Luk Bin Dalim Ola Stori Blanga Jisas Langa Wan Jintail Men 1:6 - Kriol Baibul

⁶ Dubala bin jidan brabli gudbala langa Godwei, en dubala bin kipum ol detlot lowa blanga God brabliwei.

Luk Bin Dalim Ola Stori Blanga Jisas Langa Wan Jintail Men 1:6 Iomraidhean Croise

Jenasis 17:1

Bambai na wen Eibram bin 99 yiya ol, YAWEI det trubala God bin kamat langa im, en imbin tok, “Mi na YAWEI det Boswan God, en yu garra lisin langa mi en nomo dum enijing nogudwan.

Jenasis 6:9

Imbin abum thribala san neim Shem, Hem en Jeifeth, en imbin gudbala men. Nobodi bin oldei faindim eni rong langa im, en imbin oldei bulurrum God brabliwei.

Jenasis 7:1

Afta na YAWEI det trubala God bin tok langa Nowa, “Aibin luk ebribodi langa ola kantri oldei dumbat nogudbala ting, en aibin faindim oni yu na dumbat gudbala ting. Wal yu gowin insaid langa det bout na garram yu femili olabat, dumaji ai garra seibum yumob.

Fes Kings 15:5

Deibid bin oldei dum wanim YAWEI bin oldei dalim im blanga dum en imbin oldei teiknodis langa im. Bat oni det wan taim Deibid nomo bin teiknodis langa YAWEI en tharran bin wen imbin dum det nogudbala ting langa Yuraiya det Hitait men.

Fes Kings 9:4

If yu bulurrum mi en dumbat wanim ai wandim trubalawei jis laik yu dedi Deibid bin dum, en if yu lisin langa ola lowa en duwit,

Sekan Kings 20:3

“YAWEI, yu jinggabat langa mi. Aibin oldei jidan brabli trubala langa yu en aibin oldei bulurrum yu en aibin oldei trai blanga dum ebrijing weya yu wandim mi blanga dum.” En Hesakaiya bin kraikrai soribalawei.

Sekan Kranakuls 17:4

Imbin oldei weshipbat oni YAWEI hu im dedi bin oldei weshipbat en imbin duwit wanim God bin oldei dalim im. En im nomo bin bulurrum detlot ting ola king blanga ola Isreil pipul bin oldei dum.

Job Wotfo Gudbala Pipul Abum Trabul? 1:1

Wal dijan na det stori blanga det men neim Job hubin jidan langa det kantri gulum As, en imbin rispek langa God brabliwei, en imbin brabli gudbala en im nomo bin dum eni nogudbala ting.

Job Wotfo Gudbala Pipul Abum Trabul? 1:8

Wal YAWEI bin askim im, “Wanim yu reken blanga main wekinmen neim Job? Nomo enibodi langa dijan wel wulijim im, en imbin oldei rispek langa mi brabliwei en imbin jandap brabli strongbala, en im nomo bin dum eni nogudbala ting.” Lagijat na God bin tok.

Job Wotfo Gudbala Pipul Abum Trabul? 9:2

“Ai sabi wanim yu toktokbat im trubala. God reken nomo enibodi gudbala.

Ola Saam 119:6

Wen mi teiknodis langa detlot lowa blanga yu ai kaan dum eni nogudbala ting blanga meigim mi fil sheim.

Luk Bin Dalim Ola Stori Blanga Jisas Langa Wan Jintail Men 1:7

Bat dubala nomo bin abum eni biginini, dumaji Elisabeth kaan abum, en dubala bin brabli ol pipul na.

Luk Bin Dalim Ola Stori Blanga Jisas Langa Wan Jintail Men 16:15

Wal Jisas bin dalim olabat, “Yumob meigim miselp gudwan atsaid wulijim ebribodi garra luk yu gudwan. Bat God sabi wanim yu garram insaid langa yu hat. Loda ting deya yumob reken olabat brabli bigwan ting. Bat detlot ting nomo bigwan langa God, dumaji detlot ting nomo bin kaman brom God.

Luk Bin Dalim Ola Stori Blanga Jisas Langa Wan Jintail Men 2:25

Wal seimtaim wen dubala bin deigim det lilboi langa det Serramoni Pleis, wan olmen neim Simiyan bin jidan deya langa det taun. Imbin gudbala olmen, en imbin oldei weidabat blanga det rait taim wen God garra larramgo fri ol detlot pipul blanga im langa Isreil. Wal det Holi Spirit bin jidan garram det olmen,

Eks Hau Det Gudnyus Blanga Jisas Krais Bin Spredat Ebriweya 2:25

“Wal yumob jinggabat na wanim Deibid bin tok blanga im. ‘Aibin oldei luk det Boswan lida langa mi olataim. Im oldei jidan iya raidensaid langa mi, en im oldei meigim mi jandap strongbala.

