Luk Bin Dalim Ola Stori Blanga Jisas Langa Wan Jintail Men 1:51 - Kriol Baibul

⁵¹ God bin shoum im pawa langa ol detlot pipul hubin reken miselp haibala en meigimbat olabat ronwan plen. Imbin shoum im pawa wen imbin deigidawei ola enijing brom olabat en meigim olabat lobala.

Luk Bin Dalim Ola Stori Blanga Jisas Langa Wan Jintail Men 1:51 Iomraidhean Croise

Jenasis 11:8

Afta na YAWEI bin kadimat ola pipul, en imbin spredimat olabat langa ebri kantri, dumaji imbin miksimap olabat langgus, en dei nomo bin binijim det taun weya deibin bildimbat.

Jenasis 6:5

Bambai na YAWEI bin luk ebrijing weya ola pipul bin dumbat bin brabli nogudwan, en God bin luk ebrijing weya deibin jinggabat olataim bin brabli nogudwan du.

Jenasis 8:21

Wal wen detlot enimul en bard bin ol kukwan, YAWEI bin smelim olabat, en imbin tok, “Im brabli gudwan dijan. Wal ai sabi pipul oldei jinggabat nogudbala ting brom olabat beibitaim. Bat ai kaan kilim dijan graun igin. Ai kaan draundim ola pipul en ola enimul igin seimwei laik aibin jis dum.

Ola Saam 118:15

Irrim ola pipul blanga God jinginatbat gudbinjiwei insaid langa olabat tent dumaji deibin win. Det strongwan pawa blanga YAWEI det trubala God bin meigim olabat bidim olabat enami.

Ola Saam 33:10

Langa detlot kantri weya pipul nomo bulurrum YAWEI, im nomo larram eni nogudbala plen hepin.

Ola Saam 52:9

God, ai garra oldei gibit yu theingks blanga wanim yubin dum. Wen yu pipul olabat majurrumap miselp, ai garra dalimbat olabat, yu na brabli gudwan.

Ola Saam 63:5

Main spirit garra jidan bulap en sedisfaid jis laik aibin dagat detmatj daga. Ai garra sing ola hepiwan song blanga preisim yu.

Ola Saam 89:10

Yubin kilim ded det bigwan solwoda enimul gulum Reiheb. Garram yu strongbalawan pawa yubin bidim yu enami olabat.

Ola Saam 89:13

Yu na det brabli strongbalawan. Yu pawa im jidan nomo lilwan. Im brabli strongbala.

Ola Saam 98:1

Sing nyuwan song langa YAWEI det trubala God. Imbin dum ola brabli gudwan ting. Garram im ron haibala pawa en strongwan bingga imbin win.

Eksadas 18:11

En ai sabi na oni YAWEI na det brabli trubalawan God, en im mowa haibala langa ola drimin. Ai sabi, dumaji YAWEI bin album yumob wen det king en im pipul olabat bin oldei tridim yumob brabli nogudwei.” Lagijat na Jethro bin tok.

Aisaiya 40:10

Trubala YAWEI det boswan God im kaminap. Im garra jidan bos garram im brabli strongbala pawa. Im bringimap ola gudwan ting imbin gajimbat brom im enamimob, en im garra gibit ol detlot ebrijing langa im pipul olabat.

Aisaiya 51:9

Wal aibin tok na, “YAWEI, yu kaman na, en dum samting. Yu jidan strongbala en yu oldei jidan redibala. Yu kaman na en dum wanim yubin dum longtaim blanga melabat pipul olabat wen yubin bidim Ijip, det pleis sambala pipul gulum Reiheb.

Aisaiya 52:10

YAWEI garra seibum im pipul olabat garram im strongbala pawa, en ebribodi brom ebri kantri garra luk det brabli strongbala pawa blanga God.

Aisaiya 63:12

Weya det strongbala pawa blanga YAWEI hubin oldei wokwokbat garram Mosis? Wi garra gibitbat theingks langa YAWEI olataim, dumaji im na bin kadimat det solwoda gulum Redsi.

Jeramaiya 49:15

Wal YAWEI garra meigim yumob jidan wikwan, en nobodi kaan rispek langa yumob.

Denyul 4:37

“Tudei na mi garra kipgon preisimbat en weshipbat langa God det Bos langa Top. Ebrijing im dum im rait en gudwan en im gibit pipul feyago. En im gin meigim enibodi jidan lobala hubin laigim miselp en oldei jidan haibala.” Lagijat na King Nebakanesa bin tok langa det wed weya imbin jandim langa ola pipul langa ebri traib en ebri langgus langa ebri kantri.

Romans 1:21

Yu si? Nobodi kaan tok im nomo sabi God, dumaji ebribodi sabi im. Bat sambala pipul nomo rispek langa im en gibit im theingks. Deibin go granggibala langa olabat main, en olabat filing insaidwei bin siliwan, en det filing blanga olabat bin go mowa dakbala.

Sekan Karinthiyans 10:5

Bat det enami nomo pipul. Mi fait langa laiyawan wed, en mi oldei bidim detlot laiyawan wed, en mi oldei tjakidawei ola praudbala wed weya stapam pipul brom sabi God, en mi oldei go shotkat langa detlot nogudbala wed weya pipul jinggabat, en mi oldei tenimran detlot wed blanga meigim olabat duwit langa det wed blanga Jisas Krais.

Dyudaranami 4:34

Wal yumob sabi eni drimin bin deigim pipul brom najawan kantri en meigim olabat im ronwan pipul laik YAWEI bin dum langa yumob wen yumob bin jidan deya langa Ijip? Yumob bin luk garram yumob ronwan ai wen imbin yusum im brabli gudwan en strongbala pawa wen imbin dum brabli klebabala ting en seibum yumob brom yumob enamimob. Imbin meigim olabat bradin nomo lilbit wen deibin luk ol dislot ting hepin.

Fes Pida 5:5

Wal im lagijat blanga ol yumob yangmen du. Yumob garra teiknodis langa ola olmen, en yumob garra meigim miselp lobala en album miselp, dumaji langa oltestaman im tok, “God nomo gudbinji langa detlot pipul hu meigim miselp haibala. Bat im gudbinji langa detlot pipul hu meigim miselp lobala.”

Rebaleishan 18:8

Wal blanga tharran na bigis trabul garra kaman langa det pleis. Det seim dei siknis garra kaman langa Bebalon, en bednyus garra kamat langa det taun, en ola daga garra ranat du. Afta na dei garra barnimap det pleis garram faiya. Lagijat na im garra hepin langa Bebalon, dumaji God im panishimbat det pleis na. Oni God na im Boswan, en im brabli strongwan du.” Lagijat na det sambodi bin tok.