Labidakas 9:10 - Kriol Baibul

¹⁰ Afta na imbin barnimap langa det teibul blanga ofring, det fet, det dubala kidni, en det brabli gudwan pat langa det liba, jis laik YAWEI bin dalim Mosis.

Labidakas 9:10 Iomraidhean Croise

Ola Saam 51:17

Main God, wen mi sori en meigim miselp lobala, det taim na yu kaan andimwei mi. Wen mi brabli sori en nomo jidan praudbala, tharran na det gudwan sekrifais blanga yu blanga jidan gudbinji garram mi igin.

Eksadas 29:13

Afta yu garra gajim ola fet brom det binji blanga det buligi en det lilwan pat brom det liba en det dubala kidni garram ola fet, en yu garra barnimap ol detlot na ontop langa det teibul blanga ofring blanga mi,

Prabebs 23:26

Main boi, yu garra teiknodis langa mi brabliwei en yu wotjim wanim mi oldei dumbat.

Aisaiya 53:10

Wal YAWEI bin tok, “Wal lagijat na aibin meigim det plen blanga det wekinmen blanga abum det trabul en pein, en gibit miselp jis laiga sekrifais ofring blanga deigimwei ol detlot nogudbalawei blanga ola pipul, en meigim olabat jidan nomo giltiwan. Blanga tharran na, det wekinmen garra jidan laibala en luk hau imbin seibum detmatj pipul en ol detlot pipul hu garra kaman bambai. Imbin dum ebrijing wanim aibin wandim im blanga dum.

Aisaiya 57:15

“Mi na det holiwan God, en ai jidan langa hebin olagijawan. Nomeda ai jidan iya langa top langa dijan holiwan pleis, mi iya du blanga album detlot pipul hu oldei jidan lobala, en hu oldei trastimbat oni langa mi.

Aisaiya 66:2

Wal mi na YAWEI det trubala God bin meigim ebrijing. Detlot pipul weya mi laigim olabat brabliwei, dei oldei jidan lobala en dei oldei jinggabat oni langa mi blanga albumbat olabat, en olabat sheik wen dei irrim mi toktokbat.

Labidakas 9:11

En imbin barnim det bif en skin atsaid brom olabat kemp.

Labidakas 9:9

Im sanmob bin bringimap det blad en imbin pudum im bingga langa det blad, en imbin pudum sambala blad langa det shapwan pat langa det fobala kona langa det teibul blanga ofring, en imbin pudum det najalot blad langa bodamwei langa det teibul.