Eks Hau Det Gudnyus Blanga Jisas Krais Bin Spredat Ebriweya 23:1

Wal Pol bin luk streit langa olabat, en imbin dalim olabat, “Main kantrimen olabat, mi kliya insaid, en ai sabi aibin bulurrum God brabliwei raidap tudei na.”

Eks Hau Det Gudnyus Blanga Jisas Krais Bin Spredat Ebriweya 24:16

En blanga tharran na mi oldei meiksho mi kliya insaid en nomo dum enijing rong langa God o langa enibodi.

Eks Hau Det Gudnyus Blanga Jisas Krais Bin Spredat Ebriweya 8:21

Yu kaan joinin langa melabat en album melabat garram dijan wek, dumaji det hat blanga yu im nomo rait langa Godwei.

Romans 8:4

Yumob si? Det lowa dalim wi wanim wi garra dum, en wanim det lowa dalim wi blanga dum im gudwan. Bat wi nomo bin duwit langa det lowa brabliwei. En blanga tharran na God bin jandim im San blanga bidim det nogudbalawei insaid langa wi en meigim wi duwit langa det lowa brabliwei. Lagijat na God bin dum blanga ola pipul hu bulurrum det Holi Spirit en nomo bulurrum det ronwan filing blanga olabat.

Fes Karinthiyans 11:2

Wal mi oldei tok gudbalawei blanga yumob, dumaji yumob oldei jinggabat mi, en yumob oldei bulurrum detlot wed weya aibin gibit langa yumob.

Sekan Karinthiyans 1:12

Wal melabat brabli gudbinji, dumaji det filing blanga melabat shoum melabat trubala melabat bin oldei jidan gudbalawei jis laik weya God bin wandim melabat blanga jidan. En det filing blanga melabat shoum melabat trubala melabat bin oldei tridim yumob brabli gudbalawei jis laik weya God bin wandim melabat blanga dum. Melabat nomo bin trikim yumob en dum nogudbala ting langa yumob. Yumob sabi? Melabat nomo bulurrum det wei blanga dijan wel hau pipul oldei jinggabat. Melabat oldei bulurrum det wei blanga God weya im oldei brabli kainbala langa melabat.

Dyudaranami 5:33

Yumob teiknodis en duwit langa ol detlot lowa na wulijim ebrijing gin jidan gudbalawei blanga yumob en wulijim yumob gin kipgon jidan langa det kantri weya yumob garra teikoba.”

Falipiyans 2:15

Yumob garra dum ebrijing gudbalawei en meigim miselp jidan nomo garram enijing rong. Yumob garra jidan brabli gudbala pipul blanga God, dumaji dijan wel weya wi jidan im garram olkain nogudbala pipul hu oldei dumbat nogudbala ting, en yumob garra jidan jis laiga lait blanga olabat. Yumob garra jidan jis laik ola sta weya shain langa skai,

Kaloshans 1:22

Bat God bin bringimbek yumob langa imselp thru Jisas Krais wen imbin dai. Imbin bringimbek yumob wulijim yumob garra jandap brabli gudwan lida langa im, nomo garram eni bleim en nomo garram enijing rong.

Fes Thesaloniyans 3:13

en im garra meigim yumob jidan brabli strongbalawei insaid, en wen Jisas Krais det Bos garra kamdan garram im pipul en einjul olabat, yumob garra jandap lida langa wi Dedi God nomo garram eni folt.

Sekan Pida 3:14

Wal main gudfren olabat, yumob wandim det dei garra kaman, en blanga tharran na yumob garra adwek wulijim God garra luk yumob jidan gudbalawei nomo garram enijing rong, en yumob garra jidan streitwei langa im.

Fes Jon 2:29

Wal yumob sabi Jisas Krais jidan gudbalawei nomo garram enijing rong, en ai wandim yumob garra sabi detlot pipul hu bulurrum det gudbalawei jidan biginini blanga God.

Fes Jon 2:3

Wal wi garra dum ebrijing weya God bin dalim wi blanga dum. En wen wi dum, tharran na shoum wi trubala wi sabi God.

Fes Jon 3:7

Wal main biginini olabat, yumob nomo wandi larram enibodi dalimbat yumob laiya blanga dijan wed weya ai garra dalim yumob. En iya na det wed. Detlot pipul hu oldei dumbat gudbala ting, olabat na gudbala jis laik Jisas Krais im gudbala.