langa det taun gulum Efasas. Det men bin holdim detlot 7 sta langa im raidensaid bingga, en imbin wok langa midul langa detlot 7 goldinwan lempsten. En dijan na det wed brom im.