Labidakas 7:7 - Kriol Baibul

⁷ “Dislot lowa na im blanga det peiyimbek ofring, en im seim laik det ofring blanga nogudbalawei. Detlot bif im blanga det serramonimen hubin dumbat det sekrifais.

Labidakas 7:7 Iomraidhean Croise

Sekan Kings 12:16

Detlot serramonimen bin lau kipum oni detlot ofring mani weya enibodi bin pei blanga meigim miselp fri brom det nogudbala ting weya deibin dum en ola ofring mani weya enibodi bin pei wen deibin dumbat nogudbala ting. Dei nomo bin pudum detlot mani langa det boks, imbin blanga detlot serramonimen.

Sekan Kings 12:17

Wal langa det taim na wen Jowesh bin jidan king blanga Juda, Heiseiyel det king blanga Siriya bin fait en teikoba det taun gulum Geth, deya langa Juda. Brom deya imbin jinggabat blanga go en fait langa Jerusalem. Wal King Jowesh bin gajim ola ofring weya detlot king hubin jidan basdam neim Jehosafet, Jehoram en Eihesaiya en blanga im ronwan ofring du weya deibin gibit langa YAWEI. En imbin deigim ola gol du brom det speshalwan rum langa det Serramoni Pleis en brom det bigwan haus blanga im. En ol detlot ebrijing na imbin jandim blanga gibit King Heiseiyel, wulijim Heiseiyel kaan go blanga fait langa Jerusalem na.

Labidakas 14:13

En im garra kilim det lilwan ship langa det pleis weya dei oldei kilim detlot enimul blanga det ofring blanga nogudbalawei en det barnapwan ofring. En im garra dum lagijat na, dumaji det dubala ofring jidan brabli seikridwan en blanga det serramonimen.

Labidakas 2:10

En ol det najalot sid daga ofring garra jidan blanga detlot serramonimen. Tharran ofring im brabli seikridwan, dumaji deibin deigimat det daga brom det ofring wen yubin gibit langa mi na YAWEI.

Labidakas 2:3

En ol det najalot sid daga ofring garra jidan blanga detlot serramonimen. Tharran ofring im brabli seikridwan, dumaji deibin deigimat det daga brom det ofring weya imbin gibit langa mi na, YAWEI.

Labidakas 7:8

If enibodi gibit enimul langa det serramonimen blanga sekrifais, det skinpat blanga det enimul, im blanga det serramonimen.

Nambas 5:8

Bat if det sambodi bin dai en im nomo garram eni rileishan, wal det sambodi hubin dum det nogudbala ting garra gibit det mani langa YAWEI blanga det serramonimen. Im garra gibit det mani seimtaim garram det dediwan ship ofring blanga meigim im fri brom det nogudbalawei.

Fes Karinthiyans 10:18

Wal yumob jinggabat ola Isreil pipul na. Wen deibin dagat det daga weya deibin gibit blanga det sekrifais ofring, deibin oldei joinin langa det serramoni weya deibin abum langa det teibul blanga ofring deya langa det Serramoni Pleis blanga olabat.

Fes Karinthiyans 9:13

Yumob sabi detlot men hu wek langa Serramoni Pleis oldei gedim olabat daga brom det Serramoni Pleis, en detlot serramonimen hu wek langa det teibul blanga ofring deya langa det Serramoni Pleis oldei gedim sambala daga brom det ofring weya pipul oldei gibit.