Luk Bin Dalim Ola Stori Blanga Jisas Langa Wan Jintail Men 1:3 - Kriol Baibul

³ Wal aibin jinggabat ol detlot stori brabliwei, en aibin go raitbek en tjekoba ol detlot stori brom stat. En blanga tharran na aibin jinggabat blanga raidimdan ol detlot stori blanga streitinimap olabat blanga yu, Thiyafalas.

Luk Bin Dalim Ola Stori Blanga Jisas Langa Wan Jintail Men 1:3 Iomraidhean Croise

Ola Saam 40:5

YAWEI, main God, yu oldei jinggabat melabat. Yubin dum loda klebabalawan ting blanga melabat, en nobodi iya jidan wulijim yu! Yubin dum detmatj gudbala ting blanga melabat, melabat kaan kaundim olabat!

Ola Saam 50:21

Yumob bin dumbat ol dislot ting na, en ai nomo bin tok enijing. Maitbi yumob bin reken aibin seim laik yumob, bat najing. Aibin jidan witnis blanga detlot rong ting, en ai garra dalimbat yumob streidat blanga ola nogudbala ting weya yumob bin dumbat.

Prabebs 22:21

Yu gin trastim detlot wed brabliwei blanga gibit yu ola raitwan ensa blanga detlot hu jidan bos blanga yu.”

Aklisiyestis 12:9

Orait ai wandi tok dijan na. Det titja bin jidan klebabala, en imbin kipgon dalimbat ola pipul wanim imbin sabi. En imbin jinggabat ol detlot gudwan wed brabli adbalawei, en imbin trai faindat en sabi loda ting langa dijan laif en detlot gudwan wed, en brom deya imbin raidimdan gudwei.

Luk Bin Dalim Ola Stori Blanga Jisas Langa Wan Jintail Men 1:1

Wal loda pipul bin raidimdan stori blanga Jisas Krais en ol detlot ting weya bin hepin iya langa dijan kantri Judiya.

Eks Hau Det Gudnyus Blanga Jisas Krais Bin Spredat Ebriweya 1:1

Main meit Thiyafalas, langa det feswan leda weya aibin jandim langa yu, aibin dalim yu blanga ebrijing weya Jisas bin oldei dumbat en titjimbat. Aibin dalim yu ebrijing brom det taim weya imbin stat im wek iya langa dijan kantri raidap langa det taim weya God bin deigimbek im langa hebin.

Eks Hau Det Gudnyus Blanga Jisas Krais Bin Spredat Ebriweya 11:4

Wal Pida bin dalim olabat wotfo imbin go langa detlot Jintail pipul,

Eks Hau Det Gudnyus Blanga Jisas Krais Bin Spredat Ebriweya 15:19

Lagijat na det mesinja neim Eimos bin tok. En ai reken wi kaan meigim ad blanga ol detlot Jintail pipul hu kaman langa God.

Eks Hau Det Gudnyus Blanga Jisas Krais Bin Spredat Ebriweya 15:25

En wen melabat bin irrim det nyus, melabat bin abum miting, en melabat bin pikimat dubala men neim Judas Basabas en Sailas blanga go deya langa yumob garram wed brom melabat, en melabat bin jandim dubala garram det dubala mishanri neim Banabas en Pol.

Eks Hau Det Gudnyus Blanga Jisas Krais Bin Spredat Ebriweya 15:28

Det Holi Spirit en melabat bin jinggabat nomo blanga meigim ad blanga yumob. Wal yumob kaan bulurrum det Juwish lowa. Oni dijan fobala lowa na yumob garra bulurrum.

Eks Hau Det Gudnyus Blanga Jisas Krais Bin Spredat Ebriweya 18:23

Afta na wen Pol bin jidan deya langa Entiyak lilbit longtaim, imbin go thru langa det dubala kantri gulum Galeisha en Frijiya, en imbin oldei go langa ola tjetj en tok langa ola bilibamob blanga meigim olabat mowa strongbala.

Eks Hau Det Gudnyus Blanga Jisas Krais Bin Spredat Ebriweya 23:26

Det leda bin tok, “Brom Klaudiyas Lisiyas langa det haibala gabman bos neim Filiks. Gudei.

Eks Hau Det Gudnyus Blanga Jisas Krais Bin Spredat Ebriweya 24:3

Ola pipul ebriweya melabat gudbinji blanga detlot lowa, en melabat gibit theingks langa yu blanga tharran.

Eks Hau Det Gudnyus Blanga Jisas Krais Bin Spredat Ebriweya 26:25

Wal Pol bin tok, “Bos, mi nomo granggibala. Mi dalim yu trubala dijan.”

Fes Karinthiyans 16:12

Wal ai garra dalim yumob na blanga Apalas det braja blanga wi. Aibin dalim im brabliwei blanga go langa yumob garram detlot najalot Kristjan braja en sista blanga wi. Bat im nomo bin wandi go. Bat im garra go wen det rait taim garra kaman.

Fes Karinthiyans 7:40

Bat ai reken det widogel garra brabli gudbinji if im kipgon jidanbat singulbala. En ai gin tok lagijat, dumaji ai garram det Holi Spirit jis laik yumob garram, en im na meigim mi sabi.

Fes Timathi 4:6

Wal Timathi, if yu wandi jidan gudbala wekinmen blanga Jisas Krais, wal yu garra dalim ola braja en sista dijan wed weya mi dalimbat yu. En if yu wandi jidan strongbalawei, wal yu garra kipgon bulurrumbat det trubala wed weya wi bilib en weya aibin lenimbat yu